جيئرو رهڻ، حيات رهڻ، زندگي بسر ڪرڻ، زندہ رھڻ. ساھ کڻڻ، تڳڻ. گذارڻ حياتي، پساھ کڻندو رھڻ، قائم رھڻ، سلامت رھڻ.

To live, to survive, living life

• سَچا سَيِّدَ مُون کي تُون، وَھِيان واھَرَ، نيئِي نيئِي اَوَلِ پِريان جي پارَ ڏي، ڪُنَ جٖي ڪارُونڀارَ جا، سي آئُون…[ سُر سھڻي - وايون ]
• ڪِلي ويرَ ڪَٽَڪَ ۾، پاکَرَ جَو پائي، اَڃا اُنَ کي جِيئَڻَ جو، آسانگو آھي، سُورِھُ سوچائي، جَو رُڳو ئِي رِڻِ…[ سُر ڪيڏارو - عليءَ جو اولاد ]
• گهوڙَنِ ۽ گهوٽَنِ، جِيئَڻَ ٿورا ڏِينھَڙا، ڪَڏِھِين مَنجِهہ ڪوٽَنِ، ڪَڏِھِين واھِي رِڻَ جا.[ سُر ڪيڏارو - ڪربلا ۽ ڪارا ڪڪر ]
• مَرُ مَرين آئُون رُئين، موٽِي آءُ مَ ڪانڌَ، ڪَچَن وَڏا پاندَ، جِيئَڻَ ٿورا ڏِينھَڙا.[ سُر ڪيڏارو - ڪامل ڪربلا ۾ ]
• ڏِنا جِيئَڻَ لاءِ جيڏِيُون، ڏيرَنِ مُون کي ڏُکَ، ڀَڳِيَسِ جان ڀَنڀورَ کان، سُورَ مِڙيئِي سُکَ، لَٿِي مُون تان لُکَ، پُنهون…[ سُر آبڙي - سڀ ڪجهہ سندي اندر ]
• تو سَڱُ ساھَ کَڻڻَ سين، جِيئَڻَ گوشي جاءُ، مَرَڻَ مُون سين آءُ، تَہ پُٺِيءَ تو پَنڌُ ڪَرِيان[ سُر معذوري - منڌ ۽ موت ]
• اُوچو اُتاھُون گهَڻو، جِيئَڻَ کي جَبَلُ، مَرَڻَ مُون سين ھَلُ، تَہ پُٺِيءَ تو پَنڌُ ڪَرِيان.[ سُر معذوري - منڌ ۽ موت ]
• مُون کي لَڳَڙِي آھِ لَغارَ، وو يارَ لُنءَ لُنءَ ۾ لالَڻَ جِي، ميخُون مَحَبتَ سَندِيُون، ھِينئَڙي مَنجِهہ ھَزارَ، جَڙَ جَنِي…[ سُر ديسي - وايون ]
• ڏُکُ لَڳو ڏُونگَرُ ٻَرِئو، ڀينَرُ کاڻِي ڀُون، مَنان لاٿو مُون، سَندو جِيئَڻَ آسِرو.[ سُر حسيني - سُور ۽ ڏکن ماري ]