جانے کس جستجو میں رہتے ہیں
سوئے مشرق رواں دواں جوگی
اک سراپا جمال ہے دل میں
جسے کہتے ہیں جانِ جاں جوگی
سرخروے غمِ محبت ہیں
بے نیاز غمِ جہاں جوگی

ان خدا آشنا فقیروں کو
جُز غمِ عشق کچھ نہیں درکار
زندگی ان کی اک ازل کی آگ
جسم و جاں صبح و شام شعلہ بار
کون جاکر کہے کہ ان کے بغیر
ہوگئی میری زندگی دشوار
کون جانے کہاں گئے جوگی
توڑ کر رشتہ ہائے قرب و جوار

کہے لطیف کہ خواہش کو وہ سنگ نہیں لیتے یار،
جن کے یہ اطوار، چھوڑ چلے ہیں آسن۔