सुर कल्याणु

दास्तान पहिरियों

बैत - 1

अव्वलि अल्लाहु अलीमु। अआला आलम जो धणी।
क़ादिरु पंहिंजी क़ुदरत सें। क़ाइमु आहे क़दीमु।
वाली। वाहिदु। वह्दहु। राज़िक़ु रब्बु रहीमु।
सो साराहि सचो धणी। चई हम्दु हकीमु।
करे पाण करीमु। जोड़ूं जोड़ जहान जी॥

बैत - 2

वह्दहु ला शरीक लहु। जां थो चईं ईअं।
तां मञि मुहम्मदु कारणी। निरतूं मंझां नींहं।
तां तूं वञियो केअं। नायें सिरु ॿियनि खे॥

बैत - 3

वह्दहु ला शरीक लहु। जॾहिं चयो जन्नि।
तनि मञ्यो मुहम्मद कारणी। हेजां साणु हींय्यअन्नि।
तॾहिं मंझां तन्नि। अवतड़ि को न ओलियो॥

बैत - 4

वह्दहु ला शरीक लहु। जनि उतो सें ईमान।
तनि मञ्यो मुहम्मद कारणी। क़लब साणु लिसान।
ऊइ फ़ाइक़ में फ़र्मान। अवतड़ि कंहिं न ओलिया॥

बैत - 5

अवतड़ि कंहिं न ओल्या। सुतड़ि व्या सालिम।
हेकाई हेकु थ्या। अहद सें आलिम।
बे बहा बालिम।आगे किया अॻहें॥

बैत - 6

आगे किया अॻहें। निसोरो ई नुरु।
ला ख़ौफ़ुं अलेहिम वला हुम यह्ज़नून। सचनि कोनहे सूरु।
मोले कियो मअमूरु। अंगु अज़ल में उनि जो॥

बैत - 7

वह्दहु जे वढिया। किया इललाह अध।
से धड़ पसी सध। कंहिं अभाॻीअ न थिये॥

बैत - 8

वह्दहु जे वढिया। इललाह अध किया।
मुहम्मद रसूलु चई। मुसलमान थिया।
आशिक़। अब्दुल्लातीफ़ चे। इनहीअ पहि पिया।
तेलांहं धणी धुता। जेलांहं विया वह्दत गॾिजी॥

बैत - 9

वह्दहु जे वढिया। इललाह सें ओरीनि।
हिंयूं हक़ीक़त गॾियो। तरीक़त तोरीनि।
मअर्फ़त जी माठ सीं। ॾेसांदरु ॾोरीनि।
सुखि न सुता कॾहीं।वेही न वोड़ीनि।
कुल्हनिऊं कोरीनि।आशिक़ अब्दुल्लतीफ़ु चे॥

बैत - 10

वह्दहु ला शरीक लहु। ॿुधइ न ॿोड़ा।
की तो कनें सुआ। जे घुट अंदर घोड़ा।
ॻाड़ींदें ॻोढ़ा। जिति शाहिद थींदइ सामुहां॥

बैत - 11

वह्दहु ला शरीक लहु। ईउ विहाइजि वीउ।
खटें जे हारांएं। हन्धु तुंहिंजो हीउ।
पाणां चवन्दुइ पीउ। भरे जामु जन्नत जो॥

बैत - 12

वह्दहु ला शरीक लहु। ईउ हेकड़ाईअ हक़्क़।
ॿियाईअ खे ॿख्खु। जनि विधो से विरसिया॥

बैत - 13

सिरु ढूंढियां। धड़ न लहां। धड़ ढुंढियां सिरु नाहि।
हथ करायूं आङ्रियूं। विया कपिजी कांहिं।
वह्दत जे विहांइ। जे विया से वढिया॥

बैत - 14

वह्दतां कस्रत थी। कस्रत वह्दत कुल्लु।
हक़ु हक़ीक़ी हेकड़ो। ॿोली ॿीअ म भुल्लु।
हू हुलाचो हुल्लु। बिल्लाहि सन्दो सॼणें॥

बैत - 15

तूं चओ अललहु हेकिड़ो। वाइई ॿी विसारि।
तिनि में तंदु तंवार। सदा सुपीरीन जी॥

बैत - 16

तूं चओ अललहु हेकिड़ो, ॿी वाइई विसअरी छॾि
तिअं तूं हिनययं सैन गॾु, सॼणु सअह पसअह में

बैत - 17

तूं चओ अललहु हेकिड़ो। ॿी वारिज म वाइई।
सिखिजि तूं सा अई। जेका मुकी सॼणें॥

बैत - 18

पाणहिं जल्ला जलालुहू। पाणहिं जानि जमालु।
पाणहिं सूरति पिरीअं जी। पाणहिं हुस्नु कमालु।
पाणहिं पीरु मुरीदु यिए। पाणहिं पाण ख़यालु।
सभ सभोई हालु। मंझां ई मअलूम थिए॥

बैत - 19

पाणहिं पसे पाण खे। पाणहिं ई महबूबु।
पाणहिं ख़ल्क़े ख़ूबु। पाणहिं तालिबु तनि जो॥

बैत - 20

सो हीउ। सो हू। सो अजलु। सो अल्लाहु।
सो पिरीं। सो पसाहु। सो वेरी। सो वाहरू॥

बैत - 21

आशिक़ु चौ म उन खे। म की चौ माशूक़ु।
ख़ालिक़ु चौ म ख़ाम तूं। म की चौ मख़्लूक़ु।
सलिज तंहिं सुलूकु। जो नाक़िसिआं निङ्यो॥

बैत - 22

पड़ाॾो सो सॾु। वरु वाईअ जो जे लहीं।
हुआ अॻिहीं गॾु। ॿुधण में ॿ थिया॥

बैत - 23

एकु क़सरु दरअ लखअ। कोड़ोयें कणिसि ॻिड़्खयूं।
जेॾांहं कर्यां परखअ। तेॾांहं साहिब सामुहूं॥

बैत - 24

कोड़ेयें कायाऊं तुंहिंजियूं। लिखनि लखअ हज़ार।
जीउ सभकंहिं जीअ सें। दरसन धारूं धारु।
प्रयमि तुंहिंजा पारअ। किहड़ा चई कीअं चूआं॥

बैत - 25

जोड़े जोड़ जहान जी। पाणु कियाईं परिवारु।
हामी। हादी। हाशमी। सरिदारें सरिदारु।
सूंहे सहाबनि सथ में। मंझि मसिजिदि मण्यादारु।
चारई चङा चौधारु। हुआ हेकान्दा हबीब सें॥

बैत - 26

वह्दहु ला शरीक लहु। चई चून्दो अउ।
फ़र्ज़। वाजिब। सुनतूं। तिनिऊं तरक म पाइ।
तोबह् सन्दी तस्बीह। प्ड़हण साणु पुॼाइ।
नांगा पोहिंजे नफ़्स खे। का संईं राह सूंहाइ।
त सन्दी दोज़ख़ बाहि। तो ओॾियाई न अचे॥

बैत - 27

"जोड़े जोड़ जहान जी। जॾहिं जोड़ियाईं।
ख़ावन्दु ख़ास ख़लिक़े। मुहम्मदु मीकाईं।
कल्मो तंहिं करीम ते। चिटो चायाईं।
अना मोलाक व अन्त महबूबी। ईअं उताईं।
ॾिखी ॾिनाईं। ॿई सराऊं सय्यदु चे॥"

दास्तान ॿिओ

बैत - 1

अघी अघाई। रंजु पिरियां खे रसियो।
चखियम चङाई। सोरांघे सूरीअ तां॥

बैत - 2

"अंधा ऊंधा वेॼ। खल किॼाड़िया खींएं?
असां ॾुखी ॾील में। तूं पियारियें पेॼ।
सूरी जनीं सेॼ। मरणु तनि मीशाहिदो॥"

बैत - 3

"सूरीअ सॾु थियो। का हलन्दी जेॾियुं?
वञणु तनि पियो। नालो नींहुं ॻिन्हनि जे॥"

बैत - 4

सूरीअ सॾु करे। उभी आशिक़नि खे।
जे अथई सध सिकण में। तो कऔ म। पेरु परे।
सिसी धार धरे। पुछिज। पोइ पिरीतणू॥

बैत - 5

सूरी आहि सींगारु। अॻहें आशिक़नि जो।
मुड़णु मोटणु मेहणो। थिया निज़ारे निरवारु।
कुसण जो क़रारु। असिलि आशिक़न खे॥

बैत - 6

सूरी सींगारे। असिलि आशिक़नि खे।
लुॾिया किन। लतीफ़ु चे। थिया नेज़े निज़ारे।
कोठियो किनारे। आणियो चाढ़े उन खे॥

बैत - 7

सूरीअ जे सऔ वार। ॾेहाड़ियो चंगि चढ़ीन।
जिम विरिजी छॾियें। सिकण जी पचार।
प्रति न पसीं पार। नींहुं जिआईं नङिओ॥

बैत - 8

सूरीअ मथे सेण। किहड़ी लेखे सनरा।
जेलंह लॻा नेण। ते सूरियाई सेज थी॥

बैत - 9

सूरीअ चढ़णु। सेॼ पसणु। ईउ कमु आशिक़नि।
पाहूं कीन पसनि। साऊ हलनि सामुहां॥

बैत - 10

पिहरीं काती पाइ। पुछिजि पोइ पिरीतणू।
ॾुखु प्रयां जो ॾील में। वाॼट जीअं वॼाइ।
सीख़ुनि माहु पचाइ। जे नालो ॻीअड़ुइ नींहं जो॥

बैत - 11

कातीअ कोनिहे ॾोहु।ॻनु वढीन्दड़ हथ में।
पसियो परि अजीब जी। लिचियो वञो लोहु।
आशिक़नि अन्दोहु। सदा माशूक़नि जो॥

बैत - 12

काती तिखी म थिए। मरु मुनियाई होइ।
मान विर्मनि तोइ। मूं प्रयां जा हथड़ा॥

बैत - 13

काती जा क़रीब जी। सा हॾ चीरे चमु।
आशिक़न पंहिंजो अङु। लिल्लाहि कारणि वढियो॥

बैत - 14

जे तो सिकणु सिखियो। त कातीअ पए म कंझु।
सुपेरियां जे सूर जो। माढ़ुन ॾिजे न मंझु।
अन्दरि ईउ अहंजु। सान्ढिजि सुखाऊं करे॥

बैत - 15

जां वढीं तां वेहु। न त वठियो वाट वांउ तूं।
हीउ तनीं जो ॾेहु। काती जनीं हथ में॥

बैत - 16

काती जानि ॻरे। मान लंऊं लॻो तनि सीं।
मूह्बतअ जे मैदान में। वञां पेर भरे।
अॾीअ सिरु धरे। मान कुहनिहूं सुपिरीं॥

बैत - 17

अॻियां अॾीन वटि। पोयनि सिर संबाहिया।
काटि त पूइ क़बूल में। मछुण भायें घटि।
मथा मुहायनि जा। पिया त ॾिसीं पटि?
कलाड़के हटि। कुसण जो कोपु वहे॥

बैत - 18

जे अथी सिक सु्र्क जी। त वंउ कलाड़नि काटी।
लाहे रखु लतीफ़ु चे। मथो वटि माटी।
तिक ॾेई पिक पीउ तूं। घोट मंझां घाटी।
जो वरिनह विहाटी। सो सिर वटि सरो साहंगो॥

बैत - 19

जे अथई सधअ सुर्क जी। त वंउ कलाड़के हटि।
लाहे रखु। लतीफ़ चे। मथो माटीअ वटि।
सिरु ॾेई में सटि। पीजि के पियालियूं॥

बैत - 20

जे अथई सध सुर्क जी। त वंउ कलाड़के कूइ।
महेसर जे मध जी। हुति हॾिहीं हूइ।
जां रम्ज़ परूड़ियम रूइ। तां सिर वटि सुर्की सॻुणी॥

बैत - 21

जे अथई सिक सुर्क जी। त वंउ कलाड़के ॻरि।
वढणु। चीरणु। पहति उनीन जी परि।
जे वटी पूएई वरि। त सहंगी आहि। सय्यदु चे॥

बैत - 22

सिर वटि सर्व साहनगो। वठीं छो नह वरी
क़दुर क़ीफ़ कमाल जी। ख़बर ीअ खरी
सुरकी जिनि सरे। तिनि जूं बठनि पास बुठयूं॥

बैत - 23

बठनि हेठां बाहि। मछुण आॻ उजहाइययं।
रुपो कंदा राह। कऊउनर कलाड़ीं आया॥

बैत - 24

नाणे नाहि ककूह। मुलिह् मंहंगो मन्धु।
संबाहिज। सय्यदु चे। काटण कारणि कन्धु।
हीउ तनीं जो हन्धु। मटनि पासि मरनि जे॥

बैत - 25

म करि सध सरे जी। जे तूं टारियें टूहु।
पीते जंहिं पासे थिए। मंझां रॻुन रूहु।
काटे चखु ककूहु। लाहे सिरु लतीफ़ु चे॥

बैत - 26

सधड़िया सरे जूं। कुहु पचारूं कन्नि?
जुह् कात कलाड़नि कढिया। त मोटियो पोइ वञनि।
पिकूं से पीअनि। सिर जनीं जा सटि में॥

बैत - 27

सिरु जुदा। धड़ु धार। दोॻु जनीं जा देॻ में।
से मरु कनि पचार। हकिया जनि जे हथ में॥

बैत - 28

देॻें दोॻ कढ़नि। जिति कड़ियें कड़को न लहे।
तिते तबीबनि। चाक चिकन्दा छॾिया॥

बैत - 29

आशिक़ ज़हर पियाक। विहु पसियो विहुसन घणू।
कड़े ऐं क़ातिल जा। हमेशा हेराक।
लॻियनि लंऊं लतीफ़ु चे। फ़ना क्या फ़िराक़।
तोणे चिकनि चाक। त पि आह न सलनि आम खे॥

बैत - 30

असिलि आशिक़ पांहिंजी। सिसी न सांढीनि।
लाहियो सिरु। लतीफ़ु चे। साहु सलाड़ियो ॾेनि।
कुल्हनियऊं काटीनि। पुछन पोइ पिरितणू॥

बैत - 31

असिलि आशिक़नि जो। सिरु न सांढणु कमु।
सऔ सिसिनिआं अॻ्रो। सन्दो दोसां दमु।
हिउ हॾो ऐं चमु। पिक प्रयां जीअ न पड़े॥

बैत - 32

कोड़यीं उभा केतिरा। वढिओ सिर सञीं।
जे पिहित नह पीएई सॼणें। तह वढील था वारियुनि॥

बैत - 33

सिसी से घुरनि। जे वाटीन्दड़ विच में।
ऊइ की ॿियो पुछनि। सरो जनि संबाहियो?

बैत - 34

जे मथे वटि मिड़नि। त सभकंहें सध थिए।
सिर ॾिने सट जुड़े। त आशिक़ ईअं अचनि।
लिधा ते लभनि। मुलिह् महंगा सुपिरीं॥

बैत - 35

मुलिह् महंगो क़तरो। सिकणु शहादत।
असां इबादत। नज़ारु नाज़ु पिरियनि जो॥

दास्तान टिओ

बैत - 1

उथियारे उथी विया।मंझां मूं आज़ारा।
हबीब ई हणी विया। पीड़ा जी पचार।
तबीबनि तंवार। हॾ न वणे हाण मूं॥

बैत - 2

हॾ न वणे हाण मूं। वेॼनि जी विसाल।
हिन मुंहिंजे हाल। हबीबु ई हादी थियो॥

बैत - 3

हबीबु ई हादी थियो। रहनुमा राहत।
पीड़ा नियाईं पाणु सीं। लाए ॾेई लत।
सुपेरियां सिहत। ॾिनियमि मंझां ॾुखन्दे॥

बैत - 4

औरि ॾुखन्दो ऊ थिए। हादी जंहिं हबीबु।
तिरु तफ़ावत न करे। तंहिं खे को तबीबु।
रहनुमा रक़ीबु। साथरि सिहत सुपिरीं॥

बैत - 5

साथरि सिहत सुपिरीं। आहे न आज़ारु।
मज्लिस वेर मिठो थिए। कोठीन्दे क़हारु।
ख़ंजरु तंहिं ख़ूबु हणे। जंहिं सीं थिए यारु।
साहिबु रब्बु सत्तारु। सोझे रॻूं साह जूं॥

बैत - 6

रॻूं थियूं रबाबु। वॼनि वेल सभकंहें।
लुछणु कुछणु न थियो। जानिबु री जबाबु।
सोई सन्धीदुम सपिरीं। कयस जंहिं कबाबु।
सोई ऐनु अज़ाबु। सोई राहत रूह जी॥

बैत - 7

सोई राह रदु करे। सोई रहनुमा।
व तुइज़्ज़ु मन् तशाउ। व तुज़िल्लु मन् तशाउ॥

बैत - 8

पर में पुछियाऊं। इश्क़ जे असबाब खे।
दरूं हिन दर्द जो। ॾाढो ॾसियाऊं।
अख़िरु वल्अस्र जो। ईहें उताऊं।
तिंहां पोइ आऊं। सिकां थी सलाम खे॥

बैत - 9

सिकीं कोहु सलाम खे। करीं कोहु न सलाम?
ॿिया दर तनि हराम। ईउ दर जनीं देखियो॥

बैत - 10

मिठायां मिठो घणु। कड़ो नाहि कलामु।
सुकूत ई सलामु। प्रयां सन्दे पार जो॥

बैत - 11

प्रयां सन्दे पार जी। मिड़ई मिठाई।
कान्हे कड़ाई। चखीं जे चेति करे॥

बैत - 12

ॼाणी ॿुझी जनि। जतोसीं सूर सुञ की।
तूं कीअं सन्दयूं तनि। पर सीं पचारूं करयें?

बैत - 13

तो जनीं जी ताति। तनि पुणि आहे तुंहिंजी।
फ़ज़्कुरूनी अज़्कुरुकुम। ईअ परूड़िज बाति।
हथ काती। ॻुड़ु वाति। पुछणु पर पिरीं जी॥

बैत - 14

हॿीबनि हेकार। मंझां महर सॾु कयो।
सो मूं सभि ॼमार। ओरणु उहो ई थियो॥

बैत - 15

"पाॿोहे हेकार। मूंहां पुछियो सॼणें।
अलस्तु बिरब्बिकुम। चयाऊं जंहिं वार।
सन्दी सूर किनार। तन तॾांहकूं न लहे॥"

बैत - 16

"पाॿोहियो पुछनि। किथो हथु हबीब जो?
नेज़े हेठियां नींहं जे। पासे पाणु न कनि।
आशिक़ अजल सामुहां। ऊंचे ॻाटि अचनि।
कुसणु क़ुर्बु जनि। मरणु तनि मुशाहिदो॥"

बैत - 17

"कोठे कुहे सुपिरीं। कोठे कुहण साणु।
नेज़े हेठियां नींहं जे। पासे करि म पाणु।
ॼुलु। विञाए ॼाणु। आशिक़ अजल सामुहूं॥"

बैत - 18

"कोठणु क़रीबनि जो। ऐनु तड़णु आहि।
ईअ उल्टी ॻालह्ड़ी। सिक वरन्दी साहि।
आसर हॾ म लाहि। छिनणु ॻंढणु उनि जो॥"

बैत - 19

कहुय सौ करा लही। कोठे सौ कहुय।
सोवे मूओन महुय। सोवे राहत रओह जी॥

बैत - 20

"कुहनि तां कर लहनि। कर लहनि तां कुहनि।
सेई माइ मुहनि। सेई राहत रूह जी॥"

बैत - 21

"कुहे सो कर लहे। कोठे सो क़रीबु।
इहा आदत सिखियो। हर ज़मां हबीबु।
तिछे सो तबीबु। सोई राहत रूह जी॥"

बैत - 22

"कुहनि ऐं कोठीनि। ईअ पर सन्दी सॼणें।
सूरीअ चाढ़ियो सुपिरीं। ॾंभु ॾेहाणे ॾीनि।
वेठा विरिहु वटीनि। आउ वढोड़िआ वहाइ तूं॥"

वाई

सभका प्रयां कूं पूॼे।
नींहं नेणें ॻुणु ॻाल्ह वो॥
जा चेतायम चित में। सा थो सॼणु ॿुझे।
लाति जा लतीफ़ जी। सॾु तुंहिंजो सुॼे।

वाई

वाई

वाई

मैनों माही। अशक़ु रांझनु दा।
रातीअन दरदु ॾींहां दरमांदी लोकान ख़बर न काइई।
दारूं हिना दर्द जो। आहीं तूं इलाही।
मूंखे मर्ज़ा मारिओ। साहिब हथ सघाइई॥

वाई

वाई

"थीन्दो तन तबीबु। दारूं मुंहिंजे दर्द जो॥
ॿुकी ॾीन्दुम ॿाझ जी। अची शाल अजीबु।
दारूं मुंहिंजे दर्द जो॥
पिरियनि अची कयो। सन्दो ग़ौरु ग़रीबु।
दारूं मुंहिंजे दर्द जो॥
ॾुखन्दो सभोई ॾूरु कयो। मंझूं तन तबीबु।
दारूं मुंहिंजे दर्द जो॥
अदियूं अब्दुल्लतीफ़ु चे। हातिक आहि हबीबु।
दारूं मुंहिंजे दर्द जो॥"

वाई

मंधु पीअंदे मूं, साॼनु सही सुञातो॥
पी पियालो ईश्क़ जो। सभुकी सम्झयोसूं।
साॼनु सही सुञातो॥
प्रियां सन्दे पार जी। अन्दर आॻ अथूं।
साॼनु सही सुञातो॥
जीअणु नाहे जॻ में। ॾींहं मिड़ेई ॾूं।
साॼनु सही सुञातो॥
अला अब्दुल लतीफ़ चे। आहीं तूंहीं तूं।
साॼनु सही सुञातो॥

दास्तान पहिरियों

बैत - 1

तूं ह़बीबु। तूं तबीबु। तूं दर्द जी दवा।
जानिब मुंहिंजे जीअ में। आज़ारा जा अन्वा।
साहिब ॾे शफ़ा। मियां मरीज़नि खे॥

बैत - 2

तूं हबीबु। तूं तबीबु। तूं दर्द जो दारूं।
दोआ आहीं दिल खे। तुनहिंजीऊं तनवारूं।
कुरीयन थी कारूं। ॿुकी ॿिअनआन नह थई॥

बैत - 3

तूं हबीबु। तूं तबीब। तूं दारूं खे दर्दनि।
तूं ॾीअनि तूं लाहीयं, ॾअतर खे ॾखंदनि।
तॾहिईं फिकियूं फ़रक़ु कनि। जॾहिईं अमरु कुरीयन उन खे॥

बैत - 4

तूं हबीबु तूं तबीबु। तूंहीं डठनि डबु।
तूं ॾीअनि तूं लाहीयं। तूंहीं हादी रबु।
आहम ीउ अजबु। जीअं वारिओ वेॼु वहिअरीयं॥

बैत - 5

जान के करे तबीबु। दअरूं हिना दर्द जा।
हणिओ से हबीबु। उखोड़िओ अधा करे॥

बैत - 6

हणु हबीब हठु खणी। थीक म। थोरो लाइ।
प्रयमि तुनहंजी घाइ। मरां तह मानु लहां॥

बैत - 7

हणु हबीबा हथा खणी। दिल में तेरी दांहं।
कहअन तह कूक थई। सबुर आउऊं नह सहअन।
कंहिं खे ीअन चवााँ। तह मूं खे मारिअओ सॼणें॥

बैत - 8

हणु हबीबा हथु खणी। ॿनगान लही ॿाणु।
माॻहीं मूं मिनहुन थई। झोलीअ विझां पाणु।
इन पर साजन साणु। मना मुक़ाबिलो मूं थई॥

बैत - 9

जिते हबीबा हणनि। भरे नाउकु नींहं जी।
तते तबीबनि। वञी विॼअ विसिरी॥

बैत - 10

हणी जे हबीबु। मुहबती मया करे।
पुछान कीना तबीबु। हून्द घावनि सैन ई घारीअन॥

बैत - 11

चोरी चनगु ॿनगु लही। हबीबन हनयौसि।
ॿुजहान ॿाणु लॻोसि। कानारिओ करु खणी॥

बैत - 12

कानारिआ कुणिकन। जिनी लोहु लङनि में।
मुहबत जे मैदान में। पुआ लाल लुछनि।
पाणहीं ॿधनि पटीवुन। पाणहीं चिकिआ कने।
वटां वाढोड़ीनि। रही अचिजे रातिड़ी॥

बैत - 13

रहे अचिजे रातिड़ी। तिनि वाढोड़ीनि वटाअ।
जिनि खे सूरु सरीर में। घटि मनझअनरा घाअ।
लिकाअई लौकाअ। पाणहीं ॿधनि पटियूं॥

बैत - 14

पाणहीं ॿधनि पटीऊं। पाणहीं धकु धुअन।
वीॼनि विरची छॾिआ। अॼु की काल्हा मरनि।
कंहिं खे कीना चवनि। तह दरदु असां जे दिल में॥

बैत - 15

वाढोड़िकीअ मनहींअ। अॼु पिणि कंझो कंजहा।
जे पिणि पियें संझा। तह हो पिनीऊं हो पटियूं॥

बैत - 16

वाढोड़िकीअ मनहींअ। अॼु पिणि कहिड़ी दअनहन।
वेॼु वराई ॿांहं। चोरी चाक नहिअरआ॥

बैत - 17

वेचारा वाढोड़। सदा शाकिरा सूरा सें।
ताणीं मथे तोड़ा। ओरे कनि नह आसिरो॥

बैत - 18

वाढोड़ीनि वाइई। सदा आहे सूर जी।
जेका अथनि मन में। सलिन नह साइई।
ओड़क अहिआई। ॻोलिअओ ॾिसनि ॻाल्हिड़ी॥

बैत - 19

सघनि सुधि नह सूर जी। तह घायल कीअं घारियुनि।
पिअल पासो पटा तान॒। वाढोड़िआ नह वारियुनि।
पर में पचन पिरींअ खे। हअई हंजूं हारियुनि।
सॼण जेई सारें। तिनि रोयो वहिअमी रातिड़ी॥

बैत - 20

सघनि सुधि नह सूर जी। था रुणिकनि रंजूरी।
पुआ आहीं पुट में। मथिनि मअमूरी।
लॻीं लंउं लतीफ़ु चअई। सदा जीअ सूरी।
पिरिति जिनि पूरी। तिनि रवयो वहिअमी रातिड़ी॥

बैत - 21

रंजूरीन रुणिक। सदा आहे सूर जी।
कंहिं जंहिं ॾुख ॾसाइया। लथीनि कीन जुड़िक।
इन भलारीअ भुणिक। नीइई हेकर हुज़ोरी क़िआ़॥

बैत - 22

आयल उनि नह विसहअन। हंजूं जेई हारियुनि।
आणिओ आबु अखीउनि मां। ॾेह खे ॾेखारीं।
सॼण जेई सअरीं। से नह रों नह चवनि के॥

बैत - 23

जे भांयें पिरींअ मिड़ां। सिखु चोरां की धात।
जाग॒णु जसनु जनि खे। सिकणु सज॒याई राति।
उझी बु॒झी आया। वाई कनि न वाति।
सले सूरीअ चाड़िहिआ। बयानु कनि न बाति।
तोणे कुसनि काति। त सागे॒ सलनि कीन की॥

दास्तान ॿिओ

बैत - 1

तिनि तबीबा नह तूं। सुधि नह लहीं सूरा जी।
सांढ पंहिंजा डबड़ा। खॾ खणी में भूं।
कानह घुरिजे मूं। हयाती होतनि रीअ॥

बैत - 2

वीॼनि सैन वाइईअ पुआ। किरी नह किआउऊं।
जे पंद पारिआउऊं। तह सिघाइई सघा थिआ॥

बैत - 3

वीॼनि सैन वाइईअ पिअआ। किरी कनि नह पाणा।
अघा उन अहुञाण। पसो सूर सुझाया॥

बैत - 4

अघा ई सघा थिआ। जे वेठा वटि वीॼनि।
तरिसी तबीबनि। चेठइ हून्दा चङा कीआ॥

बैत - 5

आहे घणो अघनि जो। तर्सु तबीबनि।
कयो वसु वीॼनि। तां किरीअ री की न थिए॥

बैत - 6

तर्सु तबीबनि जो। जॾुनि कियो न जाति।
जो वीॼनि जे वात। दारूआ तंहिं दूर थिआ॥

बैत - 7

दारूँ एं कारूं। जाँ के किआ वेज॒ मूं।
मु॒की डीं॒दा बा॒झ जी। नहारे नारूं।
जनि जूं सेण लहनि सारूं। तनि तां डु॒खंदो डू॒रि थिए॥

बैत - 8

अघनि मिड़ी अजु॒। किओ सडु॒ सिहत खे।
डो॒रि डु॒खंदा भजु॒। मिहरीअ मुंहुँ डे॒खारिओ॥

बैत - 9

वेज॒नि वेठेई। दोसित पेही दरि आयो।
सिहत जी सरीर में। कल करीन पेई।
पीड़ परे वेई। अचण साणु अजीब जे॥

बैत - 10

वेज॒ विजा॒ऊं छड॒। दूरि करे बि॒आ डबड़ा।
आंदियई जे अघनि लए। से गोरियूं गोरियुनि गडु॒।
साहिबु सोई सडि॒। जो परखा लहे हिन पीड़ जी॥

बैत - 11

इबर दानाई जी। मूं खे डि॒ना सजि॒णे।
हारिआ तनी ते। वेज॒ विञाइ म डबड़ा॥

बैत - 12

वेज॒ विञाइ म डबड़ा। कंदा कोन फ़रक़ु।
मूं खे थिआ मरकु। सुपेरियां जा धकड़ा॥

बैत - 13

वेज॒ म बु॒की डे॒। अला चङी न थियां।
सज॒णु मां न अचे। कर लाहू थी कडि॒हीं॥

बैत - 14

हारिआ तो हिरी। कपजु काया सें किओ।
कियई जे किरी। त तूं तवानो थियीं॥

बैत - 15

हारिआ वेज॒ मुयास। सुधि न लहीं सूर जी।
प्रियां खे चूंदीयासि। त तर्सु तबीबनि छडि॒ओ॥

बैत - 16

वढे जनि विधयासि। वरी वेज॒ से ई थिआ।
तुर्तु ब॒धाऊं पटियूं। रोज़ु किआऊं रासि।
हींअड़ा तनी पासि। घारि त घायलु न थियीं॥

बैत - 17

कुठियसि कुवेजनि। तन तबीब न गडि॒आ।
डे॒ई डं॒भ ड॒ड॒नि। पाणां डी॒लु डु॒खोयो॥

बैत - 18

हुएँ त वेज॒नि वटि। कीअँ जीअ जडो॒ थिएँ।
सिरु डे॒ई में सटि। कोहु न कियई डबड

बैत - 19

विहणु वेज॒नि वटि। जे सिखीं त सघो थियीं
अगीं॒ आदत मटि। त अघा आजिज़ु न थियीं॥

बैत - 20

वेठी जनी वटि। डु॒खंदो डा॒ढो थिए।
सा मज्लिस ई मटि। जे हासिल होए हज़ार जो॥

बैत - 21

वेठी जनी वटि। डु॒खंदो डू॒रि थिए।
तूं तनी सें कटि। ओडा॒ अडे॒ पखड़ा

बैत - 22

काराइयां क़रीबु। वनिनिऊं वेझो घणो।
दारूं सभ दर्द जो। तबअ जो तबीबु।
एही हाले हबीबु। साहां ओड॒ सुपिरीं॥

बैत - 23

तड़े तबीबनि। घायलु घरां कढओ।
चिकिआ चाक चीहूं करे। कड़्यूं मूर न कनि।
दोसित दर्सन तुंहिंजे। विधो ठारु ठपनि।
विर्चिओ वेज॒ वञनि। आऊं त प्रियमि उथियां॥

बैत - 24

तंबू तबीबनि। आणे अङणि खोड़िआ।
दारूं हिन दर्द खे। फकियूं फ़रक़ु न कनि।
विर्चिओ वेज॒ वञनि। सुधि न पेयनि सूर जी॥

बैत - 25

तंबू तबीबनि। आणे अङणि खोड़िआ।
वेज॒न वेठे वरिह थिआ। फकियूं फ़रक़ु न कनि।
मूं खे मूं प्रियनि। चतुर साणु चङो किओ॥

बैत - 26

होए जे मंझां हेज। वहिम प्रियां जे वढिआ।
बु॒की डे॒ई तनि खे। कोहु करींदा वेज॒।
नका पिछ न पेज॒। पसण धारां प्रीअं जी॥

बैत - 27

पाड़े वेज॒ हुआमि। तां मूं मूरि न पुछिआ।
तेलाहीं पिआमि। मोरेसर अख्युनि में॥

बैत - 28

कूमाणा कड़्यूं करे। चाक उभरिआमि।
वारे वेज॒ डि॒नामि। डं॒भ डु॒खंदे सामुहां

बैत - 29

तन जो तूं तबीबु। धारियई दुनिया कारण ढबि॒यूं।
ईंदो अजु॒ अजीबु। शादी डीं॒दो सिहत जी॥

दास्तान टिओ

बैत - 1

है है वहे हाए। मन में मह्बूबनि में।
जेरा जोश जलायइया। बुकिनि ब॒री बाहि।
पसो मच मथा। जे मूं वेसाहि न विसहो॥

बैत - 2

है है वहे हूए। मन में मह्बूबनि जे।
जरा जोश जलाइया। बुकिनि। मुकी बूए।
अची पसो रूए। जी अईं वेसाहि न विसहो

