سوئے، نانی، چلے گئے سوامی
اب یہاں کون ہے مرا ہمراز
صبحدم آج کل نہیں ہوتے
ان کے ناقوس زمزمہ پرداز
جی سکوں گی نہ اب میں ان کے بغیر
تھے وہی میرے مونس و دمساز

جسم پر خاک ہاتھ میں ناقوس
اور ہی کچھ ہیں جوگ کے آداب
سمتِ نانی چلے ہیں سنیاسی
کوئی دیکھے تو ان کی آب و تاب
میرے دل کا قرار ہیں وہ لوگ
رحمتِ کردگار ہیں وہ لوگ

کب روانہ ہوئے یہاں سے وہ
مجھ پر ظاہر نہ ہو سکی یہ بات
کر رہے تھے یہاں وہ بیراگی
راز دارانہ ہی بسر اوقات
سوچتی ہوں میں اب کہ ان کے بغیر
کیا رہے زندگی کے امکانات

نانگے نانی اور چلے، لاد گئے بے چارے،
رات ڈھلی تو سن نہ پائی، سنکھ کے سُر وہ پیارے،
کل جو تھے اِس دوارے، بن ان کے کیا جینا ری۔