راکھ ملتے ہیں جسم پر جوگی
اور شب و روز دکھ اٹھاتے ہیں
چند کشکول، گدڑیاں، ناقوس
یہی سامان لے کے آتے ہیں
کس قدر حق شناس ہیں یہ لوگ
جوگ کے راز کو چھپاتے ہیں

کوئی کاسہ نہ کوئی گدڑی ہے
جھولیاں ہیں سو وہ بھی خالی ہیں
خانہ بردوش جوگیوں نے اب
دشت میں دھونیاں رما لی ہیں

راحت جاں غمِ محبت ہے
احتیاطً جسے چھپائے ہیں
بے سروکار لوٹ جائیں گے
بے سروکار جیسے آئے ہیں

نہ لنگوٹ نہ چادر ہے نہ، گُدڑی ہے تن پر،
وہیں پہ آگ جلائیں جوگی، جہاں ہو ویراں کھنڈر،
جبروتی وہ رہبر، سنکھ بجا کر لاد چلے۔