اک صدائے رحیل و بانگ جرس
صبحدم تھی یہاں ترنم ریز
بھر نہ جانے کدھر گئے جوگی
دے کے مجھ کو پیامِ دل آویز
ڈھونڈھتی ہوں مگر نہیں ملتے
جانے ان کے قدم تھے کتنے تیز
یاد آتے ہیں اب وہ بیراگی
ان کی ہر بات ہے خیال انگیز
میں فراموش کر نہیں سکتی
وہ فضا وہ ہواے عنبر بیز
میری ہستی پہ چھا گئے ہیں وہ
کب ملیں گے وہ مجھ سے کم آمیز

صبح سویرے سنکھ بجاکر، لادگئے ہیں ساجن،
ڈھونڈا ان کے ہونے کو، پر ڈھونڈ سکی نہ برہن،
مہکیں جن کے آسن، بن ان کے کیا جینا!