बैत - 3

टान्डियन कान्डियन बा॒बु॒र्यन। पचां मरु पेई।
जेरा जिगर बुकियूं। सीख़ुन में टई।
वेज॒निआं वेई। थी वहीणी सज॒णें॥

बैत - 4

सरु जो सञिओ। सज॒णें। भरु भेडी॒अ डे॒ई।
तँहिं कान करनघरु कपिओ। फखनि सींअ पेही।
जेरा जिगर बुकियूं। पासाड़ा पेही।
वेज॒निआं वेई। थी वहीणी सज॒णें॥

बैत - 5

सरु जो सञिओ सज॒णें। तिंहिं लोरीअ लोहु बि॒ओ।
लगी॒ कानु कपार मां। कड़को कुनद किओ।
मंझाँ मूं वहिओ। घाईंदो घटनि खे॥

बैत - 6

सरु जो संधिओ सज॒णें। सींङ मंझाँ सेलो।
टींगरु टिकिओ कीन की। पारि लंघिओ पीलो।
हणण सां हीलो। जानिब जेडो॒ई किओ॥

बैत - 7

सरु जो संधिओ सज॒णें। बं॒गाँ बा॒णु भरे।
विओ विजूदाँ निकिरी। कड़िकड़ि कानु करे।
पुछो पेर भरे। त कि ठरिओ हथु हबीब जो॥

बैत - 8

प्रियनि पेकानु पछंदओ। बं॒गाँ बा॒णु भरे
छमकिओ छोह मंझाँ। कड़िकड़ि कानु करे।
जेरा जिगर बुकियूँ। लंघे पिओ परे।
जो लग॒मि जीअ ज़रे। ताणियाँ तीरु न निकिरे॥

बैत - 9

किआऊँ क़ल्ब खे। तरह तनोरा।
जेरा जिगर बुकियूँ। कपे किआऊँ कोरा।
सीख़ुनि में सूरा। तरियाऊँ तर्तीब सें॥

बैत - 10

जे ततो तनु तनूर जीअँ। त छंडे साणि छमाइ।
आणे आग॒ अदब सें। बा॒रे जानि जलाइ।
बुर्क़आं अंदरि बाज़ियूँ। पंहिंजूँ सभि पचाइ।
लुछणु लंउ लतीफ़ चए। पधरि हडि॒ म पाइ।
मछण लोकु लखाइ। विसाला विचु पई॥

बैत - 11

अञाँ तनूराँ। कालह कढियासूँ सज॒णेँ।
पुण तायाऊँ तकिड़ा वह्दत जे वढिआ।
महबतियनि मथाँ। मचु मूराईँ न लहे॥

बैत - 12

धगा॒योमि धनईँ। जे॒रो अंदरि जिंदड़ी।
लगी॒ सीख़ विजूद में। संदी नींहँ नईँ।
मुशाहिदे तहीँ। मूं खे विधो मच में॥

बैत - 13

धंउ धंउ धमणिवार। अजु॒ पणि आग॒ड़ियनि जी।
बा॒रे मचु मजाज़ जो। ओतिआऊँ अङार।
दूधा थीउ म धार। जिम कचो रुकु कड़ियूँ थिए॥

बैत - 14

दूधा तूं न धईँ। आगि॒ ओडो॒ई न वञीँ।
उला जे अशक़ जा। से तां तूं न सहीं।
अञा थो चईँ। त आग॒ड़ियो आहियाँ॥

बैत - 15

लोहु ब॒रे कटु कड़िहे। दूधा जिति धग॒नि।
मतरिक़नि मुंहँ कढिया। सांधाणियूँ कंबनि।
अजु॒ पणि आग॒ड़ियनि। मेड़ो आहे मच ते॥

बैत - 16

पचाए पहाणु। जनि रसाणिओ रुक खे।
तनी संदो जा॒णु। आहे आग॒ड़ियनि खे॥

बैत - 17

अजु॒ आग॒ड़िया आया। साओकी। सुजा॒ण।
लाहींदा मोरियाण। रुकु कंदा पधिरो॥

बैत - 18

अजु॒ आग॒ड़िया आया। सूधा सिराणी।
पियारी पाणी। तैग़ूं कंदा तिख्यूँ॥

बैत - 19

सरहा डि॒ठमि से। जिनि जी साञाइ सिराणियनि सें।
तैग़ तनी जी खे। कटु न चड़िहे कडि॒हीँ॥

बैत - 20

सिरु सांधाणि करे। पुछिजि घरु लुहार जो।
धकनि हेठि धरे। माँ न गडी॒निई रुक सें॥

बैत - 21

सहे जीअँ सांधाणि। धकनि मथे धकड़ा।
वहि विञायो पाणु। डे॒ ड॒वाऊँ डु॒ङरीँ॥

बैत - 22

हे ब॒रि अङारनि ब॒डा॒ईँ ब॒रनि जी।
हिकिड़ा खूरी खांया। बि॒ओ दूधी मंझि धग॒नि।
अञा लुहारनि। मेड़े रखिआ मच लए॥

बैत - 23

बा॒रिओ उझाइन। प्रीँ उझायो बा॒रीनि।
मूँ खे था मारीनि। लुहान लुहारनि जा॥

बैत - 24

मंझाँ मच मचु थिआ। चड़्हिओ चकासीँ चाह।
ईअ परि आग॒ड़ियनि जी। बी॒ छडि॒आऊँ वाह।
सेणनि जीअ सलाह। सिर डि॒नाऊँ सिट में॥

बैत - 25

मचु मंझीँ आहि। बा॒हर बा॒फ न निकिरे।
चोरि त लगे॒ई चाहि। खामंदनि खटिओ॥

बैत - 26

खाणा तनि खटिओ। उझाणनि ऊंदाहि।
जनि अंदरि ब॒री बाहि। ईअ सुधि सभका तनि खे॥

दास्तान चोथों

बैत - 1

पुछु पतंगनि खे। संदियूं खामण ख़बरूं।
आणिओ विझनि आगि॒ में। जीउ पंहिंजो जे।
जेरे जनी जे। लगा॒ नेज़ा नींहँ जा॥

बैत - 2

पतंग चाईं पाण खे। अचे आगि॒ उझाए।
पचण घणा पचाइया। तूं पचण चा पचाए।
पाक़िफ़ु थी विसाए। आग॒ न डि॒जे आम खे॥

बैत - 3

पतंगु चाईं पाण खे। जे॒रे पोउ जा॒णी।
तां तां ताणिजि ताअ डे॒। जां आगि॒ न उझाणी।
विसहु विहाणी। आगि॒ न डि॒जे आम खे॥

बैत - 4

पतंगु चाईं पाण खे। पसे मचु म मोटु।
सहाए सुप्रीरियनि जी। घिड़ु त थिईं घोटु।
अञां तूं आरोटु। खूरे खबर न लहीं॥

बैत - 5

पतंगनि पहु किओ। मिड़िआ मथे मच।
पसे लहस न लिचिआ। सड़िआ मथे सच।
सांदा गि॒चिनि ग॒च। वेचारनि। विञाइया॥

बैत - 6

पतंगनि पहु करे। अची उझाई आगि॒
कींअनि खे क़र्ब जी का लगी॒ लागि॒।
मिड़ी सभि मागि॒। खाणा खूरे विच में॥

बैत - 7

खाणा खूरे विच में। विआ पतंग सभि पची।
उनिहीं वटि आतिशि जी। सभका सुधि सची।
मोटिओ कोन बची। खामी मिड़ेई खाकि थिआ॥

बैत - 8

पुरी पतंग आइया। सिरी सहाई वटि।
कंदा कान घटि। मथो विझंदा मच में॥

बैत - 9

पुरी पतंग आइया। सिरी सहाए साइ।
कंदा बी॒ न का। मथो विझंदा मच में॥

बैत - 10

पुरी पतंग आइया। सिरी सहाए झल।
कंदा कंध उछल। मथो डीं॒दा मच मे॥

बैत - 11

पुरे पतंग आइया। सिरी सहाए हेठि।
थिआ डे॒ठारिआ डे॒ठि। मथो डीं॒दा मच में॥

बैत - 12

पुरे पतंग आइया। सिरे वटि साही।
अची पिआ आग॒ में। कुडी॒ सभ काही।
लागा॒पा लाहे। खाणा खूरी विच में॥

बैत - 13

पुरी पतंग आइया। मथे मच मिड़ी।
वींदा तां न खिड़ी। मथो डीं॒दा मच में॥

बैत - 14

पुरी पतंग आइया। साऊ सभि सिरी।
खाणा खूरे विच में। मंझाँ क़ुर्ब करे।
मोटिओ को न वरी। उछल पसी आग॒ जी॥

बैत - 15

अची उझायो आगि॒ खे। पतंगनि सें पर्वाज़।
खामी ख़ाकि थियण जा। उन्हीं वटि अंदाज़।
रम्ज़ परोड़ियऊं राज़। जे॒रे जी जि॒भीअ जा॥

बैत - 16

पतंग रइ रचंग। आगि॒ पसी आइया।
उहे अब्दुल्लतीफ़ु चए। खूरे खपाया।
जेलाह लंउ लाया। मरनि मोटनि कीनकी॥

बैत - 17

चड़िहिओ चकासीनि चाहि। आगि॒ ब॒रंदीअ आया।
विहसनि वाड़े फुल जीअं। मुह्बती मच लाइ।
आणे पाणु अड़ाए। खणी खूरे विच में॥

दास्तान पंजों

बैत - 1

हिकु पियालो ब॒ ज॒णा। इश्क़ु न करे अध।
ईअ तां शाइर सध। कियई जा क़वाल सें॥

बैत - 2

एकु पियालो ब॒ ज॒णा। इश्क़ु न अध करे।
आटी से एकु थिआ। खता नींहँ खरे।
दुई धार धरे। जु ख़ुलत खंजरु आयो॥

बैत - 3

एकु पियालो ब॒ ज॒णा। इश्क़ु न करे ईअं।
लिखिआ जे लिखण में। क़ुर्बि रसंदा कीअं।
हुअण किआ हीअं। वांजिआ पसु विसाल खां॥

बैत - 4

जीअं जे॒रो खांए ज॒र सें। इश्क़ु ईअं करे।
अञा प्रित परे। गा॒ल्हि न गा॒लिहीनि जिहड़ी॥

बैत - 5

जेडां॒हं क़ातिल कुल। अख्यूं ओडां॒हीं खणी।
मथो कनि न मुलि। पिक बराबरि पांहिंजो॥

बैत - 6

जेडां॒हं क़ातिल कूर। अख्यूं ओडां॒हीं खणी।
विहु तनी जे वौड़। जनी सांगु न साह जो॥

बैत - 7

क़ातिलु कमाई करे। विहु माखी जी कनि।
वटां वेही तनि। पीउजि के पियालियूं॥

बैत - 8

हूंदो हडि॒ म रखु। लाए पियाकनि पांहिंजो।
वटी वाटाड़ूअनि खे। पियारे परखु।
सालिख लहे थी लखु। जा तो ईंदी उन सें॥

बैत - 9

हूंदो हडि॒ म संधि। लाए पियाकनि पांहिंजो।
पोज॒ पियारिजि पहियड़ा। वींदा वठिओ कंधि।
हटि तुंहिंजी हंधि। मोखी को मानु लहे॥

बैत - 10

मोखी चोखी न थिए, अस़ुल ओछी ज़ाति
वटियूं डे॒ई वाति, मतारा जंहिं मारिया

बैत - 11

मतारा मरी विआ। मोखी पई मरु।
तुंहिंजो डु॒खु ड॒मरु। कोन सहंदो उनि री॥

बैत - 12

मोखीअ मतारा। वडी॒अ साझुरि सारिआ।
पियण जे वारा। अजु॒ न आया गं॒ञड़ी॥

बैत - 13

मोखीअ मतारा। वडी॒अ साझुरि सारिआ।
पियण जे वारा। अजु॒ न आया गं॒ञिड़ी॥

बैत - 14

घटनि एं घुटिकनि। वटियूं पियनि विह सिरि गाडु॒यूं।
बिदिह साक़ी बरख़ैज़ि। पियारि खे पीअंदनि।
ऊ पिकें न पर्चनि। मट तकियाऊं मंजिहयां॥

बैत - 15

आणे उत्तर वाइ। मोखीअ मट उपटिआ।
मतारा तंहिं साइ। अचनि सिर संबाहियो॥

बैत - 16

आणे उत्तर हेठि। मोखीअ मट उपटिआ।
मतारा तंहिं मेठि। अचनि सिर संबाहियो॥

बैत - 17

मोखीअ संदे मट में। को जो ज़हिर ज़रो।
पीअंदे पोशीदनि खे। पिअड़ो को न परो।
मथो महायनि जो। किओ ग॒हिर ग॒रो।
थियुनि खेपु खरो। घोटु घिडे॒ घरि आया॥

बैत - 18

मोखीअ संदे मट में। सुरे सपु पिओ।
क़ज़ा कमु किओ। कोनिहे डो॒हु कलाड़ जो॥

बैत - 19

कलाड़निओं का। मति न सिखियीं मूं हिंयां।
रूंदे राति विहाइ। चिकाईंदे बठियूं॥

बैत - 20

सिरु डे॒ई सटि जोड़ि। किंहिं पर कलाड़नि सें।
काती करटु कपार में। आणी ख़ंजरु खविड़ि।
मरणां मुंहुं म मोड़ु। वटी की वधि लहे॥

बैत - 21

वटु वटु वटीअ में। मट मट मंदु बि॒ओ।
क़दुरु केफ़ कमाल जो। पियाकनि पिओ।
अचनि दुरसितु दुकान ते। कंध क़बूलि किओ।
सुरहा सिर डि॒ओ। चखनि सुरिक सयिदु चए॥

बैत - 22

विजुहिज वाटाड़ूअनि ते। मैख़ाने जी माक।
थींदी सुधि सभकंहिं। हंधि हंधि पूंदी हाक।
पिरह जा पियाक। जु से अङणि आया॥

बैत - 23

जु से अङणि आया। सरो कंदा सुञ।
साई थींदियनि उञ। हीउ पीतो हू आणि की॥

बैत - 24

कंधि कटारो मुंहिं वटी। आदत संदियनि ईअ।
तनि तिकूं डि॒नियूं। जुंबी मंझाँ जीअ।
सरो तनि सबी। जनि सांगु न साह जो॥

बैत - 25

सरे की न किओनि। वैण मोखीअ जे मारिआ।
को को वैणु कलाड़ जो। पिते ते पिओनि।
तिहाँ पोइ थिओनि। मिड़णु मतारनि सें॥

बैत - 26

जिति खूरा माग॒। मट कुटिका कट घणा।
लाहे वेह म लाग॒। मोखी मतारनि जा॥

बैत - 27

मोखीअ मठो न घुरिआ। विह न विहाटिआ।
सुरिकीअ लाइ सयिदु चए। उते थी आटिआ।
जे गा॒लिहियुनि गि॒ङाटिआ। तनि जूं बठिनि पासि बुठियूं॥

बैत - 28

आटी थीउ अङार। खामी खिरदारनि सें।
पसीं से न भतार। पुरि पीतोइ जनि सें॥

दास्तान छहों

बैत - 1

स़ोफ़ी सालिम से विआ। जे अक्स़र सें अडि॒यार।
बाज़ी बाज़ंदनि खे। आहे अवेसार।
प्रियां सीं पिहकार। रिंदीअ रसाणे किआ॥

बैत - 2

स़ोफ़ी ला कूफ़ी। कोन भाइसि केरु।
मंझाँ ई मंझि विड़िही। पधरि नाहेसि पेरु।
जनी साणसि वेरु। थिए तनी जो वाहरू॥

बैत - 3

स़ोफ़ीअ सेरु सभनि में। जीअं रगु॒नि में साहु।
सा न करे गा॒लहड़ी। जीअनु परियों परूड़े पसाह।
आहिसि ईउ गुनाहु। जीअं का करे पधरी॥

बैत - 4

डि॒ने डु॒खोया। अण डि॒ने राज़ी रहिआ।
स़ूफ़ी ते थिआ। जीअं कीन खंयाऊं पाण सें॥

बैत - 5

स़ूफ़ीअ स़ाफ़ु किओ। धोई वरक़ु विजूद जो।
तिहां पोइ थिओ। जीअरे पसणु पिरींअ जो॥

बैत - 6

स़ूफ़ी चाइयीं सध करियीं। स़ूफ़ीअ ईअ न स़लाह।
काटे रखु कुलाह। उछले विझु आगि॒ में॥

बैत - 7

कलाह रखी कंध ते। स़ूफ़ी सालिमु थीउ।
विह वटी हथि करे। पुर पियालो पीउ।
हंधु तनि जो हीउ। जनि हास़िलु किओ हाल खे॥

बैत - 8

जुसे में जब्बार जो। ख़फ़ी ख़ीमूं खोड़।
जली तूं ज़िबान सें। चारई पहिर चोरि।
फ़िकिर सीं फ़ुर्क़ान में। इस्मु आज़मु डो॒रि।
बि॒आ दर वञी म वौड़ि। अमुलु इआईं सपजी॥

बैत - 9

आलमु आऊं साणु। भरिओ थो भेर करे।
पाण न आहे जा॒णु। मांडीअ मंडु पखेड़िओ॥

बैत - 10

तालिबु क़स़रु सूंहँ सरु। अंदरि रूमी राउ।
माण्हू इति किआ। मंडु न पसीं मंडिओ॥

बैत - 11

तालिबु क़स़रु सूंहँ सरु। ईअ रूमीअ जी रूइ।
जनी डि॒ठी जोइ। तनि कुछिओ कीनकी॥

बैत - 12

तालिबु क़स़रु सूंहँ सरु। ईअ रूमीअ जी राहत।
जनी डि॒ठी सथ। तनि कुछिओ कीनकी॥

बैत - 13

तालिबु क़स़रु सूंहँ सरु।रूमीअ जी रिहाणि।
पिहरीं विञाअणु पाणु। पोइ पसण प्रींअ जो॥

बैत - 14

तालिबु क़स़रु सूंहँ सरु। रूमी जो आहे।
ताड़ी जे लाहे। त मंझीं मुशाहिदो थिए॥

बैत - 15

तालिबु क़स़रु सूंहँ सरु। रूमी जो आहे।
ताड़ी जे लाहे। त मंझीं मुशाहिदो थिए॥

दास्तान सतूं

बैत - 1

ज़ाहिर में ज़ानी। फ़िकर साणु फ़ना थिआ।
तनी खे तालीम जी। कुड़िहि अंदरि कानी।
हर्फ़ु हक़ानी। दौरु किआऊं दिलि में॥

बैत - 2

जनि खे दौरु दरद जो। सबक़ु सूर पड़हनि।
फ़िकर फ़रही हथ में। माठि मुतालिउ कनि।
पनू सो पड़हनि। जिंहिँ मां पसनि प्रींअ खे॥

बैत - 3

विसरिओमु सबक़ु। पिहरीं सिट न संबिरां।
अञा हीउ वरक़ु। हे मुतालिउ न थिए॥

बैत - 4

किओ मुतालिउ मूं। हू जो वरक़ु विस़ाल जो।
तंहिं में तूंहीं तूं। बी॒ लाति न लह्ज़े जेतरी॥

बैत - 5

सा सिट न सारीं। अलिफ़ु जंहिं जे अग॒ में।
नाहक़ि निहारीनि। पना बि॒आ पिरींअ लेइ॥

बैत - 6

सिट साई सारि। अलिफ़ु जंहिं जे अग॒ में।
मीम मां मालूमु थिए। वरक़ु सोई वारि।
नाहक़ि कीम निहारि। पना बि॒आ प्रियनि लेइ॥

बैत - 7

सा सिट सारिआऊं। अलिफ़ु जंहिं जे अग॒ में।
ला मक़्सूद फ़िदारेनि। इन परि उताऊं।
सग॒रु सोठाऊं। थिआ रसीला रह्मान सें॥

बैत - 8

थिआ रसीला रह्मानि सें। सग॒र सूंहीं जे।
आयूं तनी खे। वाधायूं विस़ाल जूं॥

बैत - 9

पने में पेही। तां तूं अलिफ़ु न उझिओ।
गा॒लिहि प्रियां जे गु॒झ जी। जेही न तेही।
ख़बर तो केही। क़ाज़ी हिन किताब जी॥

बैत - 10

अखर पड़िही अभागि॒आ। क़ाज़ी थिएं किआं।
भेरियीं एं भांइयीं। मुलां मुठियई माउ।
इन सुरिकीअ साउ। पुछिजि अज़ाज़ील खे॥

बैत - 11

आशिक़ु अज़ाज़ीलु। बि॒आ मिड़ई सधड़िआ।
मंझां सिक सबील। लानती लालु थिओ॥

बैत - 12

तूं मुंहिंजो आहीं। तोखे तड़े केरु।
लिख सें विधुइ वेरु। मरु सिखनि सुहागि॒णियूं॥

बैत - 13

जो मूं पड़िहिओ पाण लए। सबक़ु साबिक़ जो।
पिहरीं सुञातुम पांहिंजे। नफ़्स जो निहो।
जिति इर्फ़ानु अस़ल में। थे रूहन रोज़ु किओ।
वरी वरक़ु पिओ। गडि॒युमि वढु विस़ाल जो॥

बैत - 14

पड़िहिआ पड़ेजाहु। सबक़ु इनहींअ सूर जो।
मीमु रखिजो मन में। अलिफ़ु तिंहिं अगि॒आं।
चितां चोरेजाहु। इहा लाति लतीफ़ु चए॥

बैत - 15

पड़िहिओ था पड़हनि। कड़हनि कीन क़ुलूब में।
तीअं तीअं डो॒ह चड़हनि। जीअं वरक़ वराईं वितरा॥

बैत - 16

जीअं जीअं वरक़ वारियीं। तीअं तीअं डि॒ठो डो॒हु।
रहिणीअ रहियो न सुपिरीं। कहणीअ किबो कोहु॥

बैत - 17

अखरु पड़ुहु अलिफ़ जो। वरक़ सभि विसारि।
अंदर खे उजारि। पना पड़हंदें केतिरा॥

बैत - 18

कातिब लिखें जीअं। लायो लामु अलिफ़ सें।
असां सज॒णु तीअं। अची रहिओ रूह में॥

बैत - 19

कोहु थो काग़ज़ु कोरियीं। वेठो विञाईं मसु।
डो॒रे तिआं डि॒सु। अखरु जिआं। आयो॥

बैत - 20

तिहड़ा चालीहा न चालीह। जिहड़ो पसणु पिरींअ जो।
किहड़ी कातिब तूं करियीं। मथे पननि पीह।
जे वरक़ वराइयीं वीह। त अखरु उहोई हेकिड़ो

बैत - 21

तनु खुडी॒ मनु हुजिरो। कीमि चालीहा रखु।
पूजि॒ओ कोहु न पूजि॒यीं। आठिई पहर अलखु।
तां तूं पाणु परखु। हू सभकंहिं डां॒हं सामुहों॥

बैत - 22

सभकंहिं डां॒हं सामुहों। को हंध ख़ाली नाहि।
जे अहदा अरग॒ थिआ। से कांइर कबा कांह।
मुहिबु मंजहीं मन माह। मूं अजा॒णंदे उझिओ॥

बैत - 23

कनज़ क़ुदूरी छडि॒। सिटूं पड़ुहु साञाइ जूं।
वांउ तनी जे सडि॒। जनी सांगु नह साह जो॥

बैत - 24

कनज़ क़ुदूरी काफ़िया। पना पड़िहियमि पोज॒।
जडि॒हीं मिहराण डि॒नी मोज। हरफ़ु न ग॒डि॒ओ हरफ़ खे॥

बैत - 25

जे हराइयीं हियें ते। संदी अलिफ़ ओड़ि।
त किताबनि कोड़ि। मंझाँ तो मालूमु थिए॥

बैत - 26

मरंदे सींअ म मञि। अखरु जो अलिफ़ जो।
सो म हिंयें सञि। जो मीम मां मालूमु थिए॥

बैत - 27

जो मीम मां मालूमु थिए। अलिफ़ु उहो ई आहि।
लागा॒पा लुड़ाइ। त दाख़िलु थियीं न दाल में॥

बैत - 28

मीम मां मालूमु थिओ। त अलिफ़ु आहियीं तूंनु।
तेलांहनि आयलि मूं। वरक़ वारे ढकिआ॥

बैत - 29

पोख जा पड़हण जी। “ला” सें विझु लुणी।
लम यकुनिल्लज़ीन कफ़रू मिन अह्लिल किताबि। आगे आयत मोकिली धुरियाईं धुणी।
इहा सिट सुणी। मूं वरक़ सभ विसारिआ॥

बैत - 30

अखर छुते हेकड़े। ब॒हूं जे न बु॒झनि।
कोहु किबो खे तनि। सजी॒ सुणाए गा॒लहड़ी॥

बैत - 31

जनि हथां हडि॒ न उकिले। चयो कनि न चिति।
नऊं खापारो नितु। कीरु करींदो उनि सें॥

बैत - 32

सिसीअ कन सभकंहिं। हिंयें न जनी कनि।
ब॒ वाटा लूण जा। टियो वाटो अन॥

बैत - 33

हिकु हणे जो हथु खणी। बि॒ओ जो झले घाउ।
इनिहीअ सूर समाउ। आहे बि॒नि ज॒णनि खे॥

बैत - 34

ऊजूं॒ करे आम खे। मुंझायो मुलनि।
ऊइ प्रियां ई पासे थिआ। था ग॒ह गा॒लिहयूं कनि।
साहऊं ओडो॒ सुपिरीं। लोचिओ तां न लहनि।
दमु न सुञाणनि। दांहूं कनि मुठनि जीअं॥

बैत - 35

पितो फितो पेट में। मुले संदीअ माउ।
डि॒सी जंहिं अल्लाहु। टुबी॒ डि॒नी धूड़ि में॥

बैत - 36

मुलां कोहु मारीं। खारीं खुथाबियनि खे।
वरक़ जे विस़ाल जा। पना से न पाड़िहीं।
सा सिट न सेखारीं। जिंहिं में पसनि पिरींअ खे॥

बैत - 37

अलु अलींदे केतिरो। कातिब था लिखनि।
सनिही थुलिही गा॒लहड़ी। जोड़िओ जमउ कनि।
तूं पाड़ोसी तनि। जनि हरफ़ु विसिरी हिकिड़ो॥

दास्तान अठों

बैत - 1

आशिक़नि अल्लाहु। वेरोतार न विसरे।
आह करींदे साहु। कडि॒हीं वेंदुनि निकिरी॥

बैत - 2

आशिक़नि आरामु। कडि॒हीं तां कोन किओ।
ताने किआ तमामु। हबीबाणे हेकड़े॥

बैत - 3

आशिक़नि अल्लाह जी। मह्बत रखी मनि।
संदी सिक प्रियनि। तन में आहे तनि खे॥

बैत - 4

आशिक़नि अल्लाह जी। सदा वाई वाति।
फ़ज़्कुरूनी अज़्कुर्कुम। तन में इहा ताति॥
उन्हियिन खां किंहं साअति। सज॒णु वेल न विसरी॥

बैत - 5

आशिक़नि अल्लाह जी। वाई नितु वणी।
हकिड़ी गा॒लिहि सुणी। सोघी रखिआऊं साह सें॥

बैत - 6

आशिक़ ईअं न हूनि। जीअं तूं सजे॒ अङुड़ें।
वञी दरि दोसितानि जे। रतु डि॒हाड़ी रुवुनि।
बी॒अ परि किंहिं न पूंनि। माकुरि मह्बूबनि सें॥

बैत - 7

जान आशिक़ मथे मासु। तां दावा करे म नींहं जी।
साओ मुंहुं सूंहं ग॒ई। लिङनि नाहि लिबासु।
उभो प्रियां पासि। मथां सिर सोदा करे॥

बैत - 8

जान आशिक़ मथे रतु। तां दावा करे म नींहं जी।
साओ मुंहुं सूंहं ग॒ई। सिकण ईउ शरतु।
नकी गोडि॒ गरथु। मथां सिर सोदा करे।

बैत - 9

अञा तो मंझां। कख छुते रतु निकिरे।
मुंहं में मह्बूबन जा। झलींदें घाअ।
तूं हडि॒ कुजा॒ड़िआं। सिकण जूं सधूं करीं॥

बैत - 10

सिकण ईअ न सध। जीअं लिकिओ लियाका पाइयीं।
पई प्रियां जे न थियीं मथे अङण अध।
ईअ पणि कूड़ी सध। जीअं खिलिओ खायो सुमहीं॥

बैत - 11

सिकणु एं सूरी। ब॒ई अखरि हेकिड़े।
विहणु वाटड़ियुनि ते। घारणु ज़रूरी।
बि॒निही जी पूरी। जीअ डि॒नी रे न जुड़े॥

बैत - 12

जेके सिकणि सिखु। नां त पसु सिकंदियूं।
पासे तनि म लिकु। नींहुं न सुञाणनि जे॥

बैत - 13

सिक वडो॒ई सूरु। महबत वडो॒ मामिरो।
अठई पहर मलूरु। सघो साअत न जिंदड़ो॥

बैत - 14

सिक न आहे सुथिरी। खणु परूड़े पेरु।
कुसण धारां केरु। करे सध सिरात जी॥

बैत - 15

किंहिं चयुई त पाइ। पेरु प्रियां जे पेर में।
सेणनि सूरु सुहाइ। तूं सुखनि जूं सधूं करीं॥

बैत - 16

तूं सुखनि जूं सधूं करीं। सेणनि सूरु सुहाइ।
अंघुनि जीउ अड़ाइ। जु नालो गि॒यड़ुइ नींहं जो॥

बैत - 17

जनी खे जिआईं। प्रियनि पाणु पसायो।
उनिहयीं खे उआईं। लियाका पाइणु आया

बैत - 18

आशिक़ माशूक़नि जी। वठी वेहु ग॒री।
जिम विरची छडि॒यीं। संदी दोसित दरी।
बु॒की डीं॒दइ बा॒झ जी। वेंदइ ठप ठरी।
असां तां न सरी। तो कीअं सरी सुपिरीं

बैत - 19

आशिक़ माशूक़नि जो। वठी विहिजि दरु।
पिरीं पिछंदइ पाणिहयिन। लहंदें सरु सुभरु।
उनिहयिन जो अस़रु। रहबरु थींदुइ राह में॥

बैत - 20

आशिक़ माशूक़नि जो। वठी विहिजि सेरु।
अची पुछंदइ पाणिहयिन। पिरीं भरे पेरु।
तनि भलनि संदो भेरु। रहबरु थींदुइ राह में॥

बैत - 21

आशिक़ माशूक़नि जो। वठी विहिजि घटु।
जिम विरची छडि॒यीं। कलाड़ को हटु।
उभिजि वञी उतहीं। जिति मोखीअ संदो मटु।
करे सिर जो सटु। पीउजि के पियालियूं॥

बैत - 22

आशिक़ माशूक़नि जो। वठी विहिजि रंदु।
पियारींदइ पाणिहें। मेख़ाने जो मंदु।
सरो उनि जो सफ़रो। सुपकु आहे संधु।
मतां कढीं कंधु। ओडो॒ थी उनि खे॥

बैत - 23

आशिक़ माशूक़नि जो। वठी वेहु दुखाणु।
पइजि पेशि प्रियनि जे। पिटे विझी पाणु।
त तूं तनी साणु। सदा हुएं सुर्ख़ुरू॥

दास्तान नाऊं

बैत - 1

दाऊदी दयूं करे। रकनि कोनिहे रंगु।
गो॒रीअ हेठि अयंगु। काहिओ पाखरियीं हणी॥

बैत - 2

दाऊदी दयूं करे। रकनि कोनिहे चेतु।
गो॒रीअ हेठि सुचेतु। काहिओ पाखरियीं हणी॥

बैत - 3

ओक़ाबील अखियुनि में। बारे तोखे बान।
उभो अगि॒रायूं करियीं। मागि॒ हणिओ मस्तान।
जानिब तूं ज़िबान। अखीनि सें एडा॒ करयीं

बैत - 4

ओक़ाबील अखियुनि में। तीर तिखा तोखे
साजन इनहीअ सूर जी। कल न आहे कंहिं खे।
मारियीं थो मूं खे। चाड़िहिओ लोह लतीफ़ुरह चए॥

बैत - 5

ओक़ाबील अखियुनि में। तोखे तिखा तीर।
साजन इनहीअ सींङ सें। फटियई घणा फ़क़ीर।
बि॒ओ म मारिजि मीर। तुंहिंजो पिहरयूं ई पूरो थिओ॥

बैत - 6

उक़ाबी अखियुनि सें। तीर चलाया तो।
बि॒ओ मरु मारे सो। जिंहिं जो पिहरियूं पूरो न थिए॥

बैत - 7

जे हू पाईनि कानु कमान में। त सीनू सिपर रखु।
मुंहं में महबूबनि जा।चाक चुटिका चखु।
सूरी भांइ म शकु। आशिक़ु थीउ त उबहें॥

बैत - 8

जे हू पाईनि कानु कमान में। त सीनू सिपर डी॒जि।
मुंहं में महबूबनि जा। झालू थी झलीजि।
पाहां पग॒ में डी॒जि। आशिक़ु थीउ त उबहें॥

बैत - 9

जे हू पाईनि कानु कमान में। त नई डि॒जे सीनू।
किजे न कीनू। वञी दरि दोसितनि जे॥

बैत - 10

पाए कानु कमान में। मियां मारि म मूं।
मूं मंझि आहियीं तूं। मछुण तुंहिंजो ई तोखे लगे॒॥

