سويل، سويلو، سويلي، ساجهر، سويرو، سوير. جلد ئي، جهٽ پٽ، يڪدم، ٺھ پھ، سُتت، سُتت ئي، بنا دير جي.

Early, at an early hour.

• اَڄُ ڪِيئَن اَسارو، کِوَڻِ ڏِسِئو ٿو کِلين، سَعيو ڪَرِ سَمُنڊَ جو، ويھُ مَ ويسارو، صُبحِ سَوارو، اُھَرَندين اوڙاھَ ڏي.[ سُر سريراڳ - توڪل، جاڳ سجاڳ ]
• پِرِھَ پَکِي آيو، صُبحِ سَوارو، روضي پاسِ رَسُولَ جي، جَنھِن ھَنيو ھاڪارو، مانجِهيُنِ ڪِئو مارو، چَڙُھُ مِيرَ مُحَّمَدُ عَرَبِي.[ سُر ڪيڏارو - پرھ پکي آيو ]
• ڇَپَرُ ڇَمَرُ ڀانيان، ڪانڀُو ۽ ڪارَو، پَٻُ وِجَهندِيَسِ پُٺِ تي، صُبوحِ سَوارو، وَڃَڻُ مُون وارو، ڪِينَ وِھَندِيَسِ وِچَ ۾.[ سُر ديسي - واٽُون ۽ سُور ]
• ڀينَرُ ھِنَ ڀَنڀورَ ۾، دوزَخَ جو دُونھون، سَوارو سُونھون، پُڇِي پُورِجِ سَسُئِي.[ سُر حسيني - بُرو ھو ڀنڀور ]
• اوٺِيَنِ اُمارو، مُون جَهلِيندي نَہ رَھِئا، ساٿِيَنِ سَوارو، ڪِئو ڪيچُ اَکِيُنِ ۾.[ سُر حسيني - جِيئڻُ ۽ مَرڻُ ]
• راڻِي ريٻارو، توڏانھن مُڪو تَڪِڙو، لُڊُوڻان لَطِيفُ چئَي، مانجِهي موچارو، صُبوحِ سَوارو، ڪاڪِ گِهڙندو ڪَرَھو.[ سُر راڻو - ڏِيئا، تيل ۽ مھمان ]
• رُسُ مَ رُسَڻُ گهورِئو، اُٺُ اوراھُون آڻِ، ليڙي کي لَطِيفُ چئَي، تَنگُ سَوارو تاڻِ، شَرمِيندِيُون سَڀَين پَريين، پُٺِيءَ لائي پاڻِ،…[ سُر راڻو - رُس مَ رُسڻ گهورئو ]
• تُون تان سَنبَھُ سَوارو، ڪاڪِ ڪَھَندين ڪَڏِھِين، وَڃِي ھَڻَندَءِ اُتَھِين، جِتِ اوندَھِ اَنڌارو، نَڪو ساٿِي سُڃَ ۾، نَڪو رِڃُنِ ريٻارو،…[ سُر راڻو - وايون ]
• ڊِگهي اَڏِ مَ مَنَھِين، پَکو اَڏِ مَ لانڍُ، اَڏِئو جَنِ وِرانڍُ، تَنِ سَوارو لَڏِئو.[ سُر ڏھر - رات، ڍول ۽ پرھ ڦُٽي ]