رُسن دا ہن میرے رانے اڑیا پج نا پائیں
کہے لطیف ترا نا ثانی لعلن میرے سائین
ڈھک لے آکے اوگن میرے میں سکھیانی تھیواں

ہر نفس ہو گیا عذاب نہ جا
لوٹ آ میرے ماہتاب نہ جا
عشق کی چاکدامنی کی قسم
مظہرِ حسن لاجواب نہ جا
کوئی تیرے سوا نہیں میرا
کرکے یوں مجھ سے اجتناب نہ جا
میرے ’سوڈھے‘ تری جدائی میں
زندگانی ہے اک عتاب نہ جا
بخش دے میری سب خطائوں کو
درگذر کر یہ پیچ و تاب نہ جا
تجھ پہ قربان اے مرے رانے
جان لیوا ہے اضطراب نہ جا

روٹھ نہ مجھ سے میرے رانا، چھوڑ دے یہ عادت،
بھول جا میرے عیب تو سارے، مجھ پہ کر رحمت،
کہاں ہے اور کسی میں ساجن، تجھ جیسی وجاہت،
من کو دے راحت، ڈھانپ لے اوگن میرے۔