बैत - 11

कयो छडी॒नि कानु। हडि॒ न हणाईनि था।
थिआ जे निशानु। त पिहरियीं सें पूरा हुआ॥

बैत - 12

लोरी जिति लगो॒मि। उते उभो आहियां।
सूरिहु पिरीं संदोमि। मन बा॒झाए बि॒ओ हणे॥

बैत - 13

महबत जे मेदान में। आशिक़ थीउ आचामु।
समुहां सल सयिदुरह चए। कंदइ तीर तमामु।
कहिजि को म कलामु। जिम दोसितनिऊं दूरि थियीं॥

बैत - 14

महबत जे मेदान में। अचे पेर पिआनि।
सिर वढणु धड़ धार धरणु। ई सींगार संदानि।
डीं॒दा मूं डि॒ठानि। मथा महबूबनि लइ॥

बैत - 15

महबत जे मेदान में। करि पड़ाडो॒ पटु।
सिरु सूरीअ धड़ु कुंगिरें। मछण कुछें कटु।
अशक़ु नांगु निपटु। ख़बर खाधनि खां पवे॥

बैत - 16

महबत जे मेदान में। सिर जो करि म सांगु।
सरीअ सुपेरियन जे। चड़ुहु थियीं चांगु।
इशक़ु आहे नांगु। ख़बर खाधनि खां पई॥

बैत - 17

महबत जे मेदान में। सिर जो सांगु म कर।
लाहे सिरु लतीफ़रह चए। दोसितनि अगि॒यां धरि।
इशक़ु नांगु अपरि। ख़बर खाधनि खां पई॥

बैत - 18

महबत जे मेदान में। कुडी॒ पउ काहे।
छडि॒ सांगो अर्वाह जो। लाहूती लाहे।
इशक़ु नांगु आहे। ख़बर खाधनि खां पई॥

बैत - 19

महबत जे मेदान में। की जो आहे रंगु।
कूड़ियीं विआ केतिरा। नींहं निबाहे नंगु।
इशक़ु नांगु निसंगु। ख़बर खाधनि खां पई॥

बैत - 20

महबत जे मेदान में। रकनि कानिहे रांदि।
माशूक़नि महांदि। लखें लालाए मुआ॥

बैत - 21

महबत जे मेदान में। रकनि नाहे रांदि।
हबीबनि हेकांदि। सघनि थिये न सयिदुरह चए॥

बैत - 22

इशक़ु न आहे रांदि। जीअं की कनिस ग॒भुरू।
जीअ जुसे एं जानि जी। भञे थो हेकांदि।
सिसी नेज़े पांदि। उछलि त अध थिए॥

दास्तान ॾहों

बैत - 1

हर हर हराई। वञणु दर दोस्तनि जे।
पाड़े ॾांहुं पिर्यनि जी। उञु म अवाई।
अल्हड़ थी आछ म तूं। वाटाड़ुनि वाई।
लाइंदइ लतीफ़ु चे। सूरां सरहाई।
ॻुझो ॻाल्हाइ। पिरित वटजे पाण में॥

बैत - 2

जान जान नाह ज़रूरु। तां तां नाहि तबीबु को।
जुसे सरिओ सूरु। त कर वेजु॒ वरि पिओ॥

बैत - 3

सूरु जनी सरिओ। सरी तनि सिहत।
मिठी मुसीबत। आहे आशिक़नि खे॥

बैत - 4

सेई सूर तबीब। जनी सूर सञ की।
जो लिखिओ हुति लतीफ़ुरह चए। सोई कनि क़रीब।
जे नवाज़िआ नसीब। दारूंअ से दुरुस्तु किआ॥

बैत - 5

जे पयारे पाण। करहो ते पाणी पीए।
अगे॒ अनि नयाण। अण कोठिओ कोन घिड़े॥

बैत - 6

अण की अयां न थिए की परूड़े कोन।
सची जिहड़ी सोन। मुंहिं न पेई माणुहें॥

बैत - 7

अण की अयां न थिए। की परूड़े कोन।
अमुरु अता जंहिंजो। जान सूंहों थिए सोन॥

बैत - 8

बैत - 9

जेकी डि॒नाऊं। सो सिरु डे॒ई सहु जिंदड़ा।
म चऊ छिनाऊं। ईउ पण गं॒ढिओ सज॒णें॥

बैत - 10

छिननि तोइ म छिनु। पाइ उमेरी उनि सें।
जे ओ अवगु॒ण गि॒नहनि असूंहीं। तूं गु॒णानी गि॒नु।
पुठीअ लगी॒ पिनु। हिन सुंहारे संङ खे॥

बैत - 11

साह से संङ संढोरयीं। उमेरी डे॒ई।
ईंदइ कमि सेई। जनी संदो आहियीं॥

बैत - 12

इनाता इताहीं। जानी जड़ी ब॒धु।
आहे घणु अहखो। फ़क़ीरीअ जो फ़ंदु।
चखीं त चरिओ थियीं। मैख़ाने जो मंदु।
कीन कढंदें कंधु। मंझाँ संङ सयिदुरह चए

बैत - 13

नमी खमी निहारि तूं। ड॒मर पासे डु॒खु।
मंझाँ स़बुर सुखु। जे संवारिआ समुझीं॥

बैत - 14

नमी खमी निहारि तूं। ड॒मरु डो॒लाओ।
थिए साञाओ। जे उभयीं इनहीअ पेर ते॥

बैत - 15

ड॒मर पासो डु॒ख सें। खांधि खथोरी होइ।
वल्लाहु मअस्साबिरीन। आगो ईहीं चोइ॥

बैत - 16

खां धरतीअ सिखु। ख़ास नुखतो खांधि जो।
खूहाणा खूह खणी। मासु कपीनिसि मिखु।
ताबु न आणे तिखु। नारु आणे नूर जो॥

बैत - 17

खमु खमंदनि खटिओ। हारायो हूड़नि।
चखिओ न चूंदनि। हू जो साउ स़बुर जो॥

बैत - 18

चूंदल चङा न थिआ। खमंदनि घरि खयिन।
हथि न अचे की। वैणनिऊं वेधु पई॥

बैत - 19

हू चोनिई तूं म चऊ। मनु मारे करि मूइ।
कढु दग़ाई दिलि मां। हागामां एं हूइ।
त आगो संझि स़ुबूहि। तोहीखे ताज़ीम डे॒

बैत - 20

हू चूनिई तूं म चऊ। वातां वराए।
अगि॒हें अगि॒राई जो करे। ख़ता सो खाए।
पांद में पाए। निओ कीने वारे कीन की॥

बैत - 21

हू चूनिई तूं म चऊ। वातां वराए वैणु।
सभिनि सें सयिदुरह चए। मनु मारे करि मेणु।
खांधि वडो॒ई खेणु। कीने मां की न थिए॥

बैत - 22

मंझाँ कीने कीन। कडि॒हीं कनि न पिरायो।
जे होइ सटाणी सींङ। त ज़िह छिने जोखो थिए॥

बैत - 23

साई सेलिहे सींङ। पई आहे पट में।
कंहिं जी आही कीन। छिकींदड़ छडे॒ विआ॥

बैत - 24

सुणी वैणु कननि सें। वराएजि म वरी।
हादीअ जी हिदायत जी। आहे ईअ ग॒री।
तनि सजी॒ साह सरी। जनी मारिओ नफ़्सु माठि सें॥

बैत - 25

चूंदनि कीम चएजि। वैण वराए सामुहां।
का मति क़ीमत जिहड़ी। रोज़ु ड॒मर खे डे॒जि।
वैणु म वराएजि। त सभ दरि सुहागी॒ थियीं॥

बैत - 26

अण चूंदलनि म चऊ। चूंदलनि चयो विसारि।
पाए मुंहुँ मूननि में। ग़ुरबत साणु गुज़ारि।
अठई पहर अदब में। पर इहाई पारि
मुफ़्ती मंझि विहार। त क़ाज़ीअ काणियारो न थियीं॥

बैत - 27

स़बरु घणू सफ़िरो। बी॒ जुगा॒ए माठि।
पिओ लताड़जि लतीफ़रह चए। चुरिजि म अग॒यां चाठि।
डु॒ज॒ण पूनि काठि। सज॒ण थियनि सामुहां॥

बैत - 28

नव भाङा नोणि खे। ड॒हूं ड॒नीअ डे॒।
जे थी वसनि मींहड़ा। त ड॒हई ड॒नीअ डे॒

बैत - 29

जनी संदीअ जीअ में। भतूं भतें बो॒डु॒।
किहड़ो करियीं कोडु॒। हींअड़ा पसी तनि खे॥

बैत - 30

जनी संदीअ बो॒डि॒ में। भतूं भतें जीउ।
तूं तनी सां थीउ। ओडा॒ अडे॒ पखड़ा॥

बैत - 31

जे हू ताणीनि तंदु खे। त तूं तंदु म ताणि।
अगे॒ इन उहञाणि। सालिमु तंदु सजी॒ थिए॥

बैत - 32

सजी॒ छोड़णु सुथिरी। छोड़ियीं जे अधु गं॒ढि।
त कड़ो लाहियीं कंडि। सुपेरियां जे सेर जो॥

बैत - 33

हर हर हथु म पाइ। ई गं॒ढि चुहिंडीअ न छुड़े।
कूड़ियें विधा केतिरा। इन वर मंझि मुंझाइ।
है है कंदा हाइ। इति हाज़िक़ हज़ारें विआ॥

बैत - 34

अची सार लहेजि। साजन सूर तुमारे आऊं मारी।
सूर तुमारे जे मरां। तां मूं डो॒हु म डे॒जि।
अबनि भरे हथड़ा। दारूं दोसित करीजि॥

वाई

विरिसिआ वेॼ वेचारा। भुलया वेॼ वेचारा।
दिल में दर्द प्रियन ज। मन में मर्ज़ु पिरीं जो।
उथियो वेॼा म वेहो। वञो डभ्भ खणी।
ॿुकी ॾींदा ॿाझ जी। आया सूर धणी।
आया जीअ जियारा॥

वाई

वैज॒ म मूं वटि वेहु। आया जानी मूं घरि आया। आया हादी।
वैज॒नि वडा॒ई वस किआ। मरिज़ मुहिंजे खे।
बु॒के डीं॒दा बा॒झ जे। संदो रह्मत रेहु।
मरु चङियाई न थिआं। वैज॒ म बु॒की डे॒।
कर लाहू थी कडि॒हीं। अङणि शाल अचे॥

वाई

मूं खे था मारीनि। को पहु पियड़ो सज॒णें।
बा॒रिओ उझाईनि। पिरीं उझायो बा॒रीनि।
लुहां लुहारनि जा। मूं खे था मारीनि।
वढिओ चीर्ओ। चिचिर्ओ। डे॒ह खे डे॒खारीनि।
सीख़ूं सज॒णनि हथ में। चुल्हे था चाड़िहीन।
मू तुवा क़बिल अंत मूतू। मरिज़ इन मारीनि।
ला यमूतु फ़ीहा वला यह्या। मारिओ जियारीनि॥

वाई

जड॒ड़ो जीउ जियारिओ। प्रियिनि जी पचार सेणनि जी संभाल।
उञिओ तनु अमीक़ माँ। प्रियनि पोज॒ पियारिओ।
संऊँ मुंहँ करे सुप्रीँ। निर्मल नूर निहरिओ।
साइलनि जीअँ सड॒ करे। अईँ तालुनि खे तंवारिओ।
मर्ज़ु मरीज़नि ताँ। अईँ इशारे साण तारिओ।
करम करीमनि जे। मूं खे अहुखीअ माँ उकारिओ॥

वाई

दिल माही दे नालि लोको। दिलि रांझनि दे नालि लोको।
मुहब्बत जे मेदान में। सिरु डीं॒दो को को॥

वाई

दोसु पेही दरु आईयो। थिओ मलणु जो साईयो।
ॾींहं पुॼाणूं आणे असांखे। मोले मुहबु मिलाईयो।
वयो विछोड़ो, थियो मेलापो। वाहिदु वाउ वराइयो।
हो जंहीं जो ॾसु ॾूराॾो। ओॾो अॼु सो आईयो।
अब्दुल लतीफ़ चे अची अजीबनि। पाण फ़ज़ुलु फ़रमाईयो॥

वाई

भलो मियां महब्बती मिठिड़ा मारूओ।
अला प्रियिन अचनि जीउ जियारिओ जनि।
रे सुरिमे सुहिणा। कजलु कोहु विझनि।
माराई मारीनि मूं। तां जे पखरिजनि॥

वाई

जेडि॒यूं वठड़िओ होत वञनि। झलियां पल्यां हींअड़ो न रहे।
मरु मरां मारीनि मूं। पुर्ज़ा पुर्ज़ा कनि।
आऊं मुयाई घोरी। जे मां मुहिब मिड़िनि।
आऊं जनि जी आहियां। कड़ी म थियां तनि।
घणें भतें घोरी। संदड़ी बा॒झ बि॒यनि॥

वाई

विसारेजि म वैण। आहे जोभन बा॒टी डीं॒हंड़ा।
अस़ल असारनि जा। सुते विअड़ा सैण।
जेडि॒यूं जे मूं विसहो। निन्ड म हेरिओ नेण।
लूठियूं सहनि लोक जा। विहाणीअ थियूं वैण।
आधीअ राति उथी करे। झलि तूं निन्डां नेण।
रातड़ियूं जाग॒न जे। से आऊं कंदड़ी सयण॥

वाई

गा॒ल्हि कीन वञे। सुपेरियां जे सध जी।
सुपेरियां जे सूंहं जी।
पुछिजि पोइ प्रियतणूं। पिहरीं सिरु सञे।
आक़िल ई ओजूं॒ थिआ। भूरो कोहु न लजी॒।
वञी दरि दोसितनि जे। सूरीअ सिरु हजे॒।
आशिक़ अंघुनि चड़ि॒हिआ। बि॒ओ सभुको भजे॒॥

वाई

यार सॼण जे फ्ऱाकु। ड़ी जेॾियूं आऊं मारे।
दर दोसनि जे किअं जो हूंदा, मूं जेहा मुशताक़ु। ड़ी जेॾियूं, आऊं मारे।
जाथी काथे महबूबनि जी। आहि हुसन जी हाक। ड़ी जेॾियूं, आऊं मारे।
सुरमो सही करि अखियुनि जो। ख़ासु परियां जी ख़ाकि। ड़ी जेॾियूं, आऊं मारे।
अबदाललतीफ़ु ची। पिरीं असां जो हमेशह हुसनाक। ड़ी जेॾियूं, आऊं मारे॥

वाई

इशक़ तमामु ब्रिह तमामु। में लुटी यार लोको।
रातियाँ जाग॒णु स़ाहिबु संभालणु। ईउ फ़क़ीरां दा कामु।
सेज॒ सुती नूं जपि न आवे। नेणें निंड हरामु।
राह अक़ुलि दी मुंझि गई। आया अशक़ु इमामु॥

सुर खंभात

दास्तान पहिरियों

बैत - 1

खणी नेणा ख़ुमार मां। जॾहीं नाज़ा किआउऊं नज़रु।
सूरज शाख़ूं झकीऊं। कूमाणो क़मरु।
तारा कतीऊं ताइबु थिआ। दीखींदी दिलबरु।
झको थिओ जोहरु। जानीअ जे जमाला सें॥

बैत - 2

तारा तरारियूं। नेज़ा नेण प्रियनि जा।
हणनि मुंहँ पारियूं। सांगो कनि न साह जो॥

बैत - 3

तारा तिर तिरोकड़ियूं। मथिनि फुलड़ियूं।
खोइ से रातड़ियूं। जे मां पेयूं पिरींअ रे॥

बैत - 4

तारा त तारा। बि॒यूं मिड़ेई कतियूं।
सज॒ण सोभारा। भेज॒ भिनीअ घरि आया॥

बैत - 5

तारा तेलाहीं। तोडे॒ घणू निहारियां।
सज॒णु जेलाहीं। तूं तेलाहीं उभिरीं॥

बैत - 6

तारा तेलीअ रोइ। आऊं तो डूं॒हं घणू निहारियां।
सज॒णु जंहीं जूइ। तूं तेडा॒हयीं उभिरें॥

बैत - 7

तारा तेलीअ रूइ। लुधा लालण उभिरें।
जिहड़ो तूं स़ुबूहि। तिहड़ी स़ाफ़ी सज॒णें॥

बैत - 8

हुन तारे हुन हेठि। हुति मुंहिंजा सुपिरीं।
सज॒ण माखीअ मेठि। कोड़ा थीं न कडि॒हीं।

बैत - 9

हुन तारे हुन हेठि। हुति मुंहिंजा सुपिरीं।
सज॒ण माखीअ मेठि। कोड़ा थीं न कडि॒हीं।

बैत - 10

हुन तारे हुन जाइ। हुति मुंहिंजा सुपिरीं।
सज॒ण माखीअ साइ। कोड़ा थीनि न कडि॒हीं।

बैत - 11

हुन तारे हुन रूइ। हुति मुंहिंजा सुपिरीं।
सज॒ण खथूरीअ बूइ। मूं खे मूरि न विसरिआ।

बैत - 12

हुन तारे खे सामुहां। हुन तारे जे लाम।
सज॒ण मूं खे मेकिलिआ। सुहणे खाजि॒ सलाम।
होत म भञिजि हाम। ब॒धियई जा बो॒ल करे।

बैत - 13

खंभा तड़ी तड़ वरी। उभी तड़ि वाझाइ।
मां न डी॒निहूं का। सुवाधाई सज॒णें।

बैत - 14

तिर तारा वण वार। मींहँ। फुड़ा वारीअ कणा।
तिहाईं अगि॒रा। मूं में एब अपार।
पाए आयसि पांद में। बदियूं बे शुमार।
बख़्शीं बख़्शणहार। लतिफ़ साणु लतीफ़ुरह चए।

दास्तान ॿिओ

बैत - 1

राति सहाई भूं संइयिन। भाई घुरि जे भलु।
आहुर जियूं एलाचयूं। चंदनु चरओ चलु।
मूं तोही सें गा॒लहड़ी। बी॒ कंहीं म सलु।
हाहुर कंदो हलु। त खिजायूं खरनि खे।

बैत - 2

राति सहाई भूं संइयिन। पिरति नईं पन्धु पूरि।
मया महबूबन जे। हली वांउ हुज़ूरि।
जे चुणिकन चित में। से कीअं सज॒ण डू॒रि।
अल्लाह लगि॒ असूरि। अताईं थी आऊं तूं।

बैत - 3

राति सहाई भूं संईं। पिरति नईं पन्धु पसु।
मया महबूबनि डे॒। वञण किजे वसु।
रातीं हली रसु। खरनि ख़बर न थिए।

बैत - 4

राति सहाई भूं संईं। पटिनि वडो॒ पन्धु।
हलंदे हबीबनि डे॒। करहा मोड़ि म कंधु।
बं॒धणु सोई ब॒धु। जो पहचाए पिरींअ खे।

बैत - 5

करहा कुरु सुञाण। पीअ को एं पांहिंजो।
अस़लि आहे आहिंजो। नालेरो निधानु।
करहा असां साणु। चांगा किजि चङायूं।

बैत - 6

मया मञि मिनध। अजु॒ मुंहिंजी करहा।
झागींदे जर पटियूं। मतां करयीं कथ।
सुपेरियां जे सथ। मूं खे नेई मेड़यीं।

बैत - 7

करहा कसर छडि॒। विखूं विझु वधंदियूं।
हेकर हबीबनि से। मूं खे नेई गडि॒।
मछुण पूनई हडि॒। आहूं उकंडियनि जूं।

बैत - 8

कसर छडि॒ कंवाट। विखूं विझु वधंदियूं।
संईं सुपेरियन जी। विंगी भांइ म वाट।
छडि॒ झोरी डे॒ झाट। त हूंदीअ राति हुति मिडूं॒।

बैत - 9

कसर छडि॒ कंवाट। विखूं विझु वधंदियूं।
संईं सुपेरियन जी। विंगी भांइ म वाट।
छडि॒ झोरी डे॒ झाट। त हूंदीअ राति हुति मिडूं॒।

बैत - 10

ग॒लि गा॒ना याक़ूत जा। मोती मंझीं माल।
क़तीफ़ीअ जी करहा। हेदी पाइयईं हाल।
चंदनु चारियईं जाल। जे मूं राति रसाणियीं।

बैत - 11

ग॒लि गा॒ना याक़ूत जा। मोतियनि गु॒तियसि महार।
चांगा चंदनु चारियईं। अठई पहर अपार।
संदीअ पीअ पचार। जे मूं राति रसाणियीं।

बैत - 12

मया तो महार। सजी॒ पायां सोन जी।
चारियईं चंदन चोटियूं। नाए मेंदीअ डा॒र।
संदीअ पीअ पचार। जे मूं राति रसाणियीं।

बैत - 13

सीने संघर सोन जी। गि॒चीअ रोपी ग॒टि।
डा॒वण डा॒निइयो न रहे विहे न वग॒नि वटि।
इहड़ो लेड़ो लटि। जो कुजोइआं कख चरे।

बैत - 14

दुदसती दुपेर। सीने संघर रुक जी।
माअ मुंहिंजी करही। ताज़ी फुलनि हेर।
तिंहिं खे कामण कंदी केर। जो मूंहीं वट मस रहे।

बैत - 15

कंहिं भिंभूलियें करहा। कनी कामण कियाइ।
अखियुनि मथे अखिया। पिड़ में पेर ग॒ठाइ।
वग॒ कि विसरियाइ। ब॒धो जीअं घाणे वहें।

बैत - 16

न किंहिं भिंभूलिओ करहो। न किंहिं कामण किआसि।
अखियुनि मथे अखया। पिड़ में पेर ग॒ठासि।
वग॒ न विसरियासि। करहे लिधो लोड़िओ।

बैत - 17

विआ से वग॒ वही। करहे क़ुर्बु जनि सें।
उनिहां पोइ रही। चांगे चिनू कीन की।

बैत - 18

मयो अग॒ मयो। चांगो चिने न किओ।
धाति धरनिआं सिखिओ। करहो रइ रयो।
जो पर मुला पिओ। नाहि नहायत तंहिं सें।

बैत - 19

थर जबल रिण रोह। मये सभि मनाड़िआ।
अङणु असी कोह। हाणे हिन जमार खे।

बैत - 20

वड॒पणु एं वाउ। करहे खाडो॒ खोड़िओ।
साणू थियुसि साहु। हाणे पलाणु ई न खणे।

बैत - 21

वड॒पण एं वाउ। करहे खाडो॒ खोड़िओ।
खोइ ब॒नि पलाणिआ। ओलाणिओ न उथिये।

बैत - 22

पलाणिओ पओ। ओलाणिओ न उथिये।
जंहिं मये थे मण खंया। सो रिड़हण खां रहियो।
लेड़े खे लतीफ़रह चए। अङणु ओखो थिओ।

बैत - 23

आऊं उकंडियाई निमरां। पिरीं भला पर डू॒र।
बा॒ब॒लु डे॒ न बू॒रु।पन्ध न जोगी॒ पियड़ी।

बैत - 24

करहो न केकानु। पेरें आऊं न पुजि॒णी।
जो मूं राति रसाणे पिरींअ खे। नेई साजन साणु।
मूं न वहीणू पाणु। वेठी नेण निचोयां।

बैत - 25

करहे खे कईं। जान विधमि पेंद पलण जा।
लेड़ो लाणीअ खे चरे। नियर साणु नई।
चांगे संदे चित में। का साहिब विझु संईं।

बैत - 26

उथी अड़ाईंसि। छडि॒ओ तां छेक थिए।
खहारयां खिड़िओ वञी। पलाणी पाईंसि।
डा॒वणि तंहिं डां॒ईंसि। जीअं चरे एं चिंघे भुणू।

बैत - 27

नव नियर ड॒ह डा॒विणियूं। पनिरह पइंद पयासि।
सज॒ण यादि पियासि। छिर्कि छिनाईं हिकिड़े।

बैत - 28

नव नियर पाए। जां मूं हींअड़ो झलिओ।
विअड़ो छनाए। पोईंअ राति पिरयनि डे॒।

बैत - 29

बू॒रु न चरे बु॒रु। पसिओ तूरु तकूं करे।
मूनें हणी मोटिओ। करहो राति कपूरु।
मयो थिओ मामूरु। चंदनु चखी आयो।

बैत - 30

विहे मंझीं वग॒। खथूरीअ डा॒र चरे।
माअ मुंहिंजे करहे। पधरि पग॒ न लग॒।
जग॒ सें जिहो जग॒। हिंयें सें हुति चरी।

बैत - 31

उठ न वञे वग॒ सें। चरे न लाणू।
मये खे मजाज़ जो। थूहे में थाणू।
भटारे भाणू। मरंदे सींअ न मटिओ।

बैत - 32

उठ न वञे वग॒ सें। चरे न चांगो।
लग॒यस नाउक नींहँ जी। निहोड़िओ नांगो।
छडि॒ओ सिर सांगो। रिड़हे रंदि प्रियनि जे।

बैत - 33

सारिओ सांबेड़नि खे। रोयो जरु हारे।
नकी चरे करहो। नकी ओगा॒रे।
मये वेचारे। सूरु सदाईं पन्ध जो।

बैत - 34

की जो केडां॒हीं। चांगो चखी आयो।
ताणिओ तेडा॒हीं। नेट छिनायो निकिरे।

बैत - 35

करहो कंगूअ रेट ते। नेट छिनाए नितु।
चांगे रखिओ चितु। परमल जे पसाह डे॒।

बैत - 36

करहा कंगूअ रेट में। लखें सएं चरनि।
तिआं वेसर्यनि। हथि न अचे हेकिड़ो।

बैत - 37

करहा कंगूअ रेट में। लखें सएं चरनि।
तिआं वेसर्यनि। हथि न अचे हेकिड़ो।

बैत - 38

चरे न मिस़िरीअ संग। चंदन जा चूपा करे।
अखियुनि मथे अंग। मये खे मजाज़ जा।

बैत - 39

खाइ न खटणहारु। चंदन जा चूपा करे।
अगर ओडो॒ न वहे। सिर्खंड लहे न सार।
लाणे जीअ लग़ार। मयो मतारो किओ।

बैत - 40

चांगा चंदनु न चरें। मया पियें न मोक।
अगर ओडो॒ न वहें। थुकिओ छडि॒यें थूक।
लाणी विचां लोक। तो किहड़े अखरि आहड़ी।

बैत - 41

अजु॒ न अगीअं ढार। करहो जंहिं कालह हो।
अङणु आयो न करे पाहोड़े पचार।
चेकुसि मंझि क़तार। का वलि चिनाईं विह जे।

बैत - 42

मिठयूं लही मुहां। जे तो चांगा चिनियूं।
वलड़ियूं विह साइ। अञा पोइ मुहन्दियूं।

बैत - 43

पसी गा॒ड़हा गुलिड़ा। करहा कीम तरसु।
से तां हली पसु। जे इन वलि विहाटिआ।

बैत - 44

चांगे चई चुकियासि। मथां अक न उलहे।
जंहिं वलि घणा विहाटिआ। उन सें आरि लगियासि।
चौधारी चंदन वण। पची पोज॒ पियासि।
रुआड़े रतु कियासि। इन कुधातूरे करहे।

बैत - 45

कुधातूरा करहा। छडि॒ लाणीअ जी लग़ार।
सइयो करे सयिदु चए। खाइजि खटणहार।
सुरहाईअ जे सार। मन पिरीं कनिहूं पांहिंजो।

बैत - 46

आणे ब॒धुमि वण जाइ। मां न मुखिड़ियूं चरे।
कुधातूरो करहो। लिकिओ लणी खाइ।
इन मये संदे माअ। मूं खे गा॒लहड़ियुनि गो॒ड़हा किआ।

बैत - 47

मये माकाई। विधो वातु वलियुनि खे।
ख़बर थी खेट धणियनि खे। विडू॒ड़िआ वाही।
करहे काकत छडी॒। वर्यसि न वाई।
चांगे चरिआई। वेई वेचारे विसरी।

बैत - 48

वटे सेट सुवट। पाइ पांहिंजे करहे।
वलियूं वास वरनियूं। पहरियूं मथे पट।
चांगे चखी चट। पोइ न रहंदो पइंद रे।

बैत - 49

हूंगर हलायोमि। डि॒ओ मोड़ महार जी।
वसां जे विओमि। करहो ते कामूं सहे।

बैत - 50

कामूं सहु म करहा। बांठा सहु म बुठ।
लिल्लाही लगि लतीफ़रह चए। होरे हलु म उठ।
पिरीं पर्चायूं रुठ। डि॒ठे जनि डीं॒हं थिआ।

बैत - 51

सचो पसी मूं सञीं। करहा तोखे काम।
मां न परूड़े माम। साङाहे संईंअ वहें।

बैत - 52

करहो तोइ न मूं। विओ दरियाहां पारि।
पंजूड़िकी पेरनि में। करहे संअं कपारि।
नकी लहरि लोड़िहिओ। नकी बो॒ड़िओ तारि।
अखियुनि जे आरि। तरी वियो वाहड़ो।

बैत - 53

अञा बू॒रु बि॒हाणु। धणियनि धुणी हथि किओ।
साज़ु मिड़ोई सोन जो। मथिसि पाकु पलाणु।
पिरीं चड़िहंदो पाणु। वाली थींदो वग॒ जो।

बैत - 54

जिआं कोड़ि ब॒ काठियूं। पंजें लखें पनु।
तिआं छाणे छगि॒यूं। मये रतो मनु।
तिंहिं वलि संदो वणु। कूमाणू कोड़ि लहे।

बैत - 55

जिआं कोड़ि ब॒ काठियूं। पंजें लखें पिक।
तिआं डे॒ई तिक। मयो मतारो थिओ।

बैत - 56

जिआं कोड़ि ब॒ काठियूं। पंजें लखें पाउ।
मयो तिंहिं मागा॒उ। डेहाणी डा॒र चरे।

बैत - 57

लकि लाखीणो करहो। कोड़ियूं डे॒ई गि॒धोमि।
अङणि सूंहं थिओमि। मुलिह महांगो म चऊ।

बैत - 58

लकि लाखीणू करहो। कोड़ियें डे॒ई छोड़ि।
एही सिट सयिदुरह चए। जेहयें तेहयें जोड़ि।
तुर्तु रसाणे तोड़ि। पलाणिओ त पिरींअ मिड़े।

बैत - 59

लकि लाखीणू करहो। कोड़ियूं डे॒ई काहि।
आहुर में एलाचियूं। पोज॒ मये खे पाइ।
कथ न कंदो काइ। पलाणिओ त पिरींअ मिड़े।

दास्तान टिओ

बैत - 1

बैत - 2

नासींदे नज़रु। पिहरीं किजि प्रियनि डे॒।
क़मर कहिज क़रीब खे। निसतु एं निब॒रु।
बि॒ओ भरुवसो न भरु। अखियूं अवहांजे आसरे।

बैत - 3

नासींदे निर्ति। पिहरीं किजि प्रियनि डे॒।
क़मर कहिजि क़रीब खे। सारे साणु सुर्ति।
बि॒ओ भरुवसो न भिति। अखियूं अवहांजे आसरे।

बैत - 4

नासींदे निहार। पिहरीं किजि प्रियनि डे॒।
आऊं जे डि॒यईं सनीहड़ा। चइजि चंड अपार।
साजन सभ ज॒मार। अखियूं अवहांजे आसरे।

बैत - 5

आऊं जे डि॒यईं सनीहड़ा। चंड पलअ ब॒धु।
चइजि हालु हबीब खे। नेई नूड़ाए कंधु।
तो तेडां॒हीं पन्धु। जेडां॒हं आलम आसरो।

बैत - 6

चङा चंड चईजि। सनेहा खे सज॒णें।
अङण मथां उभ्री। प्रियां जे पएजि।
झीणू। गा॒लहाएजि। पेरें विझी हथड़ा।

बैत - 7

उभिरु चंड पसु पिरीं। तो ओडा॒ मूं डू॒रि।
सज॒ण सुता विलह में। चोटा भरे कपूर।
पेरें आऊं न पुज॒णी। बा॒ब॒ल डे॒ न बू॒रु।
जिंहिं ते चड़िहे असूरि। संझे सज॒ण सहटियां।

बैत - 8

तूं चंडु उहोई। जो हुते पसें पिरींअ खे।
आडि॒त चइजि अजीब खे। डि॒यां जे रेई।
हेकांदीअ होई। सांगु न पोए सज॒णें।

बैत - 9

हेकांदा हुवनि पिरीं। सांगि म वञनि सेण।
रहया आहीनि रूह में। नितु जनी जा नेण।
जनि वमासिआ वैण। तारीअ तगे॒ तनि हिंयूं।

बैत - 10

सांगि म वञनि सुपिरीं। मरु हेकांदा हुवनि।
अखियूं रतु न रुवनि। मन झिज॒ण खां झल थिए।

बैत - 11

किथे हूंदमि हेर। हींअड़े सज॒ण सारिआ।
अची लालण न डि॒यीं। मथे पलंगनि पेर।
थी विरूंहण वेर। गु॒झु ग॒र हियां कनि सें।

बैत - 12

हयातीअ हेकांदि। धणी करींदें कडि॒हीं।
मन में मुशताक़नि जे। की रंजाए रांदि।
पिरीं डे॒सांदर पांदि। गु॒झु ग॒र हियां कनि सें।

बैत - 13

जनी लाए किआ मूं। चाड़िहीका नेणें।
सबा॒झे सेणें। पाए गु॒ण ग॒हिओ हिंयूं।

बैत - 14

अजु॒ पण अछाई। चोडि॒हींअ माह चंड जे।
मूं डूं॒हं मूं प्रियनि जे। अचण जी वाई।
मूं घरि वाधाई। पेई खामि खरनि में।

