تصور، ويچار، پُور، سوچ، غور، سمجهہ، سُوجهہ، رايا، ڳڻت، اٺسٺا، هَم تَم، ڪَٿَ، ڳڻتيون، پچارون. صلاحون، ارادا، مرضيون، مَنشائون، ڌيان، چِت، جاچ، سنڀال. موج، آرا، لَھرا، رِيچَڪ، جُجڪيون، وهم. جا ڳالهہ ماڻهوءَ جي دماغ ۾ اچي.

Ideas, thoughts, imaginations, intentions, objects, fancies, notions, illusions, delusions, visions.

• ھارِيۡ حَقُ رَکيجِ، سانڀارا ساھَڙَ جو، وَھمَ جي وُجُودَ جا، وِچان سَڀَ وَڍيجِ، خُوابَ خِيالَ خَطِرا، تَنِ جي تَرَڪُ ڏيجِ،…[ سُر سھڻي - ساھڙ، اڀو آڇي ۽ سانڀارا ]
• ھارِيۡ رَکِجِ حَقُ، