سون جو، سون وارو، سون مان ٺھيل طلائي، زرين. بلڪل سٺو، خاصو، عمدو، سھڻو، چوکو. نِج، نِبار، صاف، صفا، پاڪ، پوتر، بي عيب.

Golden, of gold.

• سونا وانءُ صَرافَ سِينءَ، ڀَڄِي ڇَڏِ بازِي، چاندِي ڪِئو چَلائِيين، رُپو رَوازِي، ٿِيندو رَبُ قاضِي، تورِيندو تَدبيرَ سان.[ سُر سريراڳ - صراف ۽ جوھري ]
• سونا وانءُ صَرافَ سِينءَ، بازِي ڀَڄِي ڇَڏِ، چاندِي ڪِئو چَلائِيين، مَڇُڻ پوئِي ھَڏِ، وَٽِ صَرافِيءَ سَڏِ، تورِيندا تَجوِيزَ سين.[ سُر سريراڳ - صراف ۽ جوھري ]
• سونا وانءُ صَرافَ سِينءَ، لَڏو ھَڏِ مَ لاھِ، آھي تَنِ اُونداھِ، جَنِ جَواھِرَ ضايَع ڪِئا.[ سُر سريراڳ - صراف ۽ جوھري ]
• سونا وانءُ صَرافَ سِينءَ، لَڏو لاھِ مَ، لَڏِ، سودو سوئِيءَ ڇَڏِ، جِتِ جَواھِرُ ناھِ ڪو.[ سُر سريراڳ - صراف ۽ جوھري ]
• آسَڻَ باسَڻَ اُنِ جا، سونا سَڀَيئِي، رَتا راٺوڙِيُنِ جا، ٻِيڙَنِ ھَٿَ پيئِي. ناتَر اُتِ نيئِي، راڻو رَتِ رَساڻِئو.[ سُر راڻو - ڪاڪ قاصد ۽ آسڻ ]
• آسَڻَ باسَڻَ اُنِ جا، سونا سَڀَ سُرَنگَ، ڪَلاباتُون ڪَپِڙا، اوڍِئائُون سِرِ اَنگَ، ڀَئِي ۽ ڀَنگُ، لَٿو لوڍِيَڙِنِ کي.[ سُر راڻو - ڪاڪ قاصد ۽ آسڻ ]
• سونا ڪُرَ ڪَنَنِ ۾، ڳِچِيءَ ڳاڙھا ھار، ٻانھُوٽا ٻانھُنِ ۾، سِينڌِ سَڻِڀا وارَ، تَڏِھِين پِيَ پَچارَ، ڪانڌَ مُنھِنجِي ڇَڏِي.[ سُر ليلا - ليلا ليلائيج ]
• لاکو لَکِيءَ تي چَڙِهي، لَکِي لاکي ھيٺِ، سونارِيُون سَرِ ڪِئو، ڀيڙِئو ٻَڌي بيٺِ، ڏَمَرُ ڪندو ڏيٺِ، صُبحَ ويلَ سَڀَ ڪَنھِين.[ سُر ڏھر - لاکو ڦلاڻي، ريٻاڙي ۽ اوڏ ]