बैत - 15

अजु॒ पण ओभारो। चोडि॒हींअ माह चंड जो।
मूं घरि मूं प्रियनि जे। अचण जो वारो।
सज॒णु सोभारो। भेज॒ भिनीअ घरि आयो।

बैत - 16

अजु॒ झमकी माअ। हींअड़ो मां कूरु थिओ।
झूपे में न समाइ। सहयु मिड़ंदो सज॒णें।

बैत - 17

अजु॒ अचण वेरानि। जागो॒ नेण म सुमहो।
रिकाबें पेरानि। वागु॒नि मथे हथड़ा।

बैत - 18

चोडीं॒हं चंडन उभिरे। ऊणटीहं पसे न आम।
मथिसि नाहि मलाम। जेको पुछें पुछु सो।

बैत - 19

चो॒डीं॒हं चंडन उभिरी। सहसें करीं सींगार।
पलक प्रियां जे न पड़ें। हीलनि करीं हज़ार।
जिहड़ो तूं सभ ज॒मार। तिहड़ो दमु दोसित जो।

बैत - 20

सहसें सिजनि उभिरे। चोरासी चंडनि।
बिल्लाहि रे प्रियनि। सभ ऊंदाही भांयां।

बैत - 21

ऊंदाहीअ अध राति में। पिरींअ पसायो पाणु।
चंडु कतींनु साणु। पेही विओ पड़िलाअ में।

बैत - 22

चंड खे चोराए। झुड़ झपेई न वञयें।
ऊंदाही आहे। अझो आशिक़नि जो।

बैत - 23

चंड म उभ्रु संझ। त ऊंदाही अझो कर्यां।
भरे खथूरीअ हंज। रुठा पिरीं पहायां।

बैत - 24

चंड चिटाई तुंहिंजी। सहाई मूं सूरु।
लायां लालु लिङनि खे। चंदन भरे बू॒रु।
कूमाणू कपूरु। मूं वाझाईंदे पिरींअ खे।

बैत - 25

चंड चिटाई तुंहिंजी। तारा बे धुणी।
ढाओ कोन चुणी। झोतूं डीं॒दे झंग में।

बैत - 26

चंड लग॒नई मंड। संझेई थो शीख़ थिएं।
कि ऊंदाही अंध। त मिलां महबूबनि खे।

बैत - 27

चंड थो चुअईं हक़ु। विड़िहें जे विचिड़ें।
ब॒ अखियूं टिओ नकु। तो में नाहि पेशानी पिर जी।

बैत - 28

चंड थो चुअईं सचु। विड़िहें जे विचिड़ें।
कडि॒हीं उभिरें सनिहड़ो कडि॒हीं उभरें ग॒चु।
मुंहं में ब॒रेई मचु। तो नाहि पेशानी पिर जी।

बैत - 29

चंड चवांइ सचु। जे मठीं न भांइयें।
जो तो में ब॒रे मचु। सो पदमु प्रियां जे पेर में।

बैत - 30

चंड तुंहिंजी ज़ाति। पाड़ियां तां न पिरींअ सें।
तूं अछो में राति। सज॒ण नितु सोझिरा।

बैत - 31

आयो चंडु चड़ही। चारीअ जो चयो करे।
उभियो उति अड़ी। जिति डि॒ठाईं पिरींअ खे।

बैत - 32

क़मर कारो नांगु। तोखे खाए कडि॒हीं।
विछोड़ो विड़वांदु। डि॒नुई डु॒खोयुनि खे।

बैत - 33

चंड मेराई सुपिरीं। खारा जिहड़ा खीर।
कड़ा गहाइ केविड़े। आका घाइ अंबींर।
साजनु भरिओ धीर। मनां मूरि न विसिरे।

बैत - 34

जा निशानी नूर जी। सा पिरींअ पेशानी।
जोड़ियलु कोन जिहान में। संदुसि को सानी।
क़मरु क़ुर्बानी। शम्सु सज॒ण तां घोरियां।

बैत - 35

जा पेशानीअ में पिरींअ खे। निशानी नेणनि।
शम्सु न सेणनि। आऊं कीअं क़मरु पाड़ियां।

बैत - 36

भलाईअ जा भेर। पेशानीअ में पिरींअ खे।
अङणि उकंडियनि जे। डे॒ पाबो॒हियो पेर।
क़मरु पाड़े केर। शम्सु सुपेरियनि सें।

बैत - 37

भलाई आहीनि। पिरीं भलाईअ पांहिंजे।
सबा॒झा सिरि चड़िहे। डो॒रापो न डी॒नि।
जे मूं डूं॒हिं मदियूं थीनि। त सज॒ण सजा॒युनि में॥

वाई

ही ब॒ गा॒लहड़ियूं। आऊं औरींदी पिरींअ सें।
गोशे पिरीं न गडि॒आ। खर सें मूं न कियूं।
गा॒लिहियूं पिरियमि तुंहिंजूं। वधी वण थियूं।

वाई

वहिली वंउ म विहामी। रहु रात। राईंदियस पिरींअ खे।
शमा थींदियस शब्ब में। ईन ख़ुशी खां खामी।
बाबूअनि सन्दी बाहि जीअं। ॿरां शाल उझामी।
परिति जा पीतम जी। सा कीन परूड़े आमी।
मूं खे मूं पिरियनि जो। आहे दर्दु दवामी।
आहियां यारु सय्यदु जो। कान रहे का ख़ामी।
हू जो लंउ। लतीफ़ चे। मूं खे आहे मुदामी।
रोशनु थियां रुञुनि में। जे हुआं ईनहीं लामी।
कारी सा क़ियाम सईं। होतु जंहिं जो हामी।
आयुम तंहिं लोक सें। जेसीं मां चवनि सुवामी।

वाई

आहिनिमि गा॒लहड़ियूं। माअ मुरादूनि पिरींअ सें।
जे मां पेयूं पिरींअ रे। खेइ से रातड़ियूं।
जे मां ओरियूं पिरींअ सें। वरु से रातड़ियूं।
पसण कारणि पिरीं जेअ। पातियुमि झातड़ियूं।
आधीअ अबदुल्लतीफ़ुरह चए। कुहनि कातड़ियूं।

वाई

सधें सेण न हूनि। नींहुं नियापे न थिए।
कारीअ राति रत फुड़ा। जां जां नेण न रूनि।
मोटणु जनी मीहणू। पिड़ ते सेई पूनि।
जनि मुसाफ़िर सुपिरीं। से मरु रोयो रूनि।

वाई

तोड़े तड़ियीं तूं। तो दरु तोइ न छडि॒यां।
मूं खे सो मुशाहिदो। जे मुंहुं न डि॒यीं मूं।
मूं बि॒आ दर घणा निहारिआ। आहियीं तूंहीं तूं।

वाई

आऊं जीअंदी कीअं। या अल्लाह मूं मुसाफ़िर सुपिरीं।
मूं खे छडे॒ हलिआ। हाणे करियां कीअं।

वाई

जेडि॒यूं हीउ ज़रूरु। आयलि कीअं रहंदो पिरींअ रे।
सघो साथ न जिन्दड़ो। चारई पहर चूरु।
मन में मुशताक़नि जे। साजन तुंहिंजो सूरु
पेरें आऊं न पुज॒णी। डे॒हु प्रियां जो डू॒रि।
वञे वेल सभकंहिं। हींअड़ो पिरींअ हुज़ूरि।

वाई

अङणि आयमि पेही। या अल्लाह! मूं सारींदे सुपिरीं।
मुश्क अतुरु मूं पिरीं। सिकियस ज॒मु सभोई।
साहु जनी जो सेकिड़ो। रूह तनी सें रेही।

सुर सुर राॻु

दास्तान पहिरियों

बैत - 1

माना पुछनिई सुपिरीं। चितां लाहि म चुर।
उनीं जा अमुरा । खणु त ख़ाली न थियें॥

बैत - 2

मां न पुछनई सुपिरीं। चितां लाहि म चुर।
प्रियनि अगि॒आं पाइ। पलउ मङणहार जीअं।

बैत - 3

मां न पुछनई सुपिरीं। चितां लाहिजि चोरु।
क़ल्ब मां कढु तूं। मारे कूड़ो कोरु।
हुन भरि संदो होरु। मथां तो मआफ़ु थिए।

बैत - 4

मान पुछनिई सुपिरीं, चित में रखिजि चेतु
सिड़ु धुआरे साफ़ु करि, साबुण सां सुपेतु
सामूंडी सुचेतु, थीउ त पहुचीं पार खे

बैत - 5

मां न पुछनई सुपिरीं। चेतारेजि चितु।
त दाइमा दूरिबीअ में। पसें वलातुनि वितु।
नियहु निखारे नितु। मलाह गडि॒ मअलिम सें।

बैत - 6

मां न पुछनई सुपिरीं। चित में चेतारेजि।
छडि॒जि काई कच खे। कूड़ु म कमाएजि।
वखरु विहाएजि। सभि सोदागर सच जो।

बैत - 7

कचु कमायुमि कूड़ु। भग॒मि अहद अल्लाह जा।
पिञिरो जो पापनि जो। चोटीअ ताईं चूरु।
मालूमु अथेई मूरु गू॒ड़हा इनहीअ गा॒लिहि जो।

बैत - 8

उथी ओरि अल्लाह सें। कूड़ु कमाइ म कचु।
कढु तूं दग़ा दिलि मां साहिब वणे सचु।
महबत संदो मन में। माणक बा॒रिजि मचु।
इन परि उथी अचु। त सोदो थिए सफ़िरो।

बैत - 9

सोदो इहो ई सफ़िरो। सो मूं पलइ पाइ।
वसु वेचारीअ नाहि को। आगा अर्ज़ु ओनाइ।
रिअ हम्राहीअ हादीअ जे। मूरि न मिड़े माइ।
लुत्फ़ साणु लंघाइ लहरो लहरियुनि विच मां।

बैत - 10

लुड़ु लहरियूं लस लेट। जिते अतु न आब जो।
अला उति म ओलियें। बे॒ड़ा मथे बे॒ट।
जोखो थिए म जड़ाव खे। फरहे अचे म फेट।
लगे॒ काम लिपेट। शल ग़रीबे ग़ुराब खे।

बैत - 11

अची सो डि॒ठोइ। जो कपरु सोइ कननि सें।
सुते लोकि लतीफ़रह चए। यादि न ज़रो किओइ।
ग़ाफ़िलु थी ग़ुराब खे। ओड़ाह ते आंदोइ।
छितरु छुहे खां रखीं। जो पिओ पुराणू पोइ।
जिहाज़ु ज़ईफ़नि जो। पाणीअ में परतोइ।
सयिदसल्म साथु संदोइ। पुर बंदरि पहचाइयें।

बैत - 12

सिड़ह संवां लाजू॒ नवां। ओला जनी आज।
साथी सफ़रि हलआ। भरे जुंग जिहाज़।
हासुलु करियें हाज। वाहिद वणिजारनि जी।

बैत - 13

सिड़ह संवां लाजू॒ नवां। मथिनि मुहाणा मीर।
साथी सफ़रि हलिआ। थिआ सणावा सीर।
जे अचनि साणु उकीर। से बे॒ड़ियूं रखीं बा॒झ में।

बैत - 14

सिड़ह संवां लाजू॒ नवां। मथिनि मुहाणा मल।
जे अचन आब उछल। से बे॒ड़ियूं रखीं बा॒झ में।

बैत - 15

म की हेजि म होजु। तर्सु म ताणि जिहाज़।
चऊ कलिमों मुहम्मदसलम ते। त अग॒यां अचे ओज॒।
त सहखीअ भति सबो॒झ। तुंहिंजी मके ढुके मकुड़ी।

दास्तान ॿिओ

बैत - 1

जेकी मंझि जहान। सो तारीअ तगे॒ तुंहिंजे।
लुतिफ़ जी लतीफ़ु चए। तो वटि कमी कान
अदुलि छुटां आन न। को फेरो किजि फज़ल जो।

बैत - 2

सारी राति सुबहानु। जागी॒ जनि यादि किओ।
उनि जी अब्दुल्लतीफ़ु चए। मिटीअ लधो मानु।
कोड़ियें कनि सलामु। आग॒हि अचिओ उनि जे।

बैत - 3

सारी राति सुजा॒ण। सोदो कनि साहिब सें।
भरे बां॒हप बे॒ड़ियूं। हलिआ जोप जुवान।
पाणी पहिलवान। लहज़े में लंघे विआ।

बैत - 4

बां॒हप जो बे॒ड़ियुनि में। वखरु विधाऊं।
मोती मारिफ़त जा। सचा सोदियाऊं।
अताइबु मिनज़ंबी कमन ला ज़ंब लहू। ई खट खटियाऊं।
उनिहीं जीअ आऊं। बरिकत बारु लंघाइयां।

बैत - 5

सेवा करि समुंड जी। जिति जरु वहे थो जाल।
सएं वहनि सीर में। माणिक मोती लाल।
जे मासो जुड़ेई माल। त पूजा॒रा पुरि थियें।

बैत - 6

से पूजा॒रा पुरि थिआ। समुंडु सेविओ जनि।
आंदाऊं अमीक़ मां। जोती जवाहरनि।
लधाऊं लतीफ़ु चए। लालूं मां लहिरिनि।
कानिहे क़ीमत तनि। मुलुह महांगो उनि जो।

बैत - 7

सेवियो जनि सुबहानु। वीर न विड़िहे तनि सें।
डे॒ई तवकल तकियो। आरि लंघिआ आसानु।
तोबह जीअ तह्स़ील सें। तरी विआ तूफ़ानु।
कामिलु किश्तीबानु। विच में गडि॒युनि वाहरू।

बैत - 8

समुंड जे सावीनि। माणिक तनी मेड़िआ।
चिलुड़ जे चूसीनि। तनि सांगोटा एं सुतियूं।

बैत - 9

करि समुंड सेवाहाणि। माणिक मोती ते लहें।
मथे चिलुड़ चोरियें। विहियिन जिम वडा॒णु।
डे॒ई डे॒ड॒रियूं डा॒णु कडि॒हीं सुकी वेंदुइ सेघ में।

बैत - 10

वेहु से विसारे चढा जे चिलुड़ जा।
करि साञाइ समुंड सें। जो लख लहिर्यूं डे॒।

बैत - 11

समुंड केन सुकनि। कोड़ियें जे काओ थिए।
पाणीअ सें पेखु किओ। तेलाहन वणिजारनि।
लालूं से लहनि। जनी सेविओ समुंड खे।

बैत - 12

जनी सोदे सच सें। वखरु विहायो।
बख़िरो लहुमुल बुश्रा जो। उनिहीं लाइ आयो।
तनि खे लालण लंघायो। सांदारो समुंड जो।

बैत - 13

ईअ गति ख़वास़नि। समुंडु सोजिहयाऊं।
पेही मंझि पातार में। माणिक मेड़ियाऊं।
आणे डि॒नाऊं। हीरो लालु हथनि सें।

बैत - 14

आछाड़ा अमीक़ जा। गडि॒आ ग़वास़नि।
झुरियूं झागे॒ आया। कारोंभार कुननि।
समुंडु सोझे जनि। आणे अमुल ओलिआ।

बैत - 15

विआ जे अमीक़ डे॒। मुंहिं काओ डे॒ई।
तनि सिपूं सोझे कढियूं। पातारां पेही।
पसंदा सेई। अमुल अखड़ियुनि सें।

बैत - 16

आडो॒ चिकणु चाड़ुह। मुंहिंजी मोज न सहे सकुड़ी।
मेड़े मठायुनि जो। बे हदि चाड़हयुमि बारु।
चवण चारो नाहि को। बदियूं बे शुमारु।
कपरु कारोंभारु। उकारियें इहसान सें।

बैत - 17

हिक तुराड़े गुनाह। सभेई संवारिआ।
पाणीअ पारी नाहि का। नका वेसांदि वाअ।
खाधी लरिज़ लतीफ़ु चए। सबब उन जे साह।
को फ़ज़लु करि फ़ताह। बी॒ तुराड़े बा॒झ जो।

बैत - 18

वेर म लाहे वेहु। मथे आर ओड़ाह जे।
पसी पाड़े वारियूं। किजि अंदेशो ए।
वेंदो न डि॒सें डे॒हु पतणि हुन पारि मणे।

बैत - 19

अठई पहिर ओड़ाह ते। मंझि गुहरिअ घारे।
वसि न वेचारे। त कीअं मागि॒ ढुकंदी मकुड़ी।

बैत - 20

हेकी बा॒निहे चित में। बी॒ साहिबु संवारे।
दंगी इन दरियाह में। हलाए हाकारे।
तराज़ूं तारे। सुतड़ि सभेई करे।

बैत - 21

हेकी बा॒निहे चित में। बी॒ संवारे साहिबु।
कढे ऊनिहे कुन मां। ईउ आगे जो अजबु।
ईउ साईंअ जो सबबु। जीअं बु॒डा॒ कढे बा॒रि मां।

बैत - 22

हेकी बा॒निहे चित में। बी॒ आल्लाह करे।
पाणिहें विझे कुन में। पाणिहें कंधी ने।
सुतड़ि से ढोए। जे तड़ि तवाई मकुड़ा।

बैत - 23

हेकी बा॒निहे चित में। बी॒ जा करे अल्लाहु।
पाणिहें विझे कुन में। पाणिहें उकारे ओड़ाहु।
तिंहिं वाहिद खे वाह। जो सुतड़ि सभेई करे।

बैत - 24

हेकी बा॒निहे चित में। बी॒ करे जोड़ जबारु।
पाणिहें विझे कुन में। पाणिहें उकारे आधारु।
जिहारु जो जोहिरीअ जो। तिंहिं खे भऊ म डे॒ भतारु।
जेडां॒हं मुंहुं मदीने जो। सुजे॒ मुहम्मदुसलम मोचारु।
नंढा वडा॒ मकुड़ा। सभि पसंदा पारु।
सबा॒झो सतारु। सुतड़ सभेई करे।

दास्तान टिओ

बैत - 1

खूहा कालह खणी। उनि विधा उतर आसरे।
अल्लाह! झुरे म उनि जे। ओले जी अणे।
वणिजारनि वणी। वखरु वधो बे॒ड़िएं।

बैत - 2

वखुरु वणिजारा। पाण पराओ चाड़िहियो।
अची लहिरियूं लगि॒यूं। बे॒ड़े बि॒पारा।
जागो॒ जे यारा। त तड़ि तवाई न थिए।

बैत - 3

बे॒ड़ी तुंहिंजी बा॒झ। वखरु तंहिं विसाल जो।
खूहा ओला तो किआ। सभि सूंहारा साज॒।
उति का मालिमनि मजाल। पूरण वारो वाणिहें।

बैत - 4

बे॒ड़ी पुराणी। वखरु पाइ न वितरो।
तरे में तुन घणां। पासनि में पाणी।
हीअ हडि॒ विहाणी। कड़ुहु कालहूणे डीं॒हं खे।

बैत - 5

तरे तुन पयासि। पासनिऊं पाणी वहे।
खूहो झुर झुनू थिओ। लाजू॒ सभि लड़यासि।
जेलाहीं सधर सुखाणियासि। वहे ते वह सामुहीं।

बैत - 6

वेठो तुन तुनीस। मखि डि॒हाड़े मकुड़ी।
संबाहे सयिदु चए। मथे नाऊअ नींसि।
वटाए वडां॒दरा लाजू॒ लगा॒ईंसि।
आख़रि उहराईंसि। त जोखो थिए न जिहाज़ खे।

बैत - 7

तुन तनेदो आऊं। मखि डि॒हाड़ी मकुड़ी।
सांबाही समुंड जी। मलाह मूरि म लाहि।
अजु॒ कि संझ संदियाइ। उहुरंदी अतांघ तड़ि।

बैत - 8

वखरु विहायुई लूणु। थो रुंग खथोरीअ घुरें।
भुंगो तुंहिंजो भरि ते। जिम गा॒लहाईं कूड़।
जिम विञाइयें मूरु। खटिओ तुंहिंजो तो रसिओ।

बैत - 9

वखरु सो विहाइ। जो पई पुराणू न थिए।
वेचींदे विलाइत खे। ज़रो थिए न ज़ाइ।
साका हड़ हलाइ। आगि॒ह जिंहिं जे उबुहें।

बैत - 10

वखरु सो विहाइ। जो हिति खटे हुति सहांगो।
वेचींदे विलाइत खे। ज़रो थिए न ज़ाइ।
सामूंडी संदियाइ। शल माटीअ न मकुड़ी।

बैत - 11

वणिजारा विहाइ। वखरु वेनतिनि जो।
मुअलिम जे मिहराण जा। लंउ तनी सें लाइ।
त इजारो उताइ। मूराईं मआफ़ थिए।

बैत - 12

वणिजारा विहाइ। वखरु वेंनतनि जो।
हट पूरिबाइ। हया हणंदें हथड़ा।

बैत - 13

दंगीअ में दाणा। वठी विझ वखर जा।
वीरि विड़हिंदियई वेसरा। वेहु म वेगा॒णा।
हीअ निन्ड निजा॒णा। कडि॒हीं हणंदियई तार में।

बैत - 14

दंगी मंझि दरियाह। की बु॒डे॒ की उपिड़े।
हू जे वाढे वाणिआ। सूंहण सभि सड़िआ।
मइलम मागि॒ न अगि॒यें। फ़िरंगी मंजिह फिर्आ।
मलाह तुंहिंजीअ मकुड़ीअ। अची चूर चड़िहिआ।
जिते ढींग ढरिआ। तिते तारी तुंहिंजी।

बैत - 15

काजा पेई मकुड़ियें। मंझां पाणीअ पिक।
वखरु हणी वणिक कटिजी कारो थिओ।

बैत - 16

काजा पेई मकुड़ियें। मंझां पाणीअ बूंद।
सेई डि॒ठमि रूंद। वखरु जनि विज॒यो।

बैत - 17

वह तिख वहकुरो। जित लंगर न ठहरनि।
वडां॒दरियूं वह सामुहुं। थियूं झझे ज़ोरि जुंबनि।
नींडूंअ में नातारियूं। के वणिजारा विझनि।
मुला मालिमनि। मूं ग॒री सुई गा॒लहड़े।

बैत - 18

ओरियाईं आणीनि। मेड़िओ मालिम ख़बरूं।
सा सुधि कहीं न डी॒नि। जिते वहु वेध करे।

बैत - 19

दरियाह कंदे दस। किहड़ो सुखु सरे तो।
पाड़ूं पन पहस। कडि॒हें खणी हणें तारि में।

बैत - 20

सिसीअ में सुरु रागु॒। वाअ लगं॒दे वजि॒यो।
मिटी गडी॒ मिटीअ खे। डि॒नू रूह जवाबु।
आदम खे आवाज़ु। तिहां पोइ पेदा थिओ।

बैत - 21

न आदम न हवा हो। नकी ख़लक़ियो।
काथे हो तकियो। तडि॒हीं तुंहिंजे रूह जो.

दास्तान चोथों

बैत - 1

सभेई संएंई करीं। कोम मुंझाईं वाट।
सहुखी करीं सचा धणी सुजे॒ जा स़िरात।
सुपेरियां जे साथ। लंङो लाऊं मेड़ियें।

बैत - 2

सभेई सुबहान जे। करि हवाले कम।
थूउ तह्क़ीक़ु तस्लीम में। लाहे ग़म वहम।
क़ादिरु साणु करम। हासिलु करे हाज तो।

बैत - 3

चङनि साणु चङायूं। ईअं सभको होइ।
तो जीअं करे न कोइ। बुछनि साणु भलायूं।

बैत - 4

चङा कनि चङायूं। बुछायूं बुछनि।
जो वड़ु जुड़े जनि सें। सो वड़ु सेई कनि।

बैत - 5

मदियूं कंदे मान। कनी कडि॒हीं न किआ।
मठियूं जनि जे मन में। से हडि॒ हीं थिआ हेरानु।
बुरा थिआ बेरानु। बे॒ड़ो भगु॒नि बा॒रि में।

बैत - 6

मदियूं कंदे मान। कनी कडि॒हीं न किआ।
चङियूं जनि जे चित में। से हडि॒ न थिआ हेरान।
जे जनी जा गुमान। सेई तनी सामुहां।

बैत - 7

मयनि मथे समरा। खुहियनि सड॒ करीनि।
साथु निबाहियो नीनि। ईअ परि संदी सज॒णें।

बैत - 8

वितु वीमे जो जे लहें। त बी॒ कारि न करीं का।
इहा परूड़िजि गा॒लहड़ी। वणिजारनि वटां।
मोती जनि हथां। आंदइ घणे अदब सें।

बैत - 9

अमुलु आछि म उनिखे। जे न परूड़ीनि मति।
जिति गडि॒जई जवहरी। माणिकु तितहीं मटि।
जनि सोन सें सटि। तनि हणी रीउ रदि किओ।

बैत - 10

सोना वांउ स़राफ़ सींअ। भजी॒ छडि॒ बाज़ी।
चांदी किओ चलाइयें। रुपो रवाज़ी।
थींदो रबु क़ाज़ी। तोरींदो तदबीर सां।

बैत - 11

सोना वांउ स़राफ़ सींअ। बाज़ी भजी॒ छडि॒।
चांदी किओ चलाइयें। मछुणु पोई हडि॒।
वटि स़राफ़ीअ सडि॒। तोरींदा तजिवीज़ सें।

बैत - 12

सोना वांअ स़राफ़ सींअ। लडो॒ हडि॒ म लाहि।
आहे तनि ऊंदाहि। जनि जवाहिर ज़ाइ किआ।

बैत - 13

सोना वांउ स़राफ़ सींअ। लडो॒ लाहि म लडि॒।
सोदो सोईअ छडि॒। जिति जवाहिरु नाहि को।

बैत - 14

त तूं लडि॒जि सोन। जु स़राफ़नि लडि॒ओ।
क़दुरु लहंदइ कोन। नेई गडीं॒दइ गडूं॒अ सें।

बैत - 15

अघिओ काओ कुचु। माणिकनि मोट थी।
पलइ पायो सचु। आछींदे लज॒ मरां।

बैत - 16

माणिकनि भरिया मट। कटिजी कारा थिआ।
तां न उपटिआ हट। जां ग़िराक़ु न गडि॒जे।

बैत - 17

विआ से वींझार। हीरो लालु विंदयिन जे।
तनी संदा पोयां। सीहे लहनि न सार।
कुटीनि कटु लुहार। हाणी उनिहीं भेणयीं।

बैत - 18

वञनि म वींझार। पाणियठु जे परिखिणा।
एहरु पाए अखियें। लहनि सभकंहिं सार।
मोतीअ जे मिज़ाज जो। क़दुरु मंझि किनार।
स़राफ़निऊं धार। माणिक मुलाहिज़ो थिए।

बैत - 19

था स़राफ़ सुज॒नि। पाण कोठाईनि जोहरी।
माणिकु करे मुठि में। वांउ वठी वटि तनि।
त संदसि सयिदु चए। किहड़ो क़दुरु कनि।
कि पाणियठु ई परिखन। कि कइंचलु गडि॒युनि कच सें।

बैत - 20

जे न सुजा॒णनि सच खे। वांउ म तनी वटि।
अमुल खे अध करे। पाणा हणंदा पटि।
मुहिर तनी खां मटि। जे पार्खू पारिस जा।

बैत - 21

सेंधो हुएं स़राफ़ सें। त हूंद थिएं हींअं।
जेकुसि जोहरियनि सें। कीन गुज़ारियई डीं॒हं।
जबल मंझां जीअं। सोझे कढियाऊं सोन खे।

बैत - 22

अमुलु असारे पई। भोरी भगु॒ई जां।
ब॒ई अध हथि करे। सरे स़राफ़नि वांअ।
तां तूं तिआं। सजो॒ कराइयिन सेघ में।

बैत - 23

अमुलु असारे पई। भोरी भगु॒ई जीअं।
वंउ स़राफ़नि सींअ। ब॒ई अध हथ करे।

बैत - 24

अमुलु असारे पई। भोरी भगु॒ई जिति।
कोहु न रुनुई तिति। ब॒ई अध हथि करे।

बैत - 25

माणिकु मुंध हथां। पेतीअ में पुरिज़ा थिओ।
सजो॒ जां सयदु चए। लहे लखु सवा।
भगे॒ पुजा॒णा। पदमाईं परे थिओ।

बैत - 26

सजो॒ तां सउ लखनि लहे। भगो॒ तां नीलुनि।
माणिकु मुलहां वितरो। चयो धुरि धणियनि।
सोझे स़राफ़नि। बे बहा बसि किओ।

बैत - 27

पियो मंझ फुलिहियार। माणिकु मेरो न थिए।
लाली तंहिं न लहे। सारी सभि ज॒मार।
विलिहा जे वींझार। कचु कमाईं कीन की।

बैत - 28

माणिकु फुटिरो। तोड़ी हीरो होइ।
जवहर इन याक़ूत जो। अहुसु अगा॒हूं पोइ।
माणिकु मुहम्मदुसलम होइ। ऊंदाहीअ में सोझिरो।

बैत - 29

जिते माणिक मागु॒। तिते चोरां तकियो।
संऊं तनि सभागु॒। अमुलु जनि ओबहियो।

बैत - 30

चोरु उभो ईअं चोइ। आऊं उहोई आहियां।
जे असी अखियुनि होइ। त लिके खे कोन लहे।

बैत - 31

पाणिहीं लोड़ाऊ थिए। पाणिहीं दांहूं डे॒।
घर वारो जागे॒। चोरनि बछ करे।

दास्तान पंजों

बैत - 1

मुन थी चयुई कांध। भुती भाड़ि म मुकड़ी।
सिड़ह पुराणा पांद। लहिर्यूं सही लगं॒दियूं।

बैत - 2

लहिर्यूनि लेखो नाहि को। कपर कुन कारा।
आछाड़ा अमीक़ जा। अचनि ओभारा।
उथी असारा। वीरि वरंदेई वेसरा।

बैत - 3

वीरि विंदियई वेसरा। उथी तोहु तलबि।
साइर किंहिं सबबि। कालह न विधुइ कुन में।

बैत - 4

कालह विधाईं कुन में। जाडा॒ जुंग जिहाज़।
तुंहिजी अजु॒ तराज़। आहे आर अखियुनि में।

बैत - 5

आहें आर अखियुनि में। नाखुआ किजि निगाह।
वडा॒ बे॒ड़ा बो॒ड़िया। साइर डे॒ई साह।
मुलाहिज़ो मलाह। किजि को इनिहीअ जो।

बैत - 6

मुलाहिज़ो मिहिराण जो। मूरि म लाहि मनां।
सामूंडी सभाग॒ खे। सुमहण आयोइ साउ।
जागी॒ जर मथां। तारे वांउ तराज़ खे।

बैत - 7

तारे वांउ तराज़ खे। मंझां मोज मलाह।
दांहूं कनि दरियाह जूं। ऊनिहे जा आगाह।
सूंहनि जी सलाह। वठु त वीरि लंघे वञें।

बैत - 8

सूंहां सुधियूं डि॒यनि। इन देवाने दरियाह जूं।
कूड़ ओडा॒ कीनकी। रुगो॒ सचु सोदियनि।
इज्ज़ जो अध राति खे। वणिजु विहाईनि।
सूदु निबाहियो नीनि। साबितु इनिहीअ सीर मां।

बैत - 9

साबितु लंघिआ सीर। लहिरिनि लोडि॒आ कीन की।
वञी पहता पार खे। निर्तो मंझां नीर।
माइ पहता मीर। बा॒रि लंघिआऊं बा॒झ सें।

बैत - 10

साथियनि संबति पन्ध जी। तूं वेसलो वीर।
जोड़े जुंग जिहाज़ खे। कोडि॒ हणाइज कीर।
वहे वणिजारनि जी। बंदर डूं॒हं बहेर।
गहिर तनी जे खीर। जनि लागे॒दार लंघाइया।

बैत - 11

करफुल फोटा पारिचा। पाणियठ पाताऊं।
कोठियूं क़ीमत संदियूं। तर में ताकियाऊं।
लाजु॒न में लतीफ़ु चए। बे॒ड़ा ब॒धाऊं।
नज़ुरु नबीसलम जा॒म जो। चड़हंदे चयाऊं।
जे छूहे छोड़ियाऊं। से बे॒ड़ियू रखें बा॒झ सें।

बैत - 12

करफुल फोटा पारिचा। ओतियाऊं अंबीर।
महिन्दयीं मुहिरे मुस्तफ़ासलम। ओले वेहु अमीर।
लंघाए लतीफ़ु चए। अग॒यां सुज॒ समुंड सीर।
बरिकत मुहम्मदसलम मीर। जोखो थिए म जिहाज़ खे।

दास्तान छहों

बैत - 1

तांघे में तणे। ब॒धु पंहिंजो तुरहो।
ओनिहे में आणे। कोन डीं॒दुइ को बि॒ओ।

बैत - 2

तारू तरियो वञनि। नन्ढा वडा॒ वाहुड़ा।
हे ब॒रि अतारूं। ग॒रा मथिनि मोलिहिया।

बैत - 3

काओ कमायोमि। मोती मूं न वणिजिआ।
सीहे जो सयिदु चए वखरु विहायोमि।
हिहड़ो हालु संदोमि। तोहि तुंहिंजे उबहां।

बैत - 4

बंदरि जां भई। सुखाणिआ म सुमहो।
कपरु थो कुन करे। माटे मंझि मही।
एडो॒ सूरु सही। निन्ड न किजे नाखुआ।

