ويسر کاڌا، ويسريا، وسوڙل، غافل، بي خبر، وساريندڙ، ويسِلا.

Forgetful.

• دَنگِيءَ ۾ داڻا، وَٺِي وِجُهہ وَکَرَ جا، وِيرِ وِڙَھِندَيِئِي ويسَرا، ويھُ مَ ويڳاڻا، ھِيءَ نِنڊَ نِڄاڻا، ڪَڏِھِين ھَڻَندَيِئِي تارِ ۾.[ سُر سريراڳ - املهہ وکر ]
• لَهِريُنِ ليکو ناھِ ڪو، ڪَپَرَ ڪُنَ ڪارا، آڇاڙا عَمِيقَ جا، اَچَنِ اوڀارا، اُٿِي اَسارا، وِيرِ وَرَندَيئِي ويسَرا.[ سُر سريراڳ - اجگر لھرون ۽ جھاز ]
• وِيرِ وَرَندِيَئِي ويسَرا، اُٿِي توھُ طَلَبِ، سائِرَ ڪَنھِن سَبَبِ، ڪالَهہ نَہ وِڌُءِ ڪُنَ ۾.[ سُر سريراڳ - اجگر لھرون ۽ جھاز ]
• سُتين ڪِھَڙِي سارَ، وِڄُ کِوَندَيِئِي ويسَرا، تو جيڏا تو يارَ، لَھَرِ لَھِوارا ڪِئا.[ سُر سريراڳ - توڪل، جاڳ سجاڳ ]
• سُتين سَنجهيئِي، وِڄُ کِوَندِيَئِي ويسَرا، وِيرَ وَرِي ويئِي، اَسارَنِ، تان اوچِتِي.[ سُر سريراڳ - توڪل، جاڳ سجاڳ ]
• ساٿِيَنِ نَنڌا بارَ، تَنِ پانڌِيَنِ نَنڌا بارَ، توکي آرَسُ اَکِيُنِ ۾، پاتا پاڙي وارِيين پَڳَھَ ۾ پاتارَ، پَتَڻُ ٿو پُورَ…[ سُر سريراڳ - وايون ]
• کاھوڙِي کِجَنِ، پَسِئو پورِھِيَتِ ويسَرا، سي ڏوٿِيئَڙا ڏُورِ وِئا، رِڃُنِ جٖي رَھَنِ، ڪا مُلِ آھي تَنِ، مُون پِريان جِي ڳالِهڙِي.[ سُر کاھوڙي - ڏوٿِي، ڏُٿ، ڏُونگر ]
• کِڄِئا کاھوڙِي، پَسِي پورِھِيَتِ ويسَرا، ڏوٿِيئَڙا ڏوڙِي، وِکَ وَرايو پَنڌَ جِي.[ سُر کاھوڙي - ڏوٿِي، ڏُٿ، ڏُونگر ]