هڪ مشھور تاريخي ڪردار، ڄام لاکي”لاکو ڦلاڻي“.

A legendry charecter of Sindh, Jam Lakho Phulani.

• لاکو لَکِيءَ تي چَڙِهي، لَکِي لاکي ھيٺِ، سونارِيُون سَرِ ڪِئو، ڀيڙِئو ٻَڌي بيٺِ، ڏَمَرُ ڪندو ڏيٺِ، صُبحَ ويلَ سَڀَ ڪَنھِين.[ سُر ڏھر - لاکو ڦلاڻي، ريٻاڙي ۽ اوڏ ]
• لاکو لَکِيءَ تي چَڙِهي، لَکِي لاکي ساڻُ، چارِي چاڙِھي آيو، واسي راتِ وَٿاڻُ، جاڙيجَنِ زِيانُ، ڪيڏو ڪِئو ڪَڇَ سين.[ سُر ڏھر - لاکو ڦلاڻي، ريٻاڙي ۽ اوڏ ]
• ٽاٽوڪِينِ پَلاڻَ، سَدا ھَڻَنِ کَرکَرا، لاکي لوڙائُن جا، اِھَڙائِي اُھڃاڻَ، تَنگَنِ ڏيئِي تاڻَ، ڪُوڪَ ڪارِيندا ڪَڇَڙي.[ سُر ڏھر - لاکو ڦلاڻي، ريٻاڙي ۽ اوڏ ]
• لاکي لَڄَ کَنئِي، اَسان اوڏَڻينُ جِي، ڪَندو ڪانَہ ٻِي، اَڳَ وِسُوڙِي آھِيان.[ سُر ڏھر - لاکو ڦلاڻي، ريٻاڙي ۽ اوڏ ]
• اَڏي وِئا اوڏَ، حُجِرو لاکي ڄامَ جو، پَسُ ڪوڏارا ۽ ڪوڏَ، پِئا آھِينِ پَٽَ ۾.[ سُر ڏھر - لاکو ڦلاڻي، ريٻاڙي ۽ اوڏ ]
• جَي تُون اوڏَ طَلَبِيين، تِئان ھِتِ نَہ ڪوءِ، وِئا لاکي لوءِ، سَنجهي ٽَنگي ٽَنگِڙا.[ سُر ڏھر - لاکو ڦلاڻي، ريٻاڙي ۽ اوڏ ]
• چوري چَنجُورَنِ سين، کوٽي کَنيائُون کُوھَ، لاکي سَندِي ڳالِهڙِي، رَکِيائُون مَنجِهہ رُوحَ، پَڌَرِ ناھِ پاٻوھَ، اَندَرِ اورَڻُ پِرِينءَ سين.[ سُر ڏھر - لاکو ڦلاڻي، ريٻاڙي ۽ اوڏ ]
• چَلِئا کَڻِي چَنجُورَ، اوڏا اُلوڙي پَکَڙا، کَنيائُون تَنھِن کُوڻِ، جيڏانھَن لاکي لَڏِئو.[ سُر ڏھر - لاکو ڦلاڻي، ريٻاڙي ۽ اوڏ ]
• نَہ سي ڦُلَ باغَنِ ۾، ھَٽين نَہ داڻا، لاکي اَباڻا، لَڏي ڪَنھِن لوءِ وِئا.[ سُر ڏھر - لاکو ڦلاڻي، ريٻاڙي ۽ اوڏ ]
• جُهري ڏيئِي جهوڪَ، ٻَنِئان ٻَھرَ مَ نِڪِرو، لُوڻي مَٿان لوڪَ، لاکي گَهڻا لَڏائِيا.[ سُر ڏھر - اڄ گهرجين تُون ]
• چَڪَرُ چَوري ڍارَ، لِکَ سِينءَ لاکي ڄامَ جو، گهوڙا گهوٽَ سُؤارَ، ڪوھُ ڄاڻان ڪيڻِ وِئا.[ سُر ڏھر - اڄ گهرجين تُون ]
• اوڏِڻِ اوڏِي آءُ، توکي لاکي ڪوٺِئو، سَندو مِٽِيءَ مامِرو، لَٿو تو مَٿان، راڻِيُون گهَڻِيُون راڄَ ۾، توتي ريڌو راءُ.[ سُر ڏھر - وايون ]
• ڪيڏانھَن ڪَتَڻَ وارِيُون اولاڻِيَنِ اَرٽَ، لُڙجَنِ لاکيڻِيُنِ جُون، پَھِيُون مَٿي پَٽَ، اوبَڻُ ۽ اَرٽَ، ڇَڏي پيٺِيُون ڇَپَرين.[ سُر ڪاپائتي - چائت ۽ محبت ]