बैत - 5

सुता सभि पेई। संदे मालम आसरे।
अईं पुणि सुमहो नाखुआ। बंदरि नाहि भई।
जनि जी सयद लज॒ खंई। से सभि लंघींदा लकियूं।

बैत - 6

डो॒रे लहु डा॒तारु। जिम विहें वेसलो।
हकियो होइजि हूशियारु। खिवणि खिवंदियई ओचती।

बैत - 7

खिवणि थी खिवाइ। तो आई निन्ड अभाग॒ खे।
हकल हिंयें लाइ। सुजे॒ जा समुंड जी।

बैत - 8

खिवणि थी खिवे। तो आई निन्ड अभाग॒ खे।
तो असारा इहे। सभि वेंदियूं विसरी।

बैत - 9

खिवणि खवायो। तो आई निन्ड अभाग॒ खे।
भऊ न जनि भांयो। करे तवाई तनि खे।

बैत - 10

अजु॒ कीअं असारो। खिवणि डि॒सिओ थो खिलें।
सइयो करि समुंड जो। वेहु म वेसारो।
सुबह सवारो। उहरंदें ओड़ाह डे॒।

बैत - 11

सुतें किहड़े सार। विजु॒ खिवंदियई वेसरा।
तो जेडा॒ तो यार। लहिरि लहिवारा किआ।

बैत - 12

सुतें संझेई। विजु॒ खिवंदियई वेसरा।
वीरि वरी वेई। असारनि। तां ओचिती।

बैत - 13

नको सुखु नखटें। न वेसांदि नएं।
जेका अचे सामहें। भांयें सा संईं।
मूड़ीअ कोहु मईं। जिअं सजि॒यूं रातियूं सुमहें।

बैत - 14

बे॒ड़ियाता बे॒ई। तो न फबं॒दियूं गा॒लिहियूं।
सजि॒यूं रातियूं सुमहें। भरु सुखां डे॒ई।
सुभा सभेई। पारि पुछंदइ ख़बरूं।

बैत - 15

वणिजारा वेठे। तो न सरंदी शाह रे।
मखि पंहिंजे मकड़ी। चङी करि चेठे।
पासा पाखड़ियनि जा। समुंडु थो सेके।
जे लुंडा में लेखे। वीरि विड़हंदी तनि सें।

बैत - 16

अहुखी राह अल्लाह जी। अहुखी अहुखीअ भति।
हू जे डि॒हाई डे॒ह जा। तनि पणि मुंझे मति।
आछाड़ानि उबति। घिड़जि घाटे नींहं सें।

बैत - 17

जे तूं थियें अल्लाह जो। त आलमु सभि संदोइ।
मन लहुल मोला फ़लहुल कुलु। पिरियनि पाण उतोइ।
कपरु कीन कंदोइ। वांउ लहिरिनि गडि॒यो।

बैत - 18

लहिर लगं॒दियई नितु। वीरि चीरींदियई मकुड़ी।
जनि जेडां॒हीं चितु। तनि तेडा॒हीं ढुकंद्यूं।

दास्तान सतूं

बैत - 1

सोदागर समुंड जा। लाजू॒ लाल वटेजि।
सिड़ह संबाहे सग़ुलात जा। खूहा ख़ूबु खणेजि।
अछा ओला आज जा। चङा चिटाएजि।
सत सुखाणियूं संबाह तूं। छह छज॒हिरियूं अडे॒जि।
सटि सारे सयद चए। पूरी पुजा॒एजि।
मुला मुअलिम ख़बरूनि। पुछी परूड़ेजि।
वसक़हु रब्बुहुम शराबन तहूरा। पाणी पाकु पीएजि।
जिंहिंखे सभके सभुको। पिरीं सो पसेजि।
लुड़ में कीम लुडे॒जि। सामूंडे सुतड़ि थियें।

बैत - 2

जोड़े जुंग जिहाज़ खे। भोरा तूं बनाइ।
अठेतालीह इश्क़ जूं। वागूं॒ वीर वटाइ।
पंज पग॒ह टीह ओला। सतिरहं सिड़ह सिबाइ।
समुंड में सयदु चए। अपरि आहि ऊंदाह।
जिति मांगर मछ मिड़िया। उति गोशे झलि ग़ुराब खे।

बैत - 3

घातू घणेई हुआ। मथे हिन मिहराण।
तांघ न लधी तारुएं। संदी सीर सिटाण।
लाजू॒ छिना लहिरियें भगा॒ सिड़ह सुखां।
कुननि जे कशोकश में। जुंबआ के जुवान।
मोड़े चाड़िहियाऊ मकुड़ा। जो॒ले पंहिंजा जा॒ण।
सुबहानक इनी अहलुल इजज़ी मिन महरिफ़तिक। इहड़ा जनि परियाण।
वजा॒ए वडा॒ण। हेरत में हली विआ।

बैत - 4

सामूंडी थो संबहें। साजो॒ झलि सुखां।
लगे॒ वाउ वडां॒दरो। मुंझाए महराणु।
जनी भांयो पाणु। करे तवाई तनि खे।

बैत - 5

विसाणू सो वाउ। जिंहिं भरि डिज॒नि नाखुआ।
पेई कर कुनन में। उझाणू ओड़ाहु।
अचो इन तड़ां। त सामूंडी सुतड़ि थिओ।

बैत - 6

दुनिया सभ दरियाह। को को तारू तिंहिं में।
हिकिड़ी लहिरि लोभ जी। बि॒यो आतशी ओड़ाहु।
तालिबनि तोड़ां। मोड़े चाड़िहियूं मकुड़ियूं।

बैत - 7

जिते लहिरिनि लख। कनि करग॒लु पाण में।
उते अब्दुल्लतीफ़ु चए। रब तुंहिंजी रख।
कुजा॒ड़ो कख। भरु झलींदा भीड़ि जो।

बैत - 8

जिते वंझ न वाह। चुपा चुरनि कीनकी।
किश्ती काग़ज़ कच जी। चाड़िहियमि मंझां चाह।
पसी सख़िती समुंड जी। मांदा थिआ मलाह।
शरमु रखीं तूं शाह। लाइक़ लाजे॒ जा धणी।

बैत - 9

जुतो वांउ जिहाज़। गडि॒ओ ग़ुराबनि सें।
पूरींदे हुन पार डे॒। सधर खणिजि साज़।
अचनि था आवाज़। सटाणे समुंड जा।

बैत - 10

झूनो थिओ जिहाज़ु। सट न सहे सिड़ह जी।
पग॒ह पुराणा थिआ। सड़ियो सभोई साज़ु।
मुअलमु थिओ मुहताज। बे॒ड़ो वसि बि॒यनि जे।

बैत - 11

जनी जे जिहाज़ खे। सगो॒ सुलितानी।
सिड़ह अछा एं ओलियूं। उनि जे खूहे न ख़ामी।
बंदरु बसिरो कैचु क़लातु तनि अरबु इनआमी।
डि॒सि खेड़े डा॒नी। सूभा सुतड़ि आया।

बैत - 12

अगीं॒अ जां आऊं। जरि पलउ थी पायां।
त आयलि वणिजारनि जूं। थियूं धग॒नि धजा॒ऊं।
मंझां रूह रइ थिआ। मुहम्मदसलम मञियाऊं।
पुनियनि मुदआऊं। खंड खेड़ाऊ आया।

बैत - 13

विचींआ जा वेही। जरि पलउ पायां।
तड़ि बे॒ड़ा घरि सुपिरीं। ओसह ईअ पेई।
वणिजारा सें वखरें। सरहा सभेई।
हुरिमत साणु हबीबसलम जे। सुंगिया न सेई।
पाणिहीं ओ पेही। खंड खेड़ाऊ आया।

बैत - 14

नाखुओ निगहिबानु। मअलुम मुजे ख़बरूं।
जन सारे खंयो समुंड में। सफ़र जो सामानु।
लुतिफ़ साणु लतीफ़ चए। तनि लंघिओ तूफ़ानु।
संभारे सुबहानु। वञी आदनिऊं उखता।

बैत - 15

तन में तराज़ तोह जी। घणो लहु घोरे।
अदब एं इख़्लास जा। ब॒धिजि सिड़ह सोरे।
वखरु वेनतियुनि जो। तंहिं में पाइ तोरे।
त अदनिऊं ओरे। तुंहिंजो तवाई न थिए।

बैत - 16

तोड़े तवाई। तोइ तुंहिंजे आसरे।
जीअं वणिजारे सें वखिरें। तीअं मां घर सरहाए।
सज॒णु ग॒रि लाई। खीरूं डीं॒दियसि जेडि॒यें।

वाई

सहसें शुकिराना। कोड़ियें भाल करीम जा
हमदु चइजि हकीम खे। जोर हणी जाना।
तो ॾ॓खारे तो धणी। बातिन जा बाना।
मतां। मर्द विसारीयें। साहिब जी सना।
दोसतु रखी दिल में। पड़हु लालनु लिसाना।
जफ़ा ॾेई जीअ खे। थीउ फ़िकुर मंझ फ़ना।
तुसी तो सीं तोहु करे। मन आगो इहसाना।
कढु तूं दग़ा दिल मां। ॿान्हप सें। ॿान्हा।
साहिब वणे सचु सैन। थीउ दानहु। दीवाना
जे तस्लीम सें तहक़ीक़ु हुआ। से कीअं अमाना?
जाॻिया जे जबारु लइ। सेई समाना।
फ़ज़्कुरुनी अज़्कुरुक्मु। कहियो क़ुराना।
वश्कुरुली वला तक्फ़ुरून। कढु तूं कुफ़राना।
सभु संवारिया सुपिरींअ। कोल तो कना।
चङी चइजि चाह मां। मदह ईउ मना।
ताइबु थियो तकिड़ा। जोशा। जुवाना।
त लहीं तूं लतीफ़ु खां। अमुनु ईमाना ॥

वाई

पुछां थी तोखे पांधी। किथे प्रियां जा पखड़ा।
जितां जतनि लडि॒ओ। पखी छणिआ पन।
जरु मोतिन जीअं हारिओ। मुंहिंजे हींअड़े भगा॒ भन।

वाई

कंधी सारियां कान। या अमुन अमान!।
ए इलाही! या इलाही!। बा॒झ बे॒लाटी भायां।
ग॒णण गा॒णीटो नाहि को। अपरि थिआ इसियान।
ख़बर नाहि ख़बर जी। निसोरा निसियान।
वाली रसिजि वहिलो। अरगु॒ थिआ इन्सान।
सुणु सबाझा सुपिरीं। नारो निगहिबान।
मदुयूं पसी मुंहिंजूं। शरिमाया शेतान।
हिन मुंहिजे हाल ते। है है कनि हेवान।
साईं सुखाणी आहियें। सामूंडियनि सुबहान।
तुरहो छिनो तारि में। रसिजि तूं रह्मान।
बे॒ली जो बु॒ड॒नि जो। मूंते मोटे मान।
वेठो पिने पिनिणू करि भेरो मथे भान।
ख़ालिक़ तां ख़ूबु किआ। गोलनि जा गुज़िरान।
आऊं पणि अंधो उनि में। वेठो पिनां पान।
सुवाली समकिआ। दाता डे॒ई दान।
विलिहा सभि वंहियां किआ। तुंहिंजे जूद जुवान।
मतां मूंखे छडि॒एं। बे॒ली संदा बा॒न।
वीर वसीलो आहियें। दाड़ू में दीवान।
लाइ डो॒हारियनि डे॒ह खे ख़ीमू अडि॒ओ ख़ान।
उते अब्दुल्लतीफ़ चए। सुणिजि का सुलितान।

वाई

मूं में तूं मौजूदु। आउऊं असूंहीं आहीअन।
माणुहनि जी मोटण जो। साइईंअ हथ सुजूदु।
जयलाह रसिआ बोदि खे। तयलाह थिआ नाबूदु।
अखड़ीऊं अखड़ीउनि खे। सिकिओ कनि सुजूदु।
इन दर सीइई अगहिआ। जिनि विञायो वुजूदु॥

वाई

साथियनि नन्धा बार। तनि पांधियनि नन्धा बार।
तोखे आरसु अखियुनि में।
पाता पाड़े वारीयें। पग॒ह में पातार।
पतणु थो पूर करे। आई। तुंहिंजड़ी वार।
सजि॒यूं रातियूं सुमहें। खियो मंझि ख़ुमार।
कि तो कनें न सुई। कपर जी कूकार।
साईंअ मुकें सच खे। तूं कूड़ो मंझ क़तार।
कि तो कनें न सुई। हलण जी हाकार।
ताइब थी तकिड़ा। पड़हो। ईअ पचार।
निन्ड न किजे एतिरी। सुणिजि आदा यार।
घड़ां थी रिअ घड़े। अल्लाह तोहार।
हीउ जो शकु शारिक जो। तिहां रखु सतार।
कुलु नफ़्सन ज़ाइक़तुल्मोति। सची ईअ संभार।
शिकारु तूं शहबाज़ जो। तूं तां मंझ शिकार।
योम यफ़िरुल मर्उ मिन अख़ीही। जिति भजं॒दा भार।
तुरहो छिनिम तारि में। अचिजि जीअं ओसार।
लख मड़ेई लुटिआ। हूं नहीं विअड़ा हज़ार।
डि॒नई जे अल्लाह खे। त हूंद थियें परियें पारि।
जूठनि मथां जिटिके। दुणे तुंहिंजे दार।
जीफ़ो आहि हदीस में। अंधीअ ई आचार।
वटियुई कीन विलहनि सें। कंबी भरि क़हार।
सा कीअं हले तो सें। जा भगे॒ खां भतार।
जीअणु जाल न निबहे। सुणिजि ईअ संभार।
जिम विसारियें वेसरा। भितियुनि जी भुलिकार।

वाई

जागी॒ यारा जेडि॒यूं पाणु परनिजे।
हलंदे हबीब डे॒। वेलो विचि न किजे।
मथे उहस उसिरी। पतंग जीअं पइजे।
अगि॒आं ऊंदीअ जो। समरु साणु कजे।
कीजे क़ुवतु क़बर जो। घोर्यूं आं घुर्जे।
आगो ऐब अवाहिंजा। ढकिआ गु॒झ बु॒झे।
जेकी वहे विजूद में। साहिबु थो समुझे।
आहे मोतु मिड़नि ते। गोड़ियूं किओ थो गजे।
अजलु ईंदो ओचतो। सदा थो सुजे॒।
डिजी॒ डाइ अल्लाह जे। जेको भए भजे॒।
अमुनु आहे उन खे। मंझि अल्लाह जे अझे।
अर्ज़ु अह्वालु उनि खे। चङीअ भति चइजे।
नियाज़ु करी निकणी। वाहिद डे॒ वरिजे।

वाई

उमरि सभ अबसु। वक्त विञायमि पाहिंजा।
वेर विञायमि पांहिंजे।
वेठी लिखिओ लोड़ियां। जेकी किओ मसु।
क़ल्बु कारो जो थिओ। कातिब लाहियें कसु।
हालु मुंहिंजो हिहड़ो। तां तूं प्रियमि पसु।
अचे अभाग॒न खे। रसिजि अची रसु।

वाई

मूं मारींदा लक या वाली केचु न ओडी॒अ छक।
हे जे हू जे।
अंतु न डि॒जे आम खे। लोकां किजे लिक।
पाण में पारियूं करे। नींहं वहाइजे निक।

वाई

किआं लहंदी से। या अला किआं। वह्दहू जे वढिया।
जिते वह्दहू वढ थिए। जेको मूंखे ने।
सिसी डि॒यां साह सें। या अला। ओऊं तंहिं पांधीअ खे।

वाई

केरु चवंदो को न चवंदो। त को आहीं असांजो।
पिरीं परतें रब खे। करि सफ़र जो सइयो।
जानी हिन जिहान मां। वञु लागा॒पा लाहियो।
आगे पंहिंजे इहसान सें। बा॒नहनि ते बा॒झायो।
बाबे बीबीअ फ़ातिमा जे। बारु सभो बख़िशायो।
“नफ़्सी नफ़्सी” सभको। कहियो उति कहंदो।
“उमती या उमती” कहे। रसूलु रबु संदो।
नेज़े पांदि नमी। अला। सख़िती शम्सु करींदो।
उते अब्दुल्लतीफ़रह ते। हज़रतसलम हथ धरींदो।

सुर सामूंडी

दास्तान पहिरियों

बैत - 1

पॻहु पासे घार, आयलि सामूंन्डियनि जे
विझी जीउ जंजार, जिम वञनिई ओहिरी

बैत - 2

पॻहा पासे पचु। आयलि सामूंन्डियन जे।
मन में ॿारे मचु। जिम वञनिई ओहिरी॥

बैत - 3

पग॒ह पासे वेहु। आयलि सामूंडियनि जे।
तूं वेसली विख खणें। पूरींदइ परडे॒हु।
समुंडु जनि साणेहु। कोहु न वेइयं तनि सें।

बैत - 4

पग॒ह पन्ध परूड़ि। आयलि सामूंडियन जा।
सांदारो समुंड जो। आहे दूरां दूरि।
के लंघिआ पिहरिएं पूरि। कनि वेठे वरिह थिआ।

बैत - 5

ईंदें तां आउ। हणी हथु पग॒ह में।
लगे॒ वाउ सुवाउ। सिड़िहु सांबाही न सहे।

बैत - 6

वांउ वहिली निकरी। नंगरु जां न खणनि।
मछुणु डे॒हि वञनि। नारियूं पूरे नाखुआ।

बैत - 7

नंगर एं नारियूं। पग॒ह खणी पन्धि थिआ।
बंदर बाज़ारियूं। सुञा सामूंडियंनि रे।

बैत - 8

नंगरिओ नेणें। मनु ओलीअ न ओहरे।
सबा॒झे सेणें। पाए गु॒ण ग॒हियो हिंयूं।

बैत - 9

सेई जोभन डीं॒हं। जडि॒हीं सज॒ण सफ़रि हलिआ।
रुआं रहनि न सुपरीं। आयलि करियां कीअं।
मूंखे चाड़िहे चीअं। विओ वणिजारो ओहरी।

बैत - 10

न से तड़ि खुराक। न वायूं वणिजारनि जूं।
सरितियूं सामूंडियनि जा। अजु॒ पणि चिकियमि चाक।
मारीनिहूं फ़िराक़। पाड़ेचियूं पिरियनि जा।

बैत - 11

वआ उहरी ओइ। मूंखे छडे॒ माग॒हीं।
जुग॒नि जा जुग॒ थिआ। तिआं न मोटिओ कोइ।
गूंदरु मारींदो। वेचारी विअनि जो।

बैत - 12

जे ऊनिहे विआ उहरी। अल्लाह से वारे।
आऊं उनि आसारे। तड़ पूजा॒रे आहियां।

बैत - 13

ओनिहे में ओहरी। जडि॒हीं जे विआ।
सांदारे समुंड जे। निहोड़े निआ।
वञी तिति पिआ। जिति निहायत नाहि का।

बैत - 14

ओनिहे में ओहरी। जडि॒हीं विआ जे।
मोटी मागि॒ न आया। माइ सामूंडी से।
खारो तनी खे। जेकुसि वहु वरी विओ।

बैत - 15

ओड़ाहि विआ न वरिआ। आऊं तंहिं मारी वेण।
करे सामूंडी सेण। जुसे जारु पिराइयो।

बैत - 16

जे उहरिअमि अजु॒। से कडि॒हीं ईंदा मां ग॒रे।
पिरियां जी हुन पार डे॒। वञी दऊंकी धजु॒।
सामूंडीअ को डं॒झु। माअ मारींदुमि कडि॒हीं।

बैत - 17

उहरिआ जिआईं। ढुकनि तनि तराइयें।
सामूंडियनि साईं। वाउ सणाओ वारियें।

बैत - 18

सामूंडीअ को संङ। आहे गूंदर गा॒डऊं।
अंघुनि चाड़िहे अंगु। विओ वणिजारो उहरी।

बैत - 19

सामूंडी सारे। मथे तड़ गुज़ारियां।
मूंखे थी मारे। तनी संदी गा॒लहड़ी।

बैत - 20

सामूंडी सारे। माअ मुंहिंजो जिंदड़ो।
बंदरि वेचारे। वञी लाया डीं॒हड़ा।

बैत - 21

सामूंडी सारे। माअ मुंहिंजो जिंदड़ो।
कारणि वणिजारे। घणू उकंडी आहियां।

दास्तान ॿिओ

बैत - 1

अलूड़णु न डे॒। वरु विधाईं वंझ खे।
रहु अजो॒की रातड़ी। लालण मूं लाए।
वञु म फोड़ाए। एडे॒ सफ़रि सुपिरीं।

बैत - 2

लाहींदाई कनि। गा॒लिहियूं हलण संदियूं।
डीं॒दा मूं डु॒खनि। वहि विझंदा जिंदड़ो।

बैत - 3

गि॒रियो झलियो रोइ। मथे मुहिरे हथड़ा।
खोइ सोदो संदोइ। जो तूं ढोलिआ सिखिओ।

बैत - 4

वञेई विसरी शाल। जो तूं सोदो सिखिओ।
अञा आइयें कालह। पुणि थो सफ़रि संबहें।

बैत - 5

जेकुसि विब॒रु नींहुं संदोमि। मूं उभे हुनि थेलिह्यो।
सइयो सामूंडियनि सें। अगे॒ तां न किओमि।
विझणु मंझि होमि। पाणु वराके रसि सें।

बैत - 6

मूं झलींदे न रहिया। जेकुस निब॒रु नींहुं संदोमि।
क़ादिरु शाल कंदोमि। वेझी वणिजारनि खे।

बैत - 7

बे॒ड़ीअ जे भुणनि। नींहुं न किजे तनि सें।
उभा डं॒भ डि॒सनि। जु डे॒ई सिड़िहु सीर थिआ।

बैत - 8

हींअड़ो बे॒ड़ीअ जां। डु॒तड़ि पे डीं॒हं थिआ।
पुछिओ तां न प्रियां। कर लाहू थी कडि॒हीं।

बैत - 9

तड़ें तंवारीनि। माअ सामूंडी आया।
मूंखे जियारीनि। वायूं वणिजारनि जूं।

बैत - 10

मूंखे जियारियो पिरियनि जी गा॒ल्हि करे।
डठो अजु॒ अडि॒यो। हींअड़ो कोट बुरिज जीअं।

बैत - 11

उभियूं तड़ पूजी॒नि। वहूं वणजारनि जूं।
अणियो अखा डी॒नि। खथूरी समुंड खे।

बैत - 12

जनी कारणि मूं। तड़ पूजा॒रा पूजि॒आ।
पुनियमि उमेदूं। सेई सज॒ण आया।

बैत - 13

ही सज॒ण उहेई। जे मूं कोडि॒ निहारआ।
ईंदमि जान पेही। त सभि लाहींदा डु॒खड़ा।

बैत - 14

पतणि पोइ पचार। आनि के सिड़ह वेंदा गडि॒आ।
उकंड मूं अपार। शाल मुंहिंजा मोटिआ।

बैत - 15

सिड़ह सुञाणियो चोइ। माअ सामूंडी आया।
मां न मुंहिंजो होइ। जानी हिन जिहाज़ में।

बैत - 16

लाजू॒ था लमनि। अचनि सिड़ह उपड़िआ।
कारणि तनि पिरियनि। वेठी वाट निहारिआं।

बैत - 17

अचनि सिड़ह उपड़िआ। मथिनि कपड़ कोट।
सामूंडी मूं घोट। सेण सलामत आया।

बैत - 18

अचनि सिड़ह उपड़िआ। मथिनि मुहाणा मीर।
जे सरणि तुंहिंजे सीर। से पारि लंघाईं पहीड़ा।

बैत - 19

अचनि सिड़ह उपड़िआ। मथिनि मुहाणा मल।
जे अचनि आब उछल। से बे॒ड़ा रखीं बा॒झ में।

बैत - 20

सनिहे लकि नक संएं। कजल भिना नेण।
सामूंडी मूं सेण। कि तूं कालह लंघाइया?

बैत - 21

लाहियां जे न चितां। अला उनि म विसिरां।
मड़िहियो मंझारां। जीउ मुंहिंजो जनि सें।

बैत - 22

चितां जे न चुरनि। अला उनि म विसिरां।
मूं मनु आहे तनि मड़िहियो मंझारां हिंयें।

बैत - 23

जरि तड़ि डि॒या डे॒। वणि टिणि ब॒धे वांउटियूं।
अला कांधु अचे। आसाइती आहियां।

बैत - 24

जा जरि जाटूं न मए। डि॒या न मोहे।
सधूं कोहु करे। सा पंहिंजे कांध जूं।

दास्तान टिओ

बैत - 1

आऊं जनि आसारे। मथे तड़ गुज़ारियां।
मेंखे विसारे। शाल न वञनि ओहरी।

बैत - 2

विअड़ा कालु करे। बा॒रहें माहि न मोटिआ।
लगी॒ तनि ग॒री। किहड़ियूं हंजूं हारियां।

बैत - 3

आई उतर मुंद। हींएं उडको न लहे।
वटीनि लाजू॒ बंद। बी॒हर मखीनि बे॒ड़ियूं।

बैत - 4

लगी॒ उतर हीर। सामुंडियनि सिड़ह संबाहिया।
नन्गर खणी नाखआ। थिआ सणावा सीर।
हींअड़े नितु उकीर। खारे खेड़ाउनि जी।

बैत - 5

उतर लगे॒ ओहरिआ। वाहूंदे वरनि।
आऊं घणूई घोरियां। सोदो सामूंडियनि।
अङणि जनि अचनि। ईद वरते उनि खे।

बैत - 6

अङण आया जां। त सरतियूं मां सुख थिआ।
अमुल पिरींअ मथां। ब॒ड़िकिओ बि॒यनि डि॒यां।

बैत - 7

चमकियूं चौधार। धजि॒यूं धाड़ेचनि जूं।
माअ सामूंडी आया। सहसें करे सींगार।
तनी जी तंवार। कालहूं पोए कांगु करे।

बैत - 8

तन जनी जी तांघ। से सज॒ण सफ़र हलिआ।
लइजि लाति लतीफ़ु चए। कडि॒हीं ईंदमि कांग।
किंहिं सटाणे सांग। पिरीं परडे॒ही किआ।

बैत - 9

तां की लइजि कांग। कडि॒हीं ईंदा मां ग॒रे।
सेणें कारणि सांग। मूं तां घणाई किआ।

बैत - 10

अचनि उहेई। जनि लाए कांग उडा॒यां।
बे॒ड़ियाता बे॒ड़युनि में। पिआ भुणनि सभेई।
सामूंडी सेई। जनि वाहण खथूरीअ वासिआ।

बैत - 11

सर निसरआ पांद। उतर लगा॒ आउ पिरीं।
मूं तो कारणि कांध। सहसें सुखाऊं कियूं।

बैत - 12

सर लोहीड़ा ग॒भिआ। कुसर निसरिआ।
से कि विसरिआ। ढोल हमारा हथड़ा।

बैत - 13

ढोलो विअड़ो ढोरि। आऊं थी सीअ गुज़ारियां।
मादरि मूं म चोरि। ना त पधरि पूंदी पिर्यड़ी।

बैत - 14

जेकर अचे हाणि। त करियां रूह रुचंदियूं।
आयलि ढोले साणु। हूंद ग॒रि लगे॒ गा॒लिह्यूं करियां।

बैत - 15

आयलि ढोले सां। जे अचे त झेड़यां।
लायईं डीं॒हं घणा। मूं सें कियईं थोरिड़ा।

बैत - 16

वणिजारे जी माअ। वणिजारो न पलियें।
आयो बा॒रहें माह। पणि। थो सफ़रि संबहे।

बैत - 17

वणिजारे कांधा। मूं वरु वेठे घारिओ।
लगे॒ उतर वाउ। ढोलो हलण जूं करे।

बैत - 18

वणिजारे कांधा। कोरी कांधु न करएं।
उथिओ आडा॒णिआ। तो ग॒रि डीं॒दो बां॒हड़ी।

बैत - 19

वणिजारे जी वीर। सउ सें घोरे घोरियां।
वखरु विलाइतुनि मां। आणे कंदो ढेर।
तो जिहड़ियूं तंहिं वेर। उति उधारण ईंदियूं।

बैत - 20

जां मूं वणिजारो कांधु। तां हडि॒ म लाउवं लधियूं।
मथे परडे॒ह सांगु। अठई पहिर उन जो।

बैत - 21

वणिजारनि वरी। पिरिह पग॒ह छोड़िआ।
ओलियूं पसी उनि जूं। पियमि ग॒च ग॒री।
वेंदियसि माअ मरी। सारे सामूंडियनि खे।

बैत - 22

वणिजारनि वारे। पिरिह पग॒ह छोड़िआ।
खेड़ाऊ खारे। संभूड़ा सयदु चए।

बैत - 23

खारो जे खेड़ीनि। सेई मुंहिंजा सुपिरीं।
रुआं रहनि न सुपिरीं। झलियां झल न डी॒नि।
विरिह वेध करीनि। आयलि सामूंडियनि जा।

बैत - 24

खारे खेड़ाऊ। बिरिह बूबु बनाइ।
क़ुल हुवरह्मान आमना बिह। साजा॒ सिड़ह सबाइ।
पंज पग॒ह टीह ओलियूं। लाजू॒ सभि लगा॒इ।
वह्दहू ला शरीक लहू। खूहा ख़ूबु खणाइ।
त सामूंडे संदियाइ। सची साख उबहे।

बैत - 25

खेड़ाउनि खारो। संझेई सारिओ।
आयलि उमारो। आहेनि परिएं पार जो।

बैत - 26

खारे खेड़ाऊ। मिठे मूरि न मोटिआ।
सोदो कनि न सोन जो। वडा॒ विहाऊ।
मोती जे मिहराण जा। तनि जा तामाऊ।
सामूंडी साऊ। लका लूटे आया।

बैत - 27

लंका लंका कनि। लाए लंका जे उहरिआ।
पसी सोनु लंका जो। सुखु न सामूंडियनि।
पिरिह पग॒ह छोड़िया। खारे खेड़ाउनि।
आऊं झलींदी केतिरो। आयलि सामूंडियनि।
वडे॒ भागि॒ भिरनि। जे कहिया कारोंभार डे॒।

बैत - 28

वडो॒ भागु॒ संदोनि। जीअं मको भेटे मोटिया।
वञी सो डि॒ठोनि। रोज़ो पाक रसूलसलम जो।

बैत - 29

वांउ वञी वांउठि। हींअड़ा मागु॒ पिरियनि जो।
चुमियो चुमु चांउठि। होअ जा संदी सज॒णें।

दास्तान चोथों

बैत - 1

पुरां मां न पुजां॒। बंदर मूं दूरि थिआ।
न मूं हड़ न हंज की। जे की चई चड़िहां।
तियहीं किजि। पातणी। जिंहिं परि पिरींअ मिड़ां।
कारूं ते करियां। तो दरि उभी नाखुआ।

बैत - 2

कारूं जीअं किजनि। तीअं तो आयलि न कियूं।
बी॒हर वणिजारनि। मोटी वरणु न थिए।

बैत - 3

हड़ में की न होनि। हूंहें हुनि न चाढ़िआ।
सारो डीं॒हुं समुंड ते। उलही सिजु वओनि।
साईंअ सबबु किओनि। सुतड़ि थिआ सयदु चए।

बैत - 4

असां उधारा। आणे आवंग चाड़िहया।
मुंहुं डे॒ई मूं आया। समुहां सियारा।
उभिरनि सीकारा। पसिओ वर ब॒युनि जा।

बैत - 5

मूं उभे तड़ वट। पिरियनु पग॒ह छोड़िआ।
का मूंहीं में घटि। न त सज॒ण सबा॒झा घणू।

बैत - 6

मूं उभे तड़ हेठि। पिरियनि पग॒ह छेड़िआ।
का मूंहीं में डे॒ठि। न त सज॒ण सबा॒झा घणू।

बैत - 7

मूं उभे तड़ झल। पिरियनि पग॒ह छोड़िआ।
का मूंहीं में अल। न त सज॒ण सबा॒झा घणू।

बैत - 8

मूं उभे तड़ पासि। पिरियनि पग॒ह छोड़िआ।
थिआ सणावा सीर ते। दमि दमि दुआ कंदियासि।
आह न लाहींदियासि। मोटी ईंदा मां ग॒रे।

बैत - 9

अजु॒ पणि वायूं कनि। वणिजारा वञण जूं।
अठई पहिर अथनि। सइयो कंहिं सफ़र जो।

बैत - 10

अजु॒ पणि वायूं कनि। वणिजारा वञण जूं।
मूं बीठेई हलिआ। बंदर जनि तड़नि।
सरितियूं सूरु संदुनि। मूं मारींदो कडि॒हीं।

बैत - 11

अजु॒ पणि वायूं कनि। वणिजारा वञण जूं।
हलण हारा सुपिरीं। रुआं तां न रहनि।
आऊं झलींदी केतिरो। आयलि सामूंडियनि।
पग॒ह छोड़े जनि। विधा बे॒ड़ा बा॒रि में।

बैत - 12

ओला खणी ऊए। पग॒ह छोड़े पन्धि थिआ।
आयलि सामूंडियनि जी। आहे अड़ांगे जूइ।
कडि॒हीं डि॒संदियसि रूइ। वरी हिनि अखियुनि सें।

बैत - 13

बंदर देसां देसि। मुलु न मले वारियें।
फ़क़ीराणे वेसि। अमुल डी॒नि अतोरिया।

बैत - 14

बंदर बारोबारि। मुलु न मले वारियें।
फ़क़ीराणे पारि। अमुल डी॒नि अतोरिया।

बैत - 15

सिड़ह थी सिबियाऊं। बंदर जनि तड़नि ते।
सिड़ह सिबी साजा॒ करे। खूहा खंयाऊं।
बेरक़ूं पहरनि में। छोड़े छड॒याऊं।
लहर्यूं लंघियाऊं। लुतिफ़ साणु लतीफ़ु चए।

बैत - 16

सिड़ह थी सिबियाऊं। बंदर जनि तड़नि ते।
मुला मुअलिम ख़बरूं। पुछी पूरियाऊं।
सुतड़ु सूठाऊं। अवतड़ि कंहिं न ओलिया।

बैत - 17

सिड़ह थी सिबियाऊं। बंदर जनि तड़नि ते।
सरतियूं सामूंडियनि जूं। धगि॒यूं धजा॒ऊं।
आयलि तनि आऊं। मोटियो कीन विसहां।

बैत - 18

सिड़ह थी सिबियाऊं। बंदर जनि तड़नि ते।
खूहा सिड़ह ओलियूं। क़लिमियूं कियाऊं।
पिनियूं मुदआऊं। खंड खेड़ाऊ आया।

बैत - 19

खूहा था डि॒स्जनि। वड़िकनि उभियों वांउटियूं।
सांबाही समुंड जी। कालहूं पोए था कनि।
तूं न पुजं॒दींअ तनि। जु सिड़िहु डे॒ई सीर थिआ।

बैत - 20

वांउटियूं थियूं वड़िकनि। अञा सिड़ह न पधिरा।
सेई थियूं मरिकनि। जनी संदा आया।

बैत - 21

खूहनि सिरि वांउटियूं। वांउटियनि सिरि घंड।
खेड़े खेड़े खंड माअ सामूंडी आया।

बैत - 1

जे विआ पिहिरियें पूरि। आहियां घोरी उनि जी।
मासूंडियको सूरु। माअ मारींदुमि कडि॒हीं।

बैत - 2

सामूंडीअ जे सूर। कीमि जीउ जडा॒रिऊं।
पूनि डि॒हाड़ी पूर विरिह जा वजूद में।

बैत - 3

आयलि सामूंडियनि जे। आऊं सूरनि सिझाई।
जेडि॒यूं जुदाई। सहां न सुपेरयनि जे।

बैत - 4

डि॒ठी डि॒यारी। सामूंडियनि सिड़ह संबाहिआ।
उनि खे मुंद उतर जी। ओचिती आई।
वणिजारनि वाई। आहे परियें पार जी।

बैत - 5

ॾिठी ॾीअरी। सामूंडीनि सिड़ह सनबाहिअआ।
विजिहयो वरु वंजहा खे। रौअई वणिजारी।
मारींदइ मारे। पिरिह सूर पिरीं जा॥

बैत - 6

डि॒ठी डि॒यारी। सज॒ण सफ़रि हलिआ।
पायो पांदु गि॒ची में। ज़ोरि करे ज़ारी।
कानु हणी कारी। विओ वणिजारो ओहरी।

बैत - 7

थिआ डि॒यारीअ डीं॒हं। सामूंडियनि संबति पन्ध जे।
मूं सिरि उठा जेडि॒यूं। संदा महबत मींहं।
कियसि निमाणी नींहं। खारे खेड़ाउनि जे।

बैत - 8

थी डि॒यारीअ डे॒ठि। ढोलो हलण जूं करे।
मखिओ पंहिंजी मकुड़ी। चेठे चङीअ चेठि।
रुआं रहनि न सुपिरीं। जां के जहिल्यां बेठि।
मूं सें करे मेठि। विओ वणिजारो ओहरी।

बैत - 9

वणिजारे वाई। सदा आहे सफ़र जी।
अयलि उहाई। मूंखे मारे गा॒लहड़ी।

बैत - 10

सामूंडियनि सइयो। सदाईं सफ़र जो।
को डे॒हु चितायो। ऊनिहे वञनि ओहरी।

बैत - 11

अञा असारी। मथे तड़ गुज़ारियें।
तो कीअं विसारी। संगति सामूंडियनि जे।

बैत - 12

परडे॒हि पूरियाऊं। सामूंडियनि सिड़ह संबाहिया।
मां तनु मारियाऊं। पाणां विझी गूंदरें।

बैत - 13

सामूंडियनि सिड़ह संबाहिआ। उतर वरियुनि वाउ।
बा॒रहें माहि न मोटिआ। समुंड आयुनि साउ।
जेकुसि लका खांअ। ओडा॒हीं आसोदा थिआ।

बैत - 14

सामूंडियनि सिड़ह संबाहिआ। उतर वाउ वरियोनि।
बा॒रहें माहि न मोटिआ। समुंड काजु॒ सरिओनि।
ब॒रि ब॒रि सूरु संदोनि। अजु॒ कंहिं सें ओरियां।

बैत - 15

सामूंडियनि सिड़ह संबाहिआ। वरियुनि वाउ उतर।
बा॒रहें माहि मोटिआ। विआ परेकीअ पर।
सुञा सामूंडियनि रे। बाज़ारियूं बंदर।
खणियो सूर समर। अजु॒ कंहिं सें ओरियां।

बैत - 16

सफ़रु सुखेरोनि। हूनि सलामत सुपिरीं।
चड़हिआ जो चिति करे। पुनू सुकाजो॒नि।
तिआं म भागो॒नि। जिआं मूं डे॒ई हलिआ।

बैत - 17

विओ कांगु कही। वाधायूं विसाल जूं।
इझे सज॒ण आया। डा॒ढे ठाहि ठही।
विपति सभि वई। सेण सलामत आया।

बैत - 18

माअ विलाइती आया। तड़ें तंवारीनि।
वायूं वणिजारनि जूं। जीअ खे जियारीनि।
खिलियो खीकारीनि। जनी सेण सलामत आया।

बैत - 19

भोरीअ जा भिरे। सेण सलामत आया।
तनी खे फिरी। खिली तंहिं खीकारियो।

बैत - 20

जनि लाइ झिज॒नि नेण। तनि परडे॒हि पूरियो।
आयलि सामूंडियनि रे। खारा थियमि खेण।
विर्द थिअड़म वेण। आयलि सामूंडियनि जा।

बैत - 21

जनि लाइ नेण झिज॒नि। तनि परडे॒हि पूरियो।
आयलि सारिओ उनि खे। ओछंगारूं अचनि।
खारे खेड़ाउनि। वाहिद वारे आणियें।

वाई

पिरियनि जे पन्धां। मूंखे जे झलींदियूं से न पुजं॒दियूं।
भली करे आयो। ठाठारो डे॒हां।
भगे॒ कुटि सजी॒ थिए। लथी जाख ग॒रा।
सरतियुनि सूर पिराया। हाणी हिन हंधां।
मतियूं मोटण संदियूं। तूं हडि॒ आछि म माउ।
तां की डूं॒गरु डो॒रियां। जां कुड़िहि अंदरि साहु।
तां की वासु विहाइयां। बा॒रोची मला।

वाई

तड़ निहारिआं ते मुंहिंजा बंदरि विअड़ा जे।
मां न सिड़ह सुञाणां सज॒णें।
घणू उकंडी आहियां। पिरींअ पंहिंजे खे।
खथूरी समुंड खे। अखा डि॒यां आणे।
उभे ओसह पायां। कारणि वणिजारे।
आसाइती आहियां। अल्लाह कांधु अचे।

वाई

करहल पाए लजु॒। कोहु न वेईअं उनि सें।
उजारियाऊं ओलियूं। धुआरियाऊं धजु॒।
मतां विहें वेसली। उथी भूरलि भजु॒।
सैणनि साझुरु लडि॒ओ। तूं आई निहारिएं अजु॒।
कालह सिबायुई कंजिरो। अंगें पातुई अजु॒।
पिरियां जी हुन पार डे॒। वञी दोनकी धजु॒।
केरु सुणंदो तुंहिंजूं। अदोरांहूं अजु॒।

वाई

सिड़ह सुञाणियो चोइ। माअ सामूंडी आया।
बरिकत मुहम्मदसलम मीर जे। अङण सुरहो थियो।
सिकंदे मूं साल थिआ। वणिजारो आयो।
माणुहू डी॒नि मुबारकूं। इहो पणि डीं॒हुं थिओ।
उनि जो अब्दुल्लतीफ़ चए। सफ़रु साबि पिओ।

वाई

आयलि करियां कीअं, मुहिंजो नींहुं अपलिओ ना रहे
वयो वणिजारो ओहरे , मूं खे चाड़े चीअं
मुहिंजो नींहुं अपलिओ ना रहे
सामूंडियनि जे सङ खे, रुआं रातो ॾींहुं
मुहिंजो नींहुं अपलिओ ना रहे
उॾोहीअ जीअं ॾुखड़ा, चड़िया चोटीअ सीअं
मुहिंजो नींहुं अपलिओ ना रहे
गूंदर मथां ॼिन्दड़ी वरीया वलियुनि जीअं
मुहिंजो नींहुं अपलिओ ना रहे
मादरि पाए मुन्डियूं, वञां हादीअ सीअं
मुहिंजो नींहुं अपलिओ ना रहे

वाई

पग॒ह पाइ पंहिंजे मकुड़े। मतां छूहे छिनाए।
सांदारो समुंड जो। अड़ांगो आहे।
तो पांहिंजा न किआ। वारे वराए।
हूंद न पेइयंअ हेतिरे। भोरी रंजाए।
मखि पंहिंजी मकुड़ी। चङे चटाए।

वाई

अईं मूंखे ज़ोरि म झलियो वो जेड॒यूं वो।
आऊं हलंदी होत डे॒ हाए हाए।
सूरु तुंहिंजो सुपिरीं। माज़ूरि खे मारे।
हाणि न जियां जेडि॒यूं। आऊं जा कुठड़े कोहियारे।
ऊनिहे विअड़ा ओहरी। तराज़ूं तारे।
मरी रहंदियस माग॒हीं। सामूंडी सारे।

वाई

वेंदी आऊं पिरियनि वटि। मूं वहु वणिजारनि सें।
वायूं वणिजारनि जूं। अदियूं अजु॒ न हटि।
डे॒ई सिड़िहु सीर थिआ। पेरु न लायाऊं पटि।
पग॒हु खणु म पातिणी। जानी मूं वटि जटि।
ग॒रहियां सूरु सफ़र जो। हली पंहिंजे हटि।
पीरूंदियसि पिरींअ डे॒। कान कंदियस घटि।

वाई

अईं अची पसो जेडि॒यूं। ही जो हालु मुंहिंजे जिन्दड़ी।
पाए विअड़ा पेर में। मंझां खरस खसो।
आऊं डो॒रींदी उनि खे। डे॒ई तन तसो।
डे॒ई विअड़ा डा॒ह खे। सूरनि जो सरसो।
मतां विहो वेसलियूं। रिड़िहो तां रसो।
साउ न आयांव सूर जो। हाणे थियूं हसो।
मुंदाइते मींहं जीअं। वेरोतार वसो।

वाई

विआ अथमि होत हणी। आऊं तिंहिं जड़ जडी॒ की।
सामूंडीअ जे संग जे। हिंयें हुब घणी।
सिड़िहु डे॒ई सीर थिआ। छिनी तंदु तणी।
लाईंदियसि लिङनि खे। संदी पिरींअ पणी।
विधाऊं उतर आसरे। खूहा कालह खणी।
अल्लाह भञु म उनि जे। ओले जी अणी।
वखरु चाड़िहियो बे॒ड़ियें। वणिजारनि वणी।
उनि सें अब्दुल्लतीफ़ चए। मेड़ींदुमि धणी।

वाई

वणिजारो आयो। माअ मुरादूं पुनियूं।
मुअलिमु करे मूड़हनि जो। हादीअ हलायो।
सामूंडियनि सफ़र जो। सदाईं सइयो।
ओनिहे वञनि ओहरी। को डे॒हु चितायो।
उनि अब्दुल्लतीफ़ु चए। थियो सफ़रु सजायो।

सुर सुहिणे

दास्तान पहिरियों

बैत - 1

वहु तिख। वाहुड़ तिख। जिति नींहं तिख निराली
जिनि खे इश्क़ु अमीक़ु जो। ख़िल्वत ख़ियाली।
वारियें से। वाली हिंअड़ो जनीं हथि कियो॥

बैत - 2

अंधीअ वछूं कंधीअ वछूं। तंगिआं लहे न तिख।
सूरत जा साहड़ जी। डी॒ल मुंहिंजे डि॒ख।
वाहुड़ु तनी विख। जनि सांभारां सुपिरीं।

बैत - 3

वाहुड़ वहनि नवाह। अञा। वहु अगे॒ थिओ।
घरि वेठियूं घणा करियो। सरतियूं संङ संवां।
सूरत जा साहड़ जी। सा जे डि॒ठी आं।
हूंद न पलिओ मां। घिड़ो सभि घड़ा खणी।

बैत - 4

जेडि॒यूं डि॒ठियां जे। सूरत साहड़ जा॒म जी।
सुखि थी सुतियूं कीन की। कांधनि पासे का।
मूंहां ई अगे॒। घिड़ो सभि घड़ा खणी।

बैत - 5

सूरत साहड़ जी। अईं जे डि॒सो सभेई।
सुमहो कीन सुखि थी। वर पासो डे॒ई।
मूंहां अगे॒ई घिड़ो सभि घड़ा खणी।

बैत - 6

सूरत साहड़ जा॒म जी। डि॒ठी जनि हेकार।
सुतियूं कीन सुखि थी। भिरी साणु भतार।
घिड़ियूं घड़निआं धार। काहे पेयूं कुन में।

बैत - 7

जेकी डि॒ठो मां। सो जे डि॒ठो जेडि॒एं।
घर वरने सां। हूंद घणिनि घोरे छडि॒आ।

बैत - 8

घड़नि वारियूं तड़नि ते। घिड़नि घणेई।
सभका चए सूहणी। लए पर्यां पेई।
सुबाह सभेई। पसिबियूं पातार में।

बैत - 9

कंधीअ भियूं केतरियूं। थियूं साहड़ु साहड़ु कनि।
कनी सांगो साह जो। के घोरियसि किओ घिड़नि।
साहड़ु संदो तनि। घाघाए घिड़नि जे।

बैत - 10

सहिसें उभियूं सूहणियूं। साहड़ु साहड़ु कनि।
कनी पाणु परे किओ। के “घोरियसि” किओ घिड़नि।
साहड़ु मिल्यो तनि। जनी सांगु न साह जो।

बैत - 11

कंधीअ भरि किला। दूनहां दोस्त मेहार जा।
लहिरिनि में लतीफ़ चए। दहिलिजि कीम दिला।
मतां का गिला साहड़ु समुन जी करे।

बैत - 12

संदा संघारनि जे। कंधी कन डि॒नामि।
आसांगे अरिवाह जे। उभे तड़ तकियामि।
वडी॒ वेर लगि॒यामि। घिड़ां घोरिओ जिन्दड़ो।

बैत - 13

घिड़ी घड़ो हथि करे। ब॒हूं निहारे बं॒गु।
सिरु दरि क़दम यार फ़िदा शुदि चि बजा शुदि। वसुल इहोई वंगु।
राति जनी जो रंगु। अल्लाह से उकारिएं।

बैत - 14

घिड़ी घड़ो हथि करे। ब॒हूं निहारे बं॒गु।
व अमा मन ख़ाफ़ मक़ाम रबिह। ईउ लंघियाईं लंघु।
सिकंदियनि खे सयदु चए। कीन झलींदो झंगु।
राति जनी जो रंगु। अल्लाह से उकारिएं।

बैत - 15

घिड़ी घड़ो हथि करे। चेलिहि ब॒धी चोतो।
मुंहिंजो मनु मेहार खे। पारि वञी पहतो।
घोते में घोतो। अचे को म अजा॒णि खे।

बैत - 16

घिड़ी घड़ो हथि करे। बो॒ड़ियाईं बा॒हूं।
वेचारीअ वडि॒यूं कियूं। विचि दरियाह दांहूं।
मोटु मुहिब पाहूं। ताकुनि तकी आहियां।

बैत - 17

घिड़ी घड़ो हथि करे। सांगो छडे॒ साह।
वेचारीअ वडि॒यूं कियूं। दांहूं मंझि दरियाह।
ब॒र बां॒हुनि छडि॒ओ। वेयसि चुकी वाह।
मदद रिअ मेहार जे। ग़रज़ सभि गुनाह।
नूरी करि निगाह। साहड़ लंघियां सीर खे।

बैत - 18

घिड़ी घड़ो हथि करे। इलाही तुहार।
जं॒घ ज॒रके वात में। सिसी खे सेसार।
चूड़ा बी॒ड़ा चिक में। लुड़ में लुड़िहियसि वार।
लखें चुहिटियसि लूहणियूं। थेलिहियूं थनिऊं धार।
मिड़िआ मछ हज़ार। भाङा थींदी सूहणी।

बैत - 19

वणनि वेठा कांग। विचीं थी वेला करे।
घिड़ी घड़ो हथि करे। सुणी सान्झीअ ॿांग।
सीई ढूंढे सांग। जिते साहड़ु सुपिरीं॥

बैत - 20

मिनहि जिंहि जे मूं। डि॒ठो मुंहुं मेहार जो।
आहे साह संऊं। सो कीअं घड़ो घोरियां।

बैत - 21

घड़ो भगो॒ त घोरिओ। मरु चूरु थिए चूड़ो।
तालिबुल्मोला मुज़किरु। ईउ बु॒डं॒दनि बू॒ड़ो।
घोरिओ ड॒मु कूड़ो। मूं मेहारु ई मन में।

बैत - 22

घड़ो भगो॒ त घोरिओ। मरु। बी॒ड़ थिए बां॒हीं।
तालिबुल्मोला मुज़किरु। ईअ परि असांहीं।
पुआं म पांहीं। मूं मेहारु ई मन में।

बैत - 23

घड़ो भगो॒ त घोरिओ। पाणां होइ हिजाबु।
वाज॒टु वजी॒ विजूद में। रहियो रूह रबाबु।
साहड़ रीअ सवाबु। आऊं घणो ई घोरियां।

बैत - 24

घड़ो भगो॒ त घोरिओ। तां की तरु हिंयां।
अदबु अखड़ियुनि खे। डि॒हाड़ी डि॒यां।
मूंखे मेहार मियां। संऊं सूंहायो पेचिरो।

बैत - 25

घड़ो भगो॒ त घोरिओ। आसर म लाहेजि।
ला तक़नतू मिनर रह्मतिल्लाही। तुरहे इन तरेजि।
हबीबाणे हेजि। पसें मुंहुं मेहार जो।

बैत - 26

घड़ो भगो॒ त घोरिओ। भजे॒ तां म घड़े।
ऊनुहूं कुनु तारि वहे। दरियाह पोइ म दड़ी।
चिकणि मां चड़िही। मिलां मुहिब मेहार खे।

बैत - 27

घड़ो भगो॒ त घोरिओ। वेंदियसि तां न वरी।
पीउ पसंदियसि पांहिंजो। तांघो तारि तरी।
मेहार मरी। पलकु पासे न थिआं।

बैत - 28

घड़ो भगो॒ त घोरिओ। तुरहे नाहे ताति।
अची पेई कुन में। जिते डीं॒हुं न राति।
आशिक़ाणी ज़ाति। मुई मलहाए सूहणी।

बैत - 29

घड़ो भगो॒ मुंध मुई। विआ वसीला।
सार छडि॒याईं सीर में। हे विआ हीला।
सुहिणीअ जा सीला। वहदत सभि विञाया।

बैत - 30

घड़ो मुंध मुई। वसीला विआ।
तिहां पोइ सुआ सुहिणीअ सड॒ मेहार जा।

बैत - 31

जडि॒हीं वसीलनि। लोड़िहे छडी॒ लुड़ में।
पारारां पिरियनि। तडि॒हीं पुछी सूहणी।

बैत - 32

पाणु में खणिजि पाण सें। रअ वसीले वधु।
लालणु तनी लधु। इश्क़ु जनी जे अग॒ में।

बैत - 33

पाणु म खणिजि पाण सें। रिअ वसीले वांउ।
मथां साइर सूहणी। पिरिति वठ्जे पांउ।
नींहं गि॒नहंदी नांउ। वांउ पिरियां जे पार डे॒।

बैत - 34

पाणु म खणिजि पाण सें। रिअ वसीले वञु।
भेलो भेरे भञु। अकंड खणु अमीक़ में।

बैत - 35

पाणु म खणिजि पाण सें। वसीला विञाइ।
इश्क़ साणु उठाइ। पेरु पिरियां जे पार डे॒।

बैत - 36

पाणु म खणिजि पाण सें। वसीला विसारि।
लुड़ु लंघाए सूहणी। पिरिति विझंदियई पारि।
तुर्तु लंघिंदयूं तारि उकंड आग॒हु जनि जो।

बैत - 37

आग॒ह इश्क़ वारियें। जडि॒हीं खंया जनि।
तडि॒हीं रसिआ तनि। मीहणा मुहिब मेहार जा।

बैत - 38

कोनिहे आग॒हु इहड़ो। जिहड़े महबत मनि।
उभियूं ओरियें पार डे॒। कोड़यूं कख पुछनि।
नदी तनि नेड़ु थिए। जे रिअ तुरहे तरनि।
सिक रसाणे सूहणी। असलि आशिक़नि।
से झलियूं कीन कुननि। पुछनि जे मेहार खे।

बैत - 39

पुछनि जे मेहार खे। पुछे से मेहारु।
फ़ज़्कुरूनी अज़्कुर्कुम। ई परूड़िजि पारु।
तिरहो तनी बारु। इश्क़ु जनी खे आकिरो।

बैत - 40

इश्क़ु जनी खे आकिरो। तुरहो मथे तनि।
जे साहड़ खे सिकनि। तनी जरु जंडु थिए।

बैत - 41

तुरहो आछि म तिंहिं खे। जिंहिं इश्क़ सें आगाह।
पुछे मस मलाह साइरु मणे सूहणी।

बैत - 42

सुपेरियां जे तुरहे। बु॒डें॒ हथु म लाइ।
सुबाह तां चूंदाइ। त असां तो उकारिओ।

बैत - 43

सुपेरियां जे तुरहे। बु॒डें॒ तोइ म लगु॒।
जां को जीएं डीं॒हड़ो। पूरि उबते वगु॒।
पाइ तेडा॒हीं पगु॒। नांहि जेडा॒हीं निझिरो।

बैत - 44

बु॒डीं॒ तां बु॒ड॒। सुके जीअ सांबाह में।
कख कांडेरा काठियूं। मेड़े ब॒धु म मडु॒।
नको साहड़ सडु॒। नका सुजे॒ सूहणी।

बैत - 45

सो साहड़ु सा सूहणी। साइरु पणि सोई।
आहे निजो ई। गु॒झु गु॒झांदरि गा॒लहड़ी।

दास्तान ॿिओ

बैत - 1

कर ग॒लु कूचु कुन घणा। जिति जर वागू॒ जिहाईं।
पाणु उछले आब में। वह सिरि विधाईं।
लहरियूं लंघियाईं। लुतिफ़ साणु। लतीफ़ु चए।

बैत - 2

कर ग॒लु कूचु कुन घणा। जिति धड़को मंजिह दरयाह।
अचियो उताहीं। घिड़े। सांगो करे न साह।
साहड़ जी सलाह। बा॒रि लंघाए बा॒झ सें।

बैत - 3

दह्शत दाम दरियाह में। जिति हेबतु हुलाचो।
विरिजी॒ वीरिनि विच में। काडे॒ विओ कचो।
साहड़ु जा॒मु सचो। साणी थींदुम सीर में।

बैत - 4

दह्शत दाम दरियाह में। जिति सटाणा सेसार।
बेहदि वागू॒ बहर में। हेबत नांग हज़ार।
सारियां कान सरीर में। ताक़त तोहियां धार।
साहड़ जा॒म सतार। ऊनिहे मां उकारियें।

बैत - 5

दह्शत दाम दरियाह में। हुन भरि हूइ हकल।
घड़ो घड़ियां अगि॒रो। विझे वीरि ब॒हल।
हिन तड़ि तारू कीतरा। कंबाया करिग॒ल।
तारि लंघायो तवकल। लुतिफ़ साणु लतीफ़ चए।

बैत - 6

दह्शत दाम दरियाह में। हुन भर हूइ हुगा॒उ।
लटे वेयूं लहरियूं। मोजूं मूं मथा।
साहड़ जा॒म सवाइ। कोनिहे तुरहो तारि में।

बैत - 7

दह्शत दाम दरियाह में। जिति कड़का कुन करीनि।
बि॒छल बां॒धी बा॒रियूं। जिति लहिर्यूं लोडा॒ डी॒नि।
शनावर सामिहा। सीणाहिया न संडेनि।
वीरियूं वाट न डी॒नि। साहड़ सीर लंघाइयें।

बैत - 8

दह्शत दाम दरियाह में। जिति कुन कड़का कनि।
सवें सीणाहिया सीर में। लुड़हंदा लख वञनि।
कंधी न कपिरो। न के सड॒ सुज॒नि।
तोडी॒ उतई तरे। जिति वसीला वञनि।
उते अतारुनि। साहड़ सीर लंघाइ तूं।

बैत - 9

दह्शत दाम दरियाह में। जिति कड़का कुनु करे।
तोडी॒ ताकुनि विच में। वीरिनि मंझि वरे।
आउ साहड़ मुंहिंजा सुपिरीं। पिरतां पेर भरे।
हादी हथ धरे ऊनिहे मां उकारियें।

बैत - 10

दह्शत दाम दरियाह में। जिति कुननि जा कड़का।
सहे कीन समुंड जा। मांदी दिलि धड़का।
साहड़ सुणिजि का। फ़रियादी फ़क़ीरि जी।

बैत - 11

दह्शत दाम दरियाह में। जिति कुननि जो कड़को।
आयुमि उनहीअ पार जो। दिलि अंदरि धड़को।
भञी शक सयदु चए। सीर संदो सड़को।
कोनिहे काणियारियुनि जो। तारि बिनां तड़ुको।
वाली किजि वड़ुको। त बा॒रि लंघियां बा॒झ सें।

बैत - 12

दह्शत दाम दरियाह में। जिति लुड़ु लह्रियूं लस लेट।
आणियो ओभारनि में। बां॒धी बो॒ड़े बे॒ट।
जिति चिकण जी चपेट। उति सयद सीर लंघाइ तूं।

बैत - 13

दह्शत दाम दरियाह मे जिति तिखियूं तंवारूं।
मुंहिंजूं मां न मेहार खे। पहचनि पुकारूं।
लहु साहड़ संभारूं। लहिरिनि लोडी॒ न मरां।

बैत - 14

दह्शत दाम दरियाह में। जिति लहिर्यूं कनि लोड़ा।
सवें अचिओ सीर में। थियनि सीणाहियल सोड़िहा।
जे तारू हुआ तोड़ा। तनि हुरभु भांयो हेकिड़ो।

बैत - 15

दह्शत दाम दरियाह में। जिति जायूं जानारनि।
न को संधो सीर जो। मपु न मलाहनि।
दरंदा दरियाह में। वाका किओ वरनि।
वडा॒ बे॒ड़ा बा॒रि में। हलिआ हेठि वञन।
पुरिज़ो पेदा न थिए। को तख़्तो मंझां तनि।
को जो क़हिरु कुन में। विआ से न वरनि।
उते अतारुनि। अची साहड़ सीर लंघाइयें।

बैत - 16

दह्शत दाम दरियाह में। जिति भीड़ि उबतीअ भति।
आणिओ उछले आब में। रइ रुआड़े रतु।
ड॒मु डि॒हाड़ी केतिरो। करे ख़ूबु खपति।
साहड़ करे सुपति। ऊनिहे मां उकारिएं।

बैत - 17

ऊनिहे मां उकारियें। हादी डे॒ई हथ।
डे॒ दिलासो दोस मूं। कामिल थीएमि क़ुवत।
संदी साहड़ सथ हली पसां हुज़ूर में।

दास्तान टिओ

बैत - 1

तड़ि तकड़ि तारि घड़णु। ईउ काणियारिनि कमु।
ड॒ह ड॒ह भेरा डीं॒हं में। डे॒ डो॒रापो ड॒मु।
अक़ुलु। मति। शरमु। टेई नींहं निहोड़िआ।

बैत - 2

घेड़ां करे न घूर। तड़ु तकड़ि खां न लहे।
जंहिंखे सिक साहड़ जी। पूरनि मथे पूर।
कारीअ राति कुननि में। वहमनि की वहलूर।
जंहिंखे साणु पिरियां जा सूर। तंहिं खे नदी नाहि निगाह में।

बैत - 3

जिआं घिड़े तिआंनि घेड़ु। कपरो पुछनि कूड़ियूं।
ड॒म सें जुसो ज़ाहिरा। मन मेहार सें मेड़ु।
सा नदी भांए नेड़ु। जिंहिंखे सिक साहड़ जी।

बैत - 4

जिआं वहे तिआं वाट। कपरो पुछनि कूड़ियूं।
जनि खे सिक साहड़ जी। से घेड़ न पुछनि घाट।
जनि खे इश्क़ जी उसाट। से वाहुड़ु भाईनि विखड़ी।

बैत - 5

किंहिं जिंहिं घेड़ि घिड़ी। जिअं अवतड़ां तड़ु थियोसि।
उहिसु अखड़ियनि में। पिरियां जो पयोस।
सालिमु वेई सूहणी। कुननि कीन किओसि।
हक़ां हक़ु थियोस। हुई तालिबि हक़ जी।

बैत - 6

हुई तालिबि हक़ जी। तोडी॒ लाकूं तोड़।
न मलाहु न मकुड़ी। नकी ब॒धी नोड़।
पाणी पिनीअ बो॒ड़। सुहिणीअ लेखे सीर जो।

बैत - 7

सुहिणीअ लेखे सीर जो। पाणी पिनीअ हेठि।
ब॒धिओ बिरिह बेठि वञे कपींदी कुननि खे।

बैत - 8

वञी कुन कपींदी। सुहिणी मंझां सिक।
हडि॒ न भगि॒यसि हिक। महबतीअ मेहार जी।

बैत - 9

तोडी॒ तोड़ाईं। नींहं नवाज़ी सोहणी।
गि॒चीअ हारु हबीब जो। लाइक़ु लधाईं।
सो तड़ु सूठाईं। जेडा॒हं आलम आसरो।

बैत - 10

तोडी॒ तुहाईं जे। से हितहीं छडि॒ हिरिस।
साहड़ धारां सूहणी। खोटियूं कनि खिरस।
वडी॒ ईअ विरिस। जिअन ड॒म वटि डीं॒हं गुज़ारियें।

बैत - 11

तोडी॒अ खे ताज़ीम। बि॒यनि सभनिआं अगि॒री।
ओडी॒ थी अलिफ़ खे। मनु गड॒याएं सें मीम।
जेलां ज़ाति हलीम। मिली ते मेहार खे।

बैत - 12

तालिबि करि तोडी॒। जे तूं तालिबु तोडी॒अ जो।
आशिक़नि ओडी॒। माशूक़नि जे मन में।

बैत - 13

सारे सिखु सबक़ु। शरीअत संदो सूहणी।
तरीक़तां तिखो वहे। हक़ीक़त जो हक़ु।
मारिफ़त मरकु। असलि आशिक़नि जी।

बैत - 14

सबरु शाकिरनि। आहे ओताक़ुनि में।
जे वसलु थिआ विसाल सें। से ज़रो ज़ाहिरु न कनि।
वेयत वाहड़ तरनि। हींअड़ा जनि हजी॒ विआ।

बैत - 15

पलि पलि थी पली। ड॒म डि॒हाड़ी केतिरो।
पसी दोरु दरियाह जो। विचां कीन वली।
कारी राति क़रीब डे॒। मंझां हुब हली।
न किंहिं झोल झली। समुन पूरी सूहणी।

बैत - 16

झोल न झली सूहणी। साइरु सट संदियासि।
जंहिं इहड़ी जा॒ई आजिज़। सा मरु मरके मासि।
पसें जे पियासि। त की इश्क़ु आणिये।

बैत - 17

नका झोल झलेसि। न तांघो न तारि की।
ड॒मु डि॒हाड़ी केतिरो। परि में थो पलेस।
तां तां जीउ जलेसि। मिले जां न मेहार खे।

बैत - 18

सिह सियारो पाणी पारो। जिति झुड़ु झग॒हु एं झोल।
मन अंदरि मेहार जा। हींअड़े अचनि होलि।
जेलां ब॒धियसि बो॒ल। ते अड़ांगा आर तरां।

बैत - 19

सियारे सिह राति में। जा घिड़े वसंदे मींहं।
हलो त पुछूं सूहणी। जा कर जा॒णे नींहं।
जंहिं खे रातो डीं॒हं। मेहारु ई मन में।

बैत - 20

सावणि घिड़े सभका। हीअ सरही सियारे।
तनु वधाईं तारि में। अरिवाह जे आरे।
महबती मारे। कोनिहे दादु दरियाह में।

बैत - 21

बि॒यूं सभ घिड़नि डीं॒हं। हीअ रोए एं रातियां घिड़े।
वहि पयो वाहुड़ तरे। की निमाणी नींहं।
मेड़ाए जा मींहं। वेचारीअ वसाया।

बैत - 22

बि॒यूं घिड़नि डीं॒हं। हिन भिनीअ ओडा॒हीं भरु।
मुंद कन उडको न करे। जे केराए कपरु।
जसनु भांए जरु। वींदे मुंध मेहार डे॒।

बैत - 23

वींदे मुंध मेहार डे॒। करे कान निहार।
हिन खे चिणिकनि था चित में। साहड़ जा सींगार।
सा कीअं हुनआं धार। घरि घारींदी सूहणी।

बैत - 24

घरें जे घारीनि। से कमीणियूं कूड़ियूं।
विञाए वरी आयूं। महबत जूं मूड़ियूं।
जे संझे संभूड़ियूं। साहड़ु तनी सड॒ करे।

बैत - 25

साहड़ु सड॒ करे। परींअ भरि पिरीति मां।
न घिड़ां मोटी वञां। तां की साह सरे।
मरु जां पति परे। घिड़ां घोर्यो जिन्दड़ो।

बैत - 26

घिड़े एं घोरे। मथां पिरियनि जिन्दड़ो।
महबत जे मेदान में। तिल तसू तोरे।
ड॒म विधी डो॒रे। नां त कुननि में केर घिड़े।

बैत - 27

वाहुड़ भरियूं म पाइ। तो पणि लेखो डि॒यणू।
सदा सावण डीं॒हरा। हडि॒हीं न हूंदाइ।
विहाणीअ वेंदाइ। ओभर उताहां लही।

बैत - 28

वाहुड़ वहें म शाल। फिटी बे॒लाटियूं थियें।
पसां तुंहिंजे पेट में। लाणा लूत लियार।
जिअं तो सभ ज॒मार। आसाइतियूं बो॒ड़ियूं।

बैत - 29

बां॒धी जे बे॒ली थियें। त हालु ग॒रहियां हीउ।
सघो साअत न जिन्दड़ो। जर रे मुहिंजो जीउ।
सांवणु सियारो भांयां। वहि पिर्यां जे वीउ।
पारि जनी जो पीउ। वञणु वाजिबु तनि ते।

बैत - 30

अदा ए बां॒धी। तोखे कड़हां कि पाण खे।
सूधी ख़बर सज॒णें। तो का तड़ि आंदी।
तूं पातारि पांधी। असां पन्ध पिरियनि डे॒।

बैत - 31

भलो भलो बां॒ड। लुड़िहें लहिरिनि विच में।
किथे तुंहिंजूं पाड़ूं। किथे तुंहिंजा पांद।
कंहिं सटाणे सांग आणे विधुइ आर में।

बैत - 32

सुके हुअड़ा गडु॒। बां॒ड मिड़ेई बे॒ट में।
जडि॒हीं सावण थियुनि सडु॒। लुड़िही लहिवारा थिआ।

बैत - 33

कड़ि कड़ि कुन म वजु॒। बां॒धी बो॒ड़ि म बा॒रि जा।
मूं ते जा मेहार जे। कीअं धुअंदियसि धजु॒।
तोइ घिड़ंदियसि अजु॒। जे उबता आर करियें।

बैत - 34

धधिका दौर दरियाह में। जडि॒हीं कड़का कुन कियाइ।
सावण में सयदु चए। वडा॒ मुलिक मणियाइ।
हाणे हेठाहींअ वहें। जमीअत कर्यो जाइ।
हू बि डीं॒हं डि॒ठाइ। ही बि साइर संबिरें।

बैत - 35

हू पणि डीं॒हं डि॒ठाइ। ही पणि साइर संबिरें।
अग॒ थी बो॒ड़ियई ब॒ कंधियूं। हानि जमीअत वहें जाइ।
अचियो तड़ि ढुकाइ। भतो भतें मकुड़ा।

बैत - 36

हू पणि ड॒ठई डीं॒हं। ही पणि साइर संबिरें।
तड़ घिडंदे ईअ। भतो भतें मकुड़ा।

बैत - 37

घिड़णु वहीणू मूं। मिलणु हथि मेहार जे।
साइर सिकंदियनि जो। तरिसु परूड़िजि तूं।
जे हलनि होतनि डूं॒हुं। तनि खे मछिनि वात वरि पिआ।

दास्तान चोथों

बैत - 1

अदियूं सभि अंदाम। मुंहिंजा चड़नि चोरिआ।
लारुनि जा लंउ लाई। सा कीअं आछियां आम।
लगि॒यसि जंहिं जे लाम। सो दिलासा दोसु मुजे।

बैत - 2

चौधारी चड़ा। बु॒रनि बे॒लायनि जा।
सुते संभारनि जो। पिअड़ुमि कनि पड़ाउ।
विहणु मूं न वड़ाउ। सुणिओ जहांइ झिजे॒ हिंयूं।

बैत - 3

चौधारी चड़ियूं। बु॒रनि बे॒लायनि जूं।
महबतीअ मेहार जूं। जीअ अंदरि जड़ियूं।
जे वछार वणियूं। से लह्रिन पाण लंघाए।

बैत - 4

चड़नि चरी की आहियां। सुखि थी सुमहां कीअं।
सारियां साहड़ जा॒म खे। ड॒ह ड॒ह भेरा डीं॒हीं।
मेहार मरण सींअ। नियर पातमि नींहं जा।

बैत - 5

कारा कुन कारी तुगे॒। कारीहर कड़का।
मए मते महराण जा। दुपारा दड़का।
वेंदे साहड़ सामहूं। डि॒नसि झोल झड़का।
अची पई उतहीं। जिति सीर संदा सड़का।
खरकनि जा खड़का। सूंहां थिअड़सि सीर में।

बैत - 6

खर कनि किओ खड़ो। मुंहिंजो मनु मेहार डे॒।
आडो॒ लुड़ु लतीफ़ चए। लह्रयूं लस लड़ो।
चारी थियुमि चड़ो। बु॒री बे॒लायनि जो।

बैत - 7

खरकनि खिजायासि। महबतीअ मेहार जे।
छड़िकनि जे छेज॒ किआ। तनि वारे वहि वधियासि।
लालण लाइ लतीफ़ चए। अची आबि घिड़ियासि।
सरतियूं किंहिं सभाग॒ खे। सिकणु आऊं सिखियासि।
वसां ते वेयासि। मिलियसि जे न मेहार खे।

बैत - 8

खरकनि ख़ूशि किआसि। बे॒ले पारि बु॒रनि जे।
पसण कारण पिरींअ जे। आधीअ ते उथियासि।
सुती जागा॒यासि। सांभर सुपेरियनि जे।

बैत - 9

जियारियसि संभार। कोहु करींदमि गड॒जी।
वेरो तारि विजूद में। पिरियनि जी पचार।
सज॒ण हूनि न धार। हींअड़ी में हलु थिआ।

बैत - 10

बे॒ले पारि बु॒री। मूंखे चड़नि चोरिओ।
महबतीअ मेहार जी। सुते शाख़ चुरी।
मथे झोक झुरी। पूंदियसि पाड़ेचनि जे।

बैत - 11

हुन भरि सुयमि हूइ। सुते संभारनि जे।
चड़नि चितु चोरिओ। जोंकु थिअड़ुमि जूइ।
महबत एं मजाज़ जी। बिल्लाह पेयमि बूइ।
वञी रूबरूइ। देखियां दोस्त मेहार खे।

बैत - 12

हुन भरि सुयमि हाक। सुते संभारनि जी।
महबतीअ मेहार जे। चड़नि चोरिआ चाक।
तनी जीअ ओताक़। वञणु वाजिबु मूं पिओ।

बैत - 13

वछुनि सें वेठी। सूर वियाछे सूहणी।
क अवहां खे डे॒ठी। मेंहियनि जे मेहार सें।

बैत - 14

वेठी रोइ वछुनि सां। पुजि॒ओ पींघनि पांद।
कोहु करींदियसि कांध। घरु भगो॒ तां घोरिओ।

बैत - 15

पींघा पसिओ रोइ। वञियो वथाणनि में।
दूंहींअ पासे दोस्त जे। पाणु पछाड़िओ पोइ।
साहड़ सांगु संदोइ। शाल अची ओराहूं थिए।

बैत - 16

वेठी रोइ वछुनि सां। ग॒चीअ पायो बां॒हं।
लायां लाल लिङनि खे। अईं जे चरो कांह।
आऊं अवहां जीअ वाह। सदा भुणां सनिरी।

बैत - 17

किथे थिओ मेहारु। किथे थो घिंडु गुड़े।
किथे दूंहीं दोस जी। किथे परियूं पारु।
जिंहिं मूं सभि ज॒मार। जर में झोतूं डि॒न्यूं।

बैत - 18

केडा॒हं उथी वेयूं। केडा॒हं घंड गुड़नि।
तेडा॒हं थियूं चरनि। जेडा॒हं पुठि मेहार जी।

बैत - 19

जा मुहाड़ि मेहार। सा मेंहियनि न थी।
कपरु कारोंभार। कीअं लंघंदियूं कुंढियूं।

बैत - 20

भेलिआं जिति भगि॒यूं। आयूं उति वरी।
कानिहे बी॒ ग॒री। मेंहियनि खे मेहार रे।

बैत - 21

मेहारां मिरिक। पीताईं पिरेम की।
तंहिं मुंध मतिवाली की। संदे साव सुर्क।
लगि॒यसि काम किड़िक। लोहां तिखी लतीफ़ चए।

बैत - 22

मेहारां मही। पीताईं। पिरेम की।
उरिक सुरिक सयदु चए। डि॒नियसि डो॒त ड॒ही।
सघे तां न सही। मिले जां न मेहार खे।

बैत - 23

मरे म मेहारु। वथाणु विलिहो म थिए।
वछुनि जे वछार जो। विंगो थिए म वारु।
साहड़ु मूं सींगारु। माण्हुनि लेखे मेहणू।

बैत - 24

अल्लाह सभि मचनि। मेंहियूं हिन मेहार जूं।
वछूं जे कीरनि ते। सदा थियूं सूंहंनि।
मूंखे माणिकिनि। ताणे हंयो तारि में।

बैत - 25

अल्लाह सभि जियनि। मेंहियूं हिन मेहार जूं।
कारियूं। कुंढियूं। ककियूं। वारा किओ वियनि।
जूइ जा जादारनि जे। उति बे॒ला ब॒हि ब॒हि कनि।
अची रेल रहनि। मूं सांभारा सुपिरीं।

बैत - 26

मेंहियूं हिन मेहार जूं। अल्लाह करि घणियूं।
बि॒लह टिलह काम थिए। सभि चालूं चउ थणियूं।
कूंहूं ज॒णे काम का। सभेई वछड़ियूं।
बे॒ला किजि ब॒हूं। त कांधु कूकारे कंधएं।

बैत - 27

मेंहियूं हिन मेहार जूं। अल्लाह कियम मरनि।
कुड़िमियूं। चालूं। माणिकियूं। चङीअ जूइ चरनि।
जे हिंयें नितु हुरनि। हूनि सलामत सुपिरीं।

बैत - 28

चाहक चरी तारि तरी। आयूं मथे आर।
कूड़ियें कर खणंदियूं। सुणी सड॒ धराड़।
मेंहियूं साणु मेहार। परची पारि लंघंदियूं।

बैत - 29

चाहक चरी तारि तरी। आयूं मथे कुन।
कूड़ियें कर खणंदियूं। साहड़ जे समुन।
मेंहियूं साणु अमुन। परची पारि लंघंदियूं।

बैत - 30

चाहकि चरी तारि तरी। आयूं मथे खूह।
पसी मुंहुं साहड़ जो। राज़ी थींदनि रूह।
अजु॒ कि संझि सुबूह। परची पारि लंघंदियूं।

बैत - 31

चाहकि चरी तारि तरी। आयूं लुड़ु लिङनि लाए।
आंदा कूंअर कुंढियें। पूरनि में पाए।
मेहारु म लाहे। मिहर पंहिंजे माल तां।

बैत - 32

चाहक चरी तारि तरी। आयूं मथे बे॒ट।
लुड़ु लंघींदियूं लेट। कलिमे जे क़रार सें।

बैत - 33

चाहकि चिनाऊं। मेंहियूं मतारियूं थियूं।
ककोरियल कुन जो। पाणी पेताऊं।
डु॒धु सो डि॒नाऊं। जिंहिं मां आलमु आसोदो थियो।

बैत - 34

मथे पुरिस पाग॒। सूंहनि सिर साहड़ जा।
कांहीं जा कलाब जी। चर्यो कनि थियूं चाग॒।
जोड़ियाऊं जनत में। संदा मेंहियुनि माग॒।
सभि लंघियाऊं लाग॒। कलिमे जे क़रार सें।

दास्तान पंजों

बैत - 1

सांदहि सभि दरियाहु। परे कंधी पार जी।
छकी छोलीअ में घिड़ी। जिते जीअ विणाह।
डि॒सिओ डो॒ह ड॒के हिंयूं। आर मथे अरिवाहु।
जे तोहु थिए तो डां॒हं। त वीरि वहीणू नाहि की।

बैत - 2

सांदहि सभि दरियाहु। परे कंधी पार जी।
कंबे हिंयूं कमा हक़हू। आरु पसिओ अरिवाहु।
दिलासे दारयनि जे। सांचिओ सांचे साहु।
जे तोहु थिए तोडां॒हं। त वीरि वहीणू नाहि की।

बैत - 3

सिकण वारिनि सुथिरो। जे दह्शत सां दरियाहु।
ओड़कि उनिहें जो न रहे। आर बिनां अरिवाहु।
वींदे साहड़ सामुहियूं। सदक़ो कंदियूं साहु।
जिनि खे हुब उनिहीं जी आहि। साहड़ु साणी तनि जो।

बैत - 4

घड़िआ से चड़िहिआ। ईहीं अथेई।
मए मते महराण में। पऊ टपो डे॒ई।
मेहारु मिलेई। संभूड़ो सीणाहि सें।

बैत - 5

घड़िआ से चड़िहिआ। ईंहें जा॒णिजि जा॒णु।
मए मते महराण में। विझु पलटे पाणु।
त साहड़ु सीणाहि साणु। साणी थीयई सीर में।

बैत - 6

अखियूं मुंहुं मेहार डे॒। जनि रखियूं जोड़े।
रिअ संड सयदु चए। तारि घिड़नि तोड़े।
तनी खे बो॒ड़े। साइरु सघे कीनकी।

बैत - 7

आधीअ उधाणा। सरतियूं सुख मेहार जा।
लंघे सीर संवां थिआ साहड़ सीबाणा।
भिनीअ ते भाणा। पसां शाल पिरियनि जा।

बैत - 8

आधीअ उडा॒णो। हींअड़ो मूं हथनि मां।
लंघे सीर संऊं थिओ। साहड़ सीबाणू।
भेज॒ भिनीअ भाणू। पीअ जो पसी आयो।

बैत - 9

आधीअ ते उथियां खामियो मथां खट।
पसो पाणीअ जा की। मूं सें लाहो लुट।
सेणनि जे सहट। पारु सूंहायुमि पिरियन जो।

बैत - 10

जेहर लोकु झप करे। ज़रो जाग॒ न होइ।
ओहियर अचिओ अदियूं। पहु पर्यां जो पोइ।
जे कचो चूनिमि को। त मरकु भांयां मेहणू।

बैत - 11

लहिरियें लख लिबास। पाणीअ पसणु हेकिड़ो।
ऊनिहे हिन अमीक़ जी। वारे छडि॒ विमास।
जिति नाहि निहायत नींहं जी। तिति खोइ पंहिंजे ख़ास।
तरण जी तलाश। लाहि त लालण लगि॒ थियें।

बैत - 12

जेडा॒हं चित चाहु घणू। आरु पि ओडा॒हीं।
वञे वहु वाका किओ। तिखो तिहाईं।
मेहारु मिलाएं। लहिरिनि में लतीफ़ चए।

बैत - 13

पलियां पलियो न रहे। निरितूं नींहुं निबारु।
घिड़ां घेरिउमि जिनदिड़ो। उटल मूं ओभारु।
जनी मनि मेहारु। हलणु तनी हक़ु थिओ।

बैत - 14

पसु पसणां परे थिआ। ओरे आरु संदोनि।
डि॒सणु घणू डु॒हलोनि। दरियाह रिअ साहड़ खे।

बैत - 15

पसु पसणां परे थिआ। ओरे संदुनि आरु।
दरियाह रे सहाड़ु। डि॒सणु घणू डु॒हलो।

बैत - 16

काडे॒ वञां वोइ। जिअन वहणु वछारनि मटिओ।
डो॒धी पुछे डे॒ह जा। जर सिरि उभी जोइ।
शिकस्ती सयदु चए। चेहूं किओ चोइ।
साहड़ु सांगु संदोइ। अची ओराहूं थिए।

बैत - 17

संदो ड॒म ड॒ह्कार। हडि॒हीं केनिहे हिन खे।
पुसाए न पांहिंजो। सूहणी सींगारु।
कारणि मुंध मेहार। कारीअ राति कुन तरे।

बैत - 18

ड॒मु डि॒हाड़ी डे॒। संदा मेहर मीहणा।
झलियां थी झोलीअ में। पलई पायो से।
मरु तां चालीह चए। सङां सुपेर्यनि जे।

बैत - 19

ड॒म खुटनई डीं॒हं। वेठो जीअं विललियें।
मछीअ मारग॒ लाइया। हड॒नि मथां हींअं।
से क़ोल भजं॒दियसि कीअं। जे ब॒धमि बे॒लायनि सें।

बैत - 20

त कर कीअं सुई। जे सीर न घिड़ी सूहणी।
हिति हयाती डीं॒हड़ा। हडि॒हीं तान न हुई।
चुके तंहिं चरी की। जो डि॒नुसि उनि डु॒ही।
सुहिणीअ खे सयदु चए। विधो क़ुर्ब कुही।
हूंहीं हूंद मुई। पर बु॒डी॒अ जा बी॒णा थिआ।

बैत - 21

का जा कुन करीनि। भिनीअ भुणि झुणि पाण में।
आधीअ उनहींअ आब खे। अखियूं उकेरीनि।
तोड़े तिकूं डी॒नि। त उञ उनि खे न लहे।

बैत - 22

जे बु॒डां॒ त ब॒नि। मरु ओलिजां उन यार डे॒।
कंधीअ मथां सुपिरीं। मां न ब॒रिब॒रि कनि।
मयाई सें तनि। जेकर उथी ओरियां।

बैत - 23

लहरि मिड़ोई लालु। वहणु खथूरियां वितरो।
ओबा॒रा अंबीर जा। जर में अचनि जाल।
कुननि घिड़ी कालह। सिक पिरियां जे सूहणी।

बैत - 24

कंधीअ झलियो कांह। आश्क़ु आहूं करे।
तो कीअं बो॒ड़ी सूहणी। बे॒ली मुंहिंजी बां॒हं।
दरियाह तोते दांहं। डीं॒दुसि डीं॒हं क़ियाम जे।

बैत - 25

जेकी डि॒ठुई तारि में। कंधीअ सो कहेजि।
जरु वडो॒ झाझि घणी। पांदु म पुसाएजि।
साहड़ु साङाहेजि। त साबितु लंघें सीर मां।

बैत - 26

गो॒रा ब॒ई पार। हिंयूं हैरत में पिओ।
विहां त वेर म थिए। नींहं में पोए निहार।
वञां त वाको पए। पाड़े पोए पचार।
हुति थी वादे वार। हिति सूटूं डी॒नि सरतियूं।

बैत - 27

जा हड़ अंदरि जीअ। साहड़ ब॒धी साह खे।
सा हड़ छोड़ियां न छुड़े। सा हड़ साहड़ रीअ।
साहड़ थीउ समीउ। त सा हड़ छुड़े साह जी।

बैत - 28

नकी साहड़ु सारियां। नकी बे॒ली ड॒मु।
अची पेयुमि ओचितो। साणु कुननि कमु।
भेड़ियेनु भरमु। आगा रखु अतारि जो।

दास्तान छहों

बैत - 1

साहड़ जा सींगार। उन अण डि॒ठा अगे॒ हुआ।
“कुन फ़यकून” का न हुई। नका बी॒ पचार।
महबत साणु मेहार। लायाईं लतीफ़ चए

बैत - 2

सुहिणीअ खे सींगार। अण डि॒ठा अगे॒ हुआ।
“कुन फ़यकून” का न हुई। नका बी॒ पचार।
मलकनिआं महिन्दि हुई। तोडी॒अ जी तंवार।
मरकी साणु मेहार। लायाईं लंअ लतीफ़ चए।

बैत - 3

घेड़ु लंघिओ घारे। मीसाक़ा मेहार डे॒।
“अलस्त बिरबिकुम क़ालू बला” परि इहाई पारे।
डि॒सिओ डे॒खारे। पिरिति पिरियां जो पेचरो।

बैत - 4

अलस्तु” अरिवाहनि खे। जडि॒हीं चयाऊं।
मीसाक़ा मेहार सें। लधियूं मूं लाऊं।
सो मोटी कीअं पाहूं। जो महफ़ूज़ा मह्कुम थिओ।

बैत - 5

“अलस्तु” अरिवाहनि खे। जडि॒हीं चयाईं जीअं।
“क़ालू बला” क़ल्ब में थी तफ़ाली तीअं।
महबतीअ मेहार जे। आऊं निहोड़े नींहं।
सरतियूं साहड़ सेंअ। हलणु मूं हक़ु थिओ।

बैत - 6

“अलस्तु” अरिवाहनि खे। जड॒हीं चयाईं।
मन काढो मेहार डे॒। सुहिणीअ सदाईं।
जेके आयुसि ओडा॒हीं। सो पारे मुंध पातार में।

बैत - 7

“अलस्तु” अरिवाहनि खे। जडि॒हीं अमुर किओ अहद।
मन काढो मेहार डे॒। सुहिणीअ सिकणु सध।
दिलो दोर दरियाह जे। किओ एरादे अध।
जेकी आयसि डुं॒हं अदद। सो पारे मुंध पातार में।

बैत - 8

“अलस्तु” अरिवाहनि खे। जडि॒हीं फ़रिमायो फ़ताह।
हो मन काढो मेहार डे॒। सुहिणीअ सिकणु साह।
दिलो दोर दरियाह जे। किओ एरादे अधाअ।
जेकी आयुसि डूंहं अल्लाह। सो पारे मुंध पातार में।

बैत - 9

“अलस्तु” अरिवाहनि खे। जड॒हीं फ़ाइक़ फ़रिमायो।
हो मन काढो मेहार डे॒। सुहिणीअ खे सइयो।
दलो दौर दरयाह जे। ओडा॒हीं आयो।
जेके हादीअ हलायो। सो पारे मुंध पातार में।

बैत - 10

अलस्तु अरिवाहनि खे। जडि॒हीं जागा॒यो जलील।
संईं राह सयदु चए। सूठाऊं सबील।
वहदत जे वादीअ में। क़दर विआ क़लील।
दरियाह जे दलील। लखें लहवारा किआ।

बैत - 11

लहवारा तां लख। हूंअ तां हुरिभु हेकिड़ो।
उभियूं ओबा॒हनि में। जूठियूं मारीनि जख।
लुणियो उति लतीफ़ चए। कूड़ियूं ब॒धनि कख।
वाहुड़ु तनी विख। जनि खे नदी नाहि निगाह में।

बैत - 12

ओराड़ि न पराड़ि। वेचारी वह विच में।
सुकीअ ड॒नीअ सुपिरीं। बि॒ओ मिड़ोई तारि।
तूं घिड़ु कीम नीहारि। बु॒डं॒दनि सें बा॒झूं करे।

बैत - 13

हुन भरि न हिन। वेचारी वह विच में।
नियछु निहारे न घिड़े। तिंहिं में पेयसि तुन।
अल्लाह साणु अमुन। आराकह उकारियें।

बैत - 14

खामां पचां पजु॒रां। लुछां एं लोचां।
तन में तऊंस पिरियनि जी। पियां न ढापां।
समुंडु मुंहिं करियां। तोइ सुरिकियाई न थिए।

बैत - 15

खामां पचां पजु॒रां। सड़ां सारी राति।
ब॒नि बि॒याई करे। करि पिरयां जी ताति।
शीख़ूं संदियूं सज॒णें। उभर्यूं आधीअ राति।
नकी हथि न साथि। डि॒हाड़िओ चंगि चढ़ां।

बैत - 16

कारी राति कचो घड़ो। ऊणटिहीं ऊंदाही।
चन्ड नालो नाहि को। दरियाह दड़ लाई।
साहड़ कारणि सूहणी। आधीअ थे आई।
ईउ कमु इलाही। न त कुननि में केर घिड़े।

बैत - 17

राति ऊंदाही रिअ घड़े। नका सीणाह साणु।
विझे वेरम न करे। परियां कारण पाणु।
महबत खे मिहराणु सुकी सभि पटु थिए।

बैत - 18

राति ऊंदाही रिअ घड़े। मथां वसिओ मींहुं।
हिकड़ो भऊ बेराह जो। बि॒यो सांभारां शींहुं।
शाल म छिजे॒ नींहुं। घिड़ां घोरिओ जिन्दड़ो

बैत - 19

राति ऊंदाही रिअ घड़े। न हींअड़े आडी॒ अड॒।
साहड़ सुणजि सडु॒। तो अहार तारि तरां।

दास्तान सतूं

बैत - 1

तड़ि न घिड़े तूरु। मन काढो मेहार डे॒।
डाढो दोरु दरियाह में। सिकणु वडो॒ सूरु।
मन में मोज मेहार जे। पहस पिरियां जो पूरु।
बे॒ली बि॒निही कंधियें। नितु निहारे नूरु।
मंझां जर ज़रूरु। कचे खे को म थिए।

बैत - 2

बो॒ड़ीं चाड़िहीं तूं धणी। बे॒ जो दावा रसे न दमु।
हिन मुंहिंजे हाल जो। मेहर ते मालूमु।
रखु भेले जो भरमु। जो अवतड़ि पिओ अझोर में।

बैत - 3

दाइमु जा दरियाह में। सा मछी किनी कोहु।
आहेसि ईउ अंदोहु। पाणी किथे त पियां।

बैत - 4

उभो तड़ि मेहारु। मलाहनि सड॒ करे।
आऊं पणि विझां हथड़ा। अईं पणि विझो जा॒र।
घोरियूं कारोंभारु। मां न मिड़निहऊं सुपिरीं।

बैत - 5

उभो आछे अछ। मेहारु मलाहनि खे।
आऊं पणि विझां हथड़ा। अईं पणि वझो रछ।
कंधीअ कुन कुड़िछ। मन हूंनि सलामत सुपिरीं।

बैत - 6

उभो करे सड॒। मेहारु मलाहनि खे।
अदा इनहीअ पार जा। मोड़े अचो मड॒।
विआ जे वह गड॒। से हलो त डो॒रियूं सुपिरीं।

बैत - 7

जिते भेर भिरनि। भरियूं पवनि भवारियूं।
तांघ न लधी तारुएं। मप न माटियड़नि।
कंधीअ उभा केतिरा। सियणाहिया संकनि।
तूं कीअं तनि तड़नि। अचियो असारी घिड़ें।

बैत - 8

परींअ भरि भीरीं। पसु जे पारि पवंदियूं।
आणिओ विझे आर में। वडा॒ वण वेड़िहीं।
मेहारु मूं मेड़ीं। लहिरिनि में लतीफ़ु चए।

बैत - 9

भरियूं परींअ भरि। पसु जे पारि पवंदियूं।
आणेओ हणे आर में। वण जे पूननिसि वरि।
सांबाही समुंड जी। कंहिं भति भजी॒ करि।
तो भांयो आऊं घरि। आहियें आर अखियूनि में।

बैत - 10

भरियूं भरि दरियाह। पसु जे पारि पवंद्यूं।
ब॒धु तवकल जो तुरहो। आहर साणु अल्लाह।
जनि जी साहड़ साणु सलाह। से कीन बु॒डं॒दियूं कडि॒हीं।

बैत - 11

सांभार सड॒ किओ। उभा चूनिमि आउ।
हिकु तिखो ई तारि वहे। बि॒ओ लुड़ु लहिर्यूं एं वाउ।
आग॒हु जनि अल्लाह। बु॒झां से न बु॒डं॒दियूं।

बैत - 12

सांभारा सड॒ किओ। उभा चूनिमि अचु।
हिकु तिखो ई तारि वहे। बि॒ओ हथि कमीणीअ कचु।
साणी जनि सचु। बु॒झां से न बु॒डं॒दियूं।

बैत - 13

हारी हक़ु रखेजि। सांभारा साहड़ जो।
वहिम जे विजूद जा। विचां सभि वढेजि।
ख़्वाब ख़ियाल ख़तिरा। तनि खे तरकु डे॒जि।
अंदरि आईनू करे। पिरीं सो पसेजि।
इनहीअ राह रमेजि। त मुशाहिदो माणियें।

बैत - 14

हारी रखिजि हक़ु। सांभारा साहड़ जो।
ख़्वाब। ख़ियाल। ख़तिरा। टिनिही डे॒जि तरकु।
करे ग़ैरु ग़रक़ु। वेझो थीउ विसाल खे।

बैत - 15

सांभारा सेई। तनि जनी जो तालिबू।
मनु पिरियां नेई पग॒हियो पाण ग॒रे।

बैत - 16

लया डि॒ठमि लार। सांबारा साहड़ जा।
हिंयूं हिति न विंदुरे। धराड़निऊं धार।
मुंहिंजो मनु मेहार। पग॒हियो पाण ग॒रे।

बैत - 17

हूअ जा ब॒रे बाहि। सांभारा साहड़ जी।
अखियूं उन उहाए वञनि कुन कपींद्यूं।

बैत - 18

मेहार जे मह्बत जूं। दिलि अंदरि दूंह्यूं।
आणिओ विझे आर में। लुहारो लूहियूं।
जे साहड़ जूं सूंहियूं। सीर सराड़ो तनि खे।

बैत - 19

वाहुड़ु जनाज़ो सूहणी। कांधी कंग थिआसि।
ब॒घा जे बे॒टनि जा। कुलहा तनि डि॒नासि।
अखियें मलक टि॒ठासि। तोइ मन काढो मेहार डे॒।

दास्तान अठों

बैत - 1

बु॒डं॒दी बू॒ड़नि खे। के हातिक हथ विझनि।
पसो लज॒ लतीफ़ चए। केडी॒ खे कखनि।
जेके कंधीअ कनि। न त साणुनि वञनि सीर में।

बैत - 2

जा कची कानी कानुह। सा बु॒ड॒ कढे बा॒रि मां।
या लंघाए लतीफ़ चए। या धुरिआ करे दांहं।
कमा हक़ुहु कखिन जी। आहे गा॒लिहि अगां॒हं।
जेके डे॒ बु॒ड॒नि बां॒हं। न त साणनि वञे सीर में।

बैत - 3

जोन्के कंधीअ कांह। तां ताणे ब॒धिजि तुरहो।
हथु परियां जे हथ में। बे॒ खे डि॒जि म बां॒हं।
संदी कपर दांहं। कि तो कनें न सुई।

बैत - 4

हावाणा हुलनि। कपर कारूंभार जा।
लहिरियूं लुड़ लतीफ़ चए। भेले उते भुलनि।
जे कचे साणु कहनि। आॻा तनि ओबाहियें।

बैत - 5

आहियें हिति उमाण। ब॒धु तुरहो तारि जो।
लहरियें लुड़ तलतीफ़। झलिआ जुंग जुवान।
ऊनिहे तड़ि आग॒टिआ। आडी॒ पाए आण।
जे पिआ मुंहिं महिराण। तनि बां॒धियनि बे॒टु न उज॒हे।

बैत - 6

कचो खां कुंभार। ओगे॒ खणिओ उथियें।
कि तो कनें न सुई। भेले ते भुलिकार।
लोड़िहिआ लख लतीफ़ चए। कोड़ियें कारोंभार।
उकारियें आधार। आरां आखे वारियूं।

बैत - 7

कचे साणु कहे। पको पुछे न सूहणी।
लंघिओ लुड़ु लतीफ़ चए। वछारनि वहे।
सा कीअं नींहुं नहे। जंहिं खे नींहं नधे खणी।

बैत - 8

ऊनिहे में ओहरी। कही कचे साणु।
सुपक जो सयदु चए। पुछे न पर्याणु।
अश्क़ वारियूं अब्दुल्लतीफ़ चए। सध न खणन साणु।
जनी पासे पाणु। से अवतड़ां ई उखतियूं।

बैत - 9

अंगु पसी रंगु थिओ। को जो दोरु दिले।
ब॒रि ब॒रि बे॒ली न थिओ। कचो मंझि किले।
जीअं तरां तीअं तारि घणू। तुंहिंजो बहरु बले।
सो मेहारोमि मिले। आहियां जंहिंजे आसरे।

बैत - 10

भांयुमि न भेलो। मूंखे धाअ धुतारिओ।
आखे मथे उसिरे। डि॒नू रूह रेलो।
तेलाहीं वेलो। पियुमि वाहुड़ विच में।

बैत - 11

कढिआ जे कुलाल। से पसी ख़ाल ख़ूशि थी।
पाणीअ चिट पुसाइया। धाअ न जहिली धमाल।
सुपक भांयां सूहिणीअ। जोभन जे जमाल।
आखे जा अह्वाल। मालूमु थिआ महराण में।

बैत - 12

कचो त कोहु। पको नज़रु प्रींअ जो।
साहड़ु मुंहिंजो सुपिरीं। ड॒म डि॒ठेई डो॒हु।
जे छटो जे छोहु। त पूरींद्यसि पारु मणे।

बैत - 13

जे आखो त कोहु। कचो आयुमि कमि।
जीअ जनी जा जनि पका से पुछंदियूं।

बैत - 14

पका रछ कुंभार जा। पकी निहाईं।
मूंखे तिआईं। भेलो ई भाङे पिओ।

बैत - 15

कचे कटु न झलिओ। भेलो पिओ भुरी।
सार छडि॒आऊं सीर में। का बां॒हुंनि खे बु॒री।
लटे लहरियूं वेयूं। चौधारी चुरी।
हींअड़े मंझि हुरी। माहियत मलकुल्मौत जी।

बैत - 16

कचे कटु न झलिओ। भेलो पिओ भजी॒।
माहियत मलकुल्मौत जी। मंझि विजूद वजी॒।
साहड़ खे सजी॒। आखे जे अह्वाल जी।

बैत - 17

कचे कटु न झलिओ। भेलो सहे न भरु।
हथें पेरें आङुरियें। बां॒हुनि छडि॒ओ ब॒रु।
साहड़ सिघो वरु। पेयसि मुंहिं सहराण जे।

बैत - 18

भेले भुलाई। पसी चिट चरी थी।
ब॒रि ब॒रि बु॒डी॒ सूहणी वीरिनि में वाई।
कची केराई। लाल लहरिनि विच में।

बैत - 19

पको खणिजि पाण सें। चङो चिटाए।
कचो डे॒जि कुलाल खे। माग॒हीं मोटाए।
सो सुणु हिंयें सें सूहणी। जेकी फ़ाइक़ु फ़रिमाए।
मोजूं मुंझाए। मछुणु मारीनई महराण जूं।

बैत - 20

को जो वरिओ वाउ। जीअं वासु वछारनि मटियो।
मथां साहड़ साहु। घोरिओ घोरिआं जिन्दड़ो।

बैत - 21

को जो वरिओ वाउ। जीअं ब॒रु बां॒हुनि छडि॒ओ।
अगे॒ इन तड़ां। आऊं ऊंधाहिया उकिरानु।

बैत - 22

अगे॒ इन तड़ानु। वेंदिय मूं वरिह थिआ।
क़ज़ा आंदियसि कुन में। घुराए घरां।
पुना जडि॒हीं परिआं। तडि॒हीं तांघोई तारि थओ।

बैत - 23

हणंदे थकमि हथ। हींअड़े हुजूं छडि॒यूं।
लकु लहरिनि ग॒डि॒ओ। मोजूं वरियूं मथ।
नियमि कुन क़ुवत। भिरु भलेरा सुपिरीं।

बैत - 24

हींअड़े हुजूं छडि॒यूं। क़ुवत रहियम कान।
मूं ते मोटिजि मूं पिरीं। साहड़ जा॒म सुजा॒ण।
आहियां घुणो अजा॒णु। भिरु भलेरा सुपिरीं।

बैत - 25

भिरु भलेरा सुपिरीं। भला में बे राह।
तो रे तारी नाहि का। वाली तो रे वाह।
साहड़ जी सलाह। तन खे कढे तारि मां।

बैत - 26

तन खे कढे तारि मां। सुलहु साहड़ जो।
उति आडो॒ अचे कीन की। बे॒लियपो बे॒ जो।
मेहार किजि मुंहिंजो। को ओकरु कंहीं आर तां।

दास्तान नाऊं

बैत - 1

जर तड़ तिख तंवार। वण टिण वाई हेकिड़ी।
सभेई शेअ थिआ। सूरीअ सज़ावार।
हमह मन्सूर हज़ार। किहड़ा चाढ़े चाड़िहियां।

बैत - 2

सभति पचर प्रींअ जी। सभति होत हुज़ूरु।
मुल्कु मिड़ेई मन्सूरु। कुही कुहिबा केतिरा।

बैत - 3

हीअ भरि हीउ हंधोसि। कोड़ो थियुस क़रीब रे।
रोज़ु डि॒हाड़ी राति खे। मथे पार पन्धोसि।
अश्क़ जो अब्दुल्लतीफ़ चए। नको सिक संधोसि।
साहड़ साहु निधोसि। नीरु पाए नींहनि जो।

बैत - 4

नको संधो सूर जो। नको संधो सिक।
अददु नाहि इश्क़। पुजा॒णी पाण लहे।

बैत - 5

अददु नाहि इश्क़ जो। सुणी थीउ साणी।
कानिहे पुजा॒णी। महिन्दान मुंध मेहार जी।

बैत - 6

सिक तुंहिंजी सुपिरीं। कपे एं कोरे।
सघां न चोरे। डा॒ढो नियरु नींहं जो।

बैत - 7

सिक तुंहिंजी सुपिरीं। अंदरि थी अझल।
ब॒ड़किओ बा॒हरि निकिरे। खूरे खानिए खल।
रे सीराहीअ सल। मूं खे डि॒ना सज॒णें।

बैत - 8

सिक तुंहींजी सुपिरीं। अंदरि थी अझाग॒।
मंझि भरिआईं माग॒। पलटिओ पारियूं करियें।

बैत - 9

सिक तुंहिंजी सुपिरीं। जीअं तरां तीअं तारि।
तूंहीं रहियें रूह में। तूंहीं अखनिआ ब॒हारि।
पिरीं तुंहिंजे पारि। मूं वाझाईंदे वरिह थिआ।

बैत - 10

सिक सकंदियनि लाए। विछोड़िआ मेड़ पिरीं।
एडी॒ सघ सचा धणी। तो ही खे जुगा॒इ।
तनु जनी जो तालिबू। मिहर तनी खे पाइ।
मेड़ाए जो माइ। कांगु लवंदो कडि॒हीं।

बैत - 11

डि॒ठे थिअड़म डीं॒हं। कोहु जा॒णां किहड़ा पिरीं।
नेण भरिजी नींहं। पलटिआ पारियूं करे।

बैत - 12

डि॒ठे डीं॒हं थिआमि। कोहु जा॒णां किहड़ा पिरीं।
वलियुनि जीअं वरियामि। गा॒लिह्यूं गु॒ण पिर्यनि जा।

बैत - 13

डि॒ठे डीं॒हं थियामि। कोहु जा॒णां किहड़ा पिरीं।
सह्सें सिज उलही। वाझींदे विआमि।
तनी साल थियामि। जनि रे सरे न साअतड़ी।

बैत - 14

वञां कीअं वरी। हूंद रिअ चए रही रहां।
दूंहींअ पासि दोस जे। माग॒हीं पुआं मरी।
न सूरत न सूंहं का। कियस चित चरी।
विसाला फ़िराक़ जी। सुजे॒ गा॒लिह ग॒री।
तेलाहीं तरी। आऊं मुंहुं गि॒निहिओ मोटियो वञां।

बैत - 15

की तज़ां की तारेजि। की सघां की सघु।
आडो॒ डे॒जि म घघु। मूं हेकलीअ वलहा।

बैत - 16

तरां त मरां। वरां त वहु वितरो।
हींअड़े में होतनि जा। अचनि घोर घणा।
पसिओ पाड़े वारियूं। डि॒सिओ डो॒ह ड॒रां।
विचां कीअं वरां। जीअं कंधीअ मंहिंजो कारणी।

बैत - 17

ताने लाए तरां। मथे वह वाका किओ।
मूंखे सिक सयदु चए। मरु महबत मंझि मरां।
विचां कीअं वरां। जु कंधीअ मुंहिंजो कारणी।

बैत - 18

तरां लाए ताने। मथे वह वाका किओ।
आणे विधियसि आर में। दरियाह देवाने।
क़लम जे काने। आणे ओलियसि ओल में।

बैत - 19

तरण जा ताना सुहमा डी॒निमि सरतियूं।
दरियाह देवाना। सुणु हक़ीक़त हाल जी।

बैत - 20

न कानीअ न कांह। नको डो॒हु क़लम जो।
अंगु उतेई लिखिओ। जिति न रसे बां॒हं।
कंहिं खे डि॒यां दांहं। जीअं क़ज़ा क़लमु वहायो।

बैत - 21

क़ज़ा क़लमु वहायो। नात आऊं सियाणी।
पाणां पलिओ केतिरो। ड॒म थी डि॒हाड़ी।
अगि॒हीं मुंहिंजे अंग में। लिखिओ हो पाणी।
तेलाहीं जा॒णी। किरां कुननि विच में।

बैत - 22

जर घिड़िये जोखो थिए। आऊं कि न जा॒णां ईअं।
क़ज़ा जा करीम जी। तंहिं खां कंधु कढबो कीअं।
हिकु लिखिए बि॒ओ नींहं। आणे ओलियसि ओल में।

बैत - 23

केरि कुन आऊं केर। केर ड॒मर सहे ड॒म जा।
क़ज़ा रिअ कान डे॒। मथे पाणीअ पेर।
भेनरु भिनीअ वेर। लिधो थी लोड़ियां।

बैत - 24

पाणी सहे न पेरु। लहरि नियापो न मुए।
आणे डीं॒दुमि केरु। सुधियूं सांभारनि जूं।

बैत - 25

घरु न वरु न वथु का। आहेमि मनि मेहारु।
इन ओसीड़े उथियां। संझे करे सींगारु।
पिरीं तुंहिंजो पारु। पसां मां परि कंहीं।

बैत - 26

मरिजि वटि मेहार। मतां मोटें सूहणी।
साहड़ जा सींगार। मतां ड॒म डे॒खारियें।

बैत - 27

चूनिमि जे हेकार। म वांउ मोटी सुहिणी।
दूंहीअ पासे देसित जे। घारियां सभ ज॒मार।
बां॒धियड़ा बी॒हार। हूंद न लिङें लाइयां।

बैत - 28

जे क़ियाम मिड़नि। त कर ओडा॒ सुपिरीं।
तिहां परे सुज॒नि। वाधायूं विसाल जूं।

बैत - 29

जे तो बेत भांया। से आयतूं आहीनि।
सग॒रु सूंहाईनि। पिरियां संदे पार जो।

दास्तान ॾहों

बैत - 1

साहड़ धारां सूहणी। अधोती आहे।
कुढियूं जो काहे। पासे तंहीं पाक थिए।

बैत - 2

साहड़ धारां सूहणी। निसोरी नापाक।
नजासत नाहि करे। उनी जी ओताक़।
हूइ जे खीर पियाक। पासे तनी पाक थिए।

बैत - 3

साहड़ धारां सूहणी। हीअ तां जुनुबी जोइ।
हिन पाणीअ सें पांहिंजो। मूरि न मथो धोइ।
जे पिरींअ पासे होइ। त तोडी॒अ कर तड़ु किओ।

बैत - 4

साहड़ धारां सूहणी। हीअ तां जडी॒ ज़ाल।
तोडी॒अ तपु शुरूउ थिओ। हे हीणीअ जे हाल।
जुखी रिअ जमाल। अघी थी आहूं करे।

बैत - 5

साहड़ धारां सूहणी। आहे में आज़ार।
ड॒म पासे में डु॒खंदो। सिहत वटि संघार।
तोडी॒अ संदे तन जी। दवा में दीदार।
जे पसे मुंहुं मेहार। त सिघियाई सघी थी।

बैत - 6

मतां घिड़ीं सूहणी। अजु॒ दरियाह में दमु।
कारीअ राति कुननि में। किहड़ो अथई कमु।
मतां जागी॒ ड॒मु। पुछे पाड़े वारियूं।

बैत - 7

पुछे पाड़े वारियूं। कोहु करींदो ड॒मु।
कारीअ राति कुननि में। ईउ कांयारिनि कमु।
हीउ हडो॒ एं चमु। घोरिओ मुहिब मेहार तां।

बैत - 8

डि॒हाड़ी ड॒मर करे। महबत मथे मूं।
तंहिंखे अची तूं। पिरियमि कोहु न पलियें।

बैत - 9

जान जान हुई जीअरी। विरिची न वेठी।
वञी भूंइ पेठी। सिकंदी खे सॼणें।

बैत - 10

जान जान हुई जीअरी। वेठी न वेसांदि।
वेई लहिरियें पांदि। मुयाई मेहार डे॒।

बैत - 11

वरु ऊंदाही रातड़ी। चांडोणी चांडा।
ओरे मेहारा। मुंहुं म पसां को बि॒ओ।

बैत - 12

सदा पुछु म सूहणी। ऊंदाही अध राति।
पिरियां डे॒ पिरिभाति। वांउ डे॒ठारे डे॒ह खे।

बैत - 13

साहड़ु सुके में थिओ। पाणीअ में पुनूं।
संदो कच कुनू। तरी तरंदो केतिरो।

बैत - 14

जडि॒हीं बु॒डि॒यूं जे। सुकीअ जे सांबाह में।
साहड़ु तनी खे। बे॒ली। बि॒निही कंधियें।

बैत - 15

सुकीअ बु॒ड॒नि जे। साहड़ु डा॒नी तनि जो।
लह्रिनि सिरि लतीफ़ चए। कुलहनि चाड़िहिओ ने।
जे पुछनि पन्धु परे। तनि उमाणे ओडो॒ करे।

बैत - 16

न ढोरीअ न नन्ढ। साइर बो॒ड़ी सूहणी।
अखियुनि में उकनुड। मुईअ खे मेहार जी।

बैत - 17

सवें साइर बो॒ड़ियूं। मुंध बो॒ड़िओ महराणु।
वह विञायो पाणु। हणे कंधु कपनि सें।

बैत - 18

सवें साइर गजनि। त सहजु न मटे सूहणी।
कि के नींहं छिज॒नि। परि तंहीं पिरियनि सें।

बैत - 19

सभेई सींगार। मुंध मरंदे छडि॒आ।
गि॒चीअ वारिओ बां॒हड़ी। वहे साणु वछार।
लुतफ़ साणु लतीफ़ चए। सिघो रसु सहाड़।
इश्क़ जे आधार। पारु सूंहायुमि पिरींअ जो।

बैत - 20

इश्क़ जे अमीक़ मां। चुको चखियाईं।
विहणु तिंहिं विहु थिओ। घरु बा॒रु घोरियाईं।
इलल्लाहु आसणु करे। सरेरु सोजिहयाईं।
मन अरफ़ नफ़्सहू फ़क़द अरफ़ रबहू। डी॒ला डि॒ठाईं।
पिरितां पीताईं। मंझां सिक साहड़ खे।

बैत - 21

मंझां सिक साहड़ खे। पिरितां पीताईं।
तुरहे संदी तारि में। रिथ न रखियाईं।
बं॒धण जे ब॒धण जा। सभि छिकीअ छिनाईं।
दरियाहु सजो॒ दम में। लंउ सें लंघियाईं।
पिरितां पीताईं। मंझां सिक साहड़ खे।

बैत - 22

कु भूंइ मंझि कसाब। जे वहणु अची वेलो करे।
अचेसि न ओसाफ़। रती रेज न सिंजिरे।

बैत - 23

भूंइ ते भोरो सींअ। जे वहणु अचे वेलो करे।
संग पचंदे सींअ। कानू काया न छडे॒।

बैत - 24

न नानाणीअ खटिओ। नकी डा॒डा॒णिआ।
वडा॒ई वड़ थिआ। मूं सें पिरियनि जे पारां।

बैत - 25

सावण लह्रियूं रेज। वण टिण वारीअ वार।
मूं सें भले भाल किआ। उनिहिआईं अपार।

बैत - 26

अजु॒ पणि अखड़ियूं। पेयूं पारि पिरियनि जे।
मूंखे मह्बूबनि जूं चुणिकनि मंझि चड़ियूं।
जे मेहार खे मिड़ियूं। से लहिरिनि लोडि॒यूं केनकी।

बैत - 27

हुयसि मंझि अमुन। इश्क़ उथारियस ओचिते।
धराड़के धुन। संऊं सूंहायुमि पेचिरो।

बैत - 28

हिहड़ी तां न हुयासि। इश्क़ उथियारियस ओचती।
पधरि पोइ पेयासि। सतुरु सिक विञायो।

बैत - 29

सती तीउ म सूहणी। लंडी थी लुडे॒जि।
चयो करे चघ जो। आधीअ राति उथेजि।
रेहयिन बा॒रि बु॒डे॒जि। ढकण में ढुकु भरे।

वाई

कहिड़ी मंझ हिसाब ? हुअणु मुंहिंजो होत रे, ला
गोली भॼु गुनाह खां, कोन्हे सूलु स़वाब हुअणु मुंहिंजो होत रे, ला
न की सूत में, न की मंझ रबाबु हुअणु मुंहिंजो होत रे, ला
ख़ुदियाइ ख़ूबु थियें, लईयें जे लुआब हुअणु मुंहिंजो होत रे, ला
पलीतु ई पाकु थिए, जुनबयो मंझ जनाब हुअणु मुंहिंजो होत रे, ला
सो न कंहीं शए में, जेकी मंझ तुराब हुअणु मुंहिंजो होत रे, ला
हूइ जे जर्किया जर ते, से तां सभ हुबाब हुअणु मुंहिंजो होत रे, ला
हादीअ सें हुन पार ॾे, रिड़हीं साणु रकाब हुअणु मुंहिंजो होत रे, ला
चन्बो विझी चोर खे, आऊ छुड़ि , उक़ाबु हुअणु मुंहिंजो होत रे, ला
दीदु विञाइ म दोस्त जो हे मंझ हिजाब हुअणु मुंहिंजो होत रे, ला
कसरत आहे क़ुरब में, इदग़ाम में एराब हुअणु मुंहिंजो होत रे, ला
फ़ना विझी फ़म में, कारण थीउ कबाबु हुअणु मुंहिंजो होत रे, ला
ॾे त़हूरा तनि खे, जे सिकनि लाइ शराब हुअणु मुंहिंजो होत रे, ला
मुठीअ कीया मर्ज़ु में, जावा सभु जवाब हुअणु मुंहिंजो होत रे, ला

वाई

सचा सयद मूं खे तूं। वहियां वाहर।
नेई नेई अवलि पिरियां जे पार डे॒।
कुन जे कारोंभार जा। से आऊं भायां भूं।
संदो जीअण आसिरो। मनां लाथो मूं।

वाई

दर्द रांझनि दे हीअ दिलि मारी मोला।
एक घड़ी दे वेखण कीते घिनि ग॒या दिल सारी।
कोई हबीबु तबीबु बतावे। जो दारूं दिलि दा क़रारी।

वाई

जो तूं आह्यें तोखे मंङां। आऊं बि॒यो दरु कोन सुञाणां।
इलाही इनायत सें। नवाज़ियें निमाणा।
अंधा करियें अग॒ में। कोठाइयें काणा।
ऊंधनि आजिज़नि खे। परोड़ाइयें पाणा।
कोठियें स क़ुर्ब सें। जे तो दरि विकाणा।

वाई

पांधी पिरियनि जो। ए आऊं मां न को पसां।
भेनरु भिरी उसहो। डूं॒गरु डो॒रणु असां।
मुंदाइते मींहं जीअं। वेलो वेल थी वसां।

वाई

कोहु जा॒णां केडा॒हीं। मुंहिंजो तनु तणी तेडा॒हीं।
मियां साईं नेणें नींहड़ो लगा॒ए वअड़ा।
दोंहीं दोस्त मेहार जी। डे॒ई जीअं डि॒ठाईं।
सारे सुपेर्यनि खे। रह्बरि रतु रुनाईं।
दामन तेडी॒अ चंगुलु मेडा॒। रोज़ क़ियामत ताईं।
पीरु असांडा॒ हज़रतु मीरां। जुमिले दी आस पुजा॒ईं।
जेडा॒हं आलम आसरो। मूं पणि आहि ओडा॒हीं।

वाई

आऊं जा वेंदड़यास पारि परियनि जे। मूं खे काम झले।
आऊं जा वेंदड़ियस पारि परियनि जे। नेहुं अछले।
पसिओ दूंही दोस्त जी। जीउ मुंहिंजो जले।
तनु वधाईं तारि में। आधीअ रेन उछले।
ड॒मु डि॒हाड़ी केतिरो। परि में थो पले।
महबतीअ मेहार जो। सूरु मूंहीं खे सले।

वाई

आतण में सभि वेही। दुआ करेजा जेडि॒यूं।
कानिहे बसि बहीर खे। हलु चलु वञी पेई।
राह मुसाफ़िरु सभुको। कोन डि॒ठोसूं हिति डे॒ही।
सारींदा सलात खे। क़बर सभि पेही।
कोठाऊं करीम जो। गा॒लिहि पुछंदोमि केही।
अल्लाहु हेकु मुहम्मदसलम बर हक़। ईअ चुआं मां न एही।
नवाज़ींदो नूर सें। नाक़िसि खे उति नेई।

वाई

अचती ओलड़ी केर केर। वटां पाणीअ वारियें।
नाले सुजे॒ सूहणी। ज़ाति निजा॒णां केर।
घड़े घोर न झली। पटि न खुतिस पेर।
खुड़्यूं खुंहिबे रतियूं। मेंदीअ रतड़सि पेर।
संभूड़ो सीणाह सें हिति घुरिजें हेर।

वाई

नहीं नहीं मेड॒ड़ी वसि वो बिनां दिल्बर दिल मांदी।
मूं खे मति मेहार जी। कान अचे का बी॒ कसि।
सिकां थी संघार खे। बाबि न मुंहिंजे बस।
सुख न पुछे सूहणी। डु॒खु डु॒खीअ खे ड॒सि।
दरिद दसी आहियां। दरिदु मुंहिंजो दसि।

वाई

वञे सा राति विहाणी। रिअ पसण पिरींअ जे।
हिहड़ा ओडा॒ सुपिरीं। तोखे निन्ड रिहाणी।

वाई

अखियूं पेर करे वञिजे पर वञिजे।
सुपेरियां जी गा॒लहड़ी। कंहिं सां कीन किजे।
लिकाए लोक खां। गो॒ठां गु॒झड़ी निजे।
मह्बतीअ मेहार जो। सूर न किंहिं सलिजे।

वाई

ड॒मु जागे॒। लो। म पाड़ेची सार।
आऊं जा वेंदी मुलि मेहार।
आणे कीर खोड़िआ। सांभार संघार।
घर घरि गिला जा वहे। पाड़े पोए पचार।
मौला मूं खे मेड़यें। कुंढियनि जीअ क़तार।
मूं खे पिरियन मेड़यें। सबा॒झा सतार।
बु॒रनि बे॒लायनि जा सांभारा संभार।
विचु म पोए विसाल खे। सबा॒झा सतार।
ताकुनि तकी आहियां। सिघो रसु सहाड़।
वछुनि जे वछार जो। विगो थिए म वारु।

वाई

वेठी कीन विसारे। देवानी दिल्बर जानी।
जिंहिं खे सिक साहड़ जी। सा घायल घरि न घारे।
डु॒मु डु॒हिलो डु॒खिओ। सिर में सौंटा मारे।
बे॒ले पारि बु॒रिनि जे। तनि खरकनि वधियसि खारे।
बे॒ले बि॒निही कंधियें। मुहिबु मेंहियूं थो चारे।
हूइ हूंगारूं पूं पुकारूं। तड़ि तड़ि दोसितु तंवारे।
हूअ जा पिक प्रेम जी। आहियां तंहिं आसारे।

वाई

आयलि अमड़ तोइ जियां। जे मूं सारीनि सुपिरीं।
संऊं सूंहाइयें पेचिरो। मेहारनि मियां।
घड़ो भगो॒ त घोरियो। तां की तरु हिंयां।
अदबु खअड़ियनि खे। डी॒हाणिऊं डि॒यां।
मथां माणिक हेकड़े। अमुल अठ डि॒यां।
साहड़ मथां सदक़ो। ड॒ह ड॒म डि॒यां।
अचें अब्दुल्लतीफ़ु चए त। जानिब नितु जियां॥

वाई

होइजि हूशियारु। ख़बरिदारि। तिरिकणि आहे तड़ में।
खडूं॒ खूबा॒ चक चिकंदियूं। तां की नई निहारि।
आधीअ से आखुड़ंदियूं। अखियूं जनि कपारि।
मूं सुओ मलाहनि खां। तड़ अड़ांगा तारि।
पको खणिजि पाण सें। प्रीं तुंहिंजो पारि।
खोइ आतणु। ब॒नि जेड॒यूं। डे॒राणियूं डु॒आरि।
होतु हलंदिनि खटिओ। विहणु मुंध विसारि।
वेंदे वाटाड़ूअनि खे। पटीअ कीम पचारि।
पूंदीअं मुंहि मेहार जे। ड॒म वटि डीं॒हुं म घारि।
साहड़ खे सुणु सूहणी बि॒छलि आडी॒ बा॒रि।
तारि तरंदींअ लुड़ु लंघंदींअ इश्क़ जे आधार।
पांदु म छड॒जि पिरींअ जो। पिहीं जे पातारि।
थींदुइ सडु॒ साहड़ जो। तोडी॒ थीउ तयारु।

वाई

मदत थीउ मेहार यार। साहड़ साइर सीर में।
ऊनिहा कुन अतांघ तड़। ओली हणु आधार।
डीं॒हं डु॒हिला ड॒म सें। आऊं आहियां आंहऊं धार।
बि॒छलि बां॒धी बा॒रि करे अति उबता आर।
तंहिं में घिड़ी सूहणी आग॒ह रिअ आधार।
कारी राति कचो घड़ो। तोडी॒अ की तंवार।
संभूड़ो सियणाहि सें। सिघो रसु संघार।
ओराड़ा आहूं करे। पहचान शाल पराड़।
सुणिओ झांइ झिजे॒ हिंयूं। सांभारा संभार।
आयमि रेली रिअ सें। अला तो अहार।
तारि तरंदियसि पिरीं पसंदियसि। वेंदियस वटि वछार।
पूरींदियस पार मणी। सह्सें जे सेसार।
गोली घाघाए घिड़े। जखनि था जानार।

वाई

आयलि पुनियूं। माअ। मूं मुरादूं पुनियूं।
जिहड़ी पिर्यां गा॒लहड़ी। तिहड़ी बी॒ न का।
किजे त कोडु॒ थिए। सुजे॒ त सीबाइ।
वेहु दाता जे दर ते। शुकुरु जंहिं सुहाइ।
कानिहे हद हम्द जी। त करियां लालन लाइ।
ग॒णियो ग॒णयां केतिरियूं। वडि॒यूं वडा॒याइ।
सो मूंहां मूरि न सपजे। जेकी तो जुगा॒इ।
तो सञियूं तो संदियूं। सिकनि तोहीं साइ।
उञ तुंहिंजीअ उञियूं। लुछनि तोई लाइ।
दिलि दांहुंनि रे न रहे। मूंखे माठि जुगा॒इ।

वाई

लड़के लंउ न सुञातो। रांदि भांयाईं राज़ खे।
अंधो उलूहियत खां। आहे ईउ उमातो।
सबाह सो न शुमार में। जो लेखिआ अजु॒ लाथो।
पेयसि सहिव सयदसलम सें। थयुस नम्रूद सें नातो।

वाई

डा॒तर डा॒तर वेंदी मुंध मेहार डे॒। मथे लह्रिनि गा॒टु।
न घड़े न सूहणीअ। नको डो॒हु कुनुभार।
घुरिअ तुंहिंजे घेड़ी। आणे मथे आर।

वाई

अदा ए बां॒धी बे॒टनि वारा। ए रेटन वारा किथे पिरियनि पारु।
कंधीअ कंदुमि कारणी। साहड़ जा॒मु सतारु।
साणी थेंदो सीर में। मदत मूं मेहारु।
डा॒तर मूं डे॒खारियें। दोसितनि जो दीदारु।
माणुहुनि लेखे मेहणू। साहड़ु मूं सींगारु।

सुर सारंगु

दास्तान पहिरियों

बैत - 1

लॻह पसु लतीफ़ु चअई। आगमिओ आहे।
उठो मींहुन वॾफुड़ो। कढो धण काहे।
छिन छॾे पुट पओ । समरु सनबाहय।
विहो म लाही। आसिरो अललह मां।।

बैत - 2

लग॒ह पसु लतीफ़ु चए। आगम किआ अल्लाह।
वडा॒ई वाहिद किआ। मथे गसनि गाह।
पलुर जे पालोट सें। पटनि जहलिआ पाह।
सांगियनि वरिआ साह। उठनि आबु अगूंदिरो।

बैत - 3

आगम ई न अंग। जिहड़ो पसणु पिरींअ जो।
सेणनि रिअ सयदु चए। रूह न रचनि रंग।
सहिसें थिआ सारिंग। जानी आयो जूइ में।

बैत - 4

जानी आयो जूइ में। थियुमि क़ल्बु क़रारि।
विचाईं वहिलो विओ। लथो ग़मु गुसारु।
निज़ारो निरिवारु। पिय पसायुमि पांहिंजो।

बैत - 5

पीअ पसायो पांहिंजो। निज़ारो नागाह।
लथी कटु क़ुलूब तां। थी विरूहण वाह।
उमेदूं अरिवाह। पिय पसंदे पुनियूं।

बैत - 6

उबूं॒ ककर कढरूं। उतर डे॒ आहीनि।
जु आगम करे आयूं। त मुंद न मटाईनि।
मथां लोक लतीफ़ु चए। गूंदर गमाईं।
पटें पियारीनि। उञियनि आबु अगूंदिरो।

बैत - 7

अजु॒ उतर पार डे॒। ककर किआईं।
रोज़ो पाक रसूलसलम जो। रीझी रांयाईं।
आणे डि॒नाईं। आलम आबु अगूंदिरो।

बैत - 8

अजु॒ उतर पार डे॒। ककर थो करे।
वाहिद वाटड़ियुनि ते। ख़ालिक़ु खन्ड भरे।
पेखारिआं परे। शाल म वञनि सुपिरीं।

बैत - 9

अजु॒ पणि उतर पार डे॒। ककर थो करे।
वसिओ से भरे। जे ड॒ड़ह डीं॒हनि खांया।

बैत - 10

अजु॒ पणि उतर पार डे॒। ककर की चोटी।
पिरियां संदे पार जे। खिवणि न खोटी।
आउ लालण मोटी। घोर्या रुसण डीं॒हड़ा।

बैत - 11

कारा ककर केस। अजु॒ पणि उतर पार डे॒।
विजूं॒ वसण आयूं। करे लाल लिबेस।
पिरीं जे परदेसि। मूं खे मींहं मेड़आ।

बैत - 12

करे हकल हूइ। उतरां थी आयूं।
भरे तड़ तरायूं। जोड़े हलियूं जूइ।
पसो जा पटनि में। खथूरीअ ख़ुश्बूइ।
वञी रूबरूइ। उठियूं रोज़े तां रसूलसलम जे।

बैत - 13

रोज़े तां रसूलसलम जे। किओ वज॒ड़ियुनि वारो।
हादी भरि हुकुम सें। हीउ तड़ु तासारो।
भरियाईं भेर पई। नज़र सें नारो।
नबीअ निज़ारो। पिय पसायो पांहिंजो।

बैत - 14

मके खां थी मोटियूं। उठियूं ते अरफ़ाति।
रोज़े पासि रसूलसलम जे। रीझ कियाऊं राति।
विज॒ड़ियूं पिरिभाति। मोटी मिसरि आयूं।

बैत - 15

झरकियूं में जीलान। कियाऊं मीरां जो मुजिरो।
जिते ग़ोसु बहाऊदीनि। उति मरकियूं में मुल्तान।
अचे अजु॒ उखतियूं। कियाऊं पुरि पुराणि।
विज॒ड़ियुनि मुंहं काण लाथी सिंधु वणनि खे।

बैत - 16

अजु॒ पणि उमेदूं। आगम संदियूं उभ में।
सावणु पसी सरतियूं। सज॒णु सारियो मूं।
आऊं आसाइते आहियां। मां न भिजा॒ए भूं।
घरि त घुरिजें तूं। मुंद मिड़ियाई मींहं जी।

बैत - 17

वसे तडि॒हीं वस। मुंद मिड़ियाई मींहं जी।
खेटा खटरुनि छडि॒आ। जे थे मिड़ियूं मस।
गाबा मथे गस। डु॒ख न कंदा डु॒बि॒रा।

बैत - 18

अबुर में उहाउ थिओ। गाम घुरंदे गंज।
पसी परि प्रियां जी। थिआ रक़ीबां रंज।
शाल वसंदो संझ। मथे आशिक़ ओहीरा करे।

बैत - 19

उठो ओहीरा करे। मथे आशिक़ अजु॒।
डूरि ड॒खंदा भजु॒। मींहनि मुंहुं डे॒खारिओ।

दास्तान ॿिओ

बैत - 1

भिरी भिट ते आयो। सारिंगु सहिज मंझां।
खिड़ियूं खटणहार जीअंनि/जीअं। विजूं॒ उतर वाइ।
सर सावा सब्ज़ थिआ। डामण डिब॒ किआ।
पहरी पटनि तां। भरियाईं कुन किराड़ि जा।

बैत - 2

जिहड़ी लाली लाख जी। तिहड़ी सारिंग सिट।
ईअं से उबु॒नि अंगिआ। जीअं से चुनीअ चिट।
बरसिओ पासे भिट। भरियाईं कुन किराड़ि जा।

बैत - 3

भरियाईं कुन किराड़ि जा। वठो वारियासो।
माखरीअ तां मोटिओ। डे॒ई पय पासो।
खूरे ते खिवणीनि जो। थिओ चङो चौमासो।
ख़ालिक़ किओ ख़ासो। चीहो चुखीअ कंधियें।

बैत - 4

चीहो चुखीअ कंधयें। किआईं गड़ंग ते गुल।
हडा॒ कुटिआं हल्यो। भरे तरायूं तल।
आसदी आब उछल। मथे बाग़ बहारु करे।

बैत - 5

अजु॒ रसीला रंग। बादल कढिआ बुरिजन सें।
सार सारिंगियूं सुरिंदड़ा। वजा॒याईं बरिजंग।
सराहियूं सारंग। पलटियूं राति पडाम ते।

बैत - 6

सारिंग सार लहेजि। अल्लाह लगि॒ उञियनि जे।
पाणी पोज॒ पटनि में। अरिज़ां अनु करायजि।
वतनु वसाईजि। त संघारनि सुखु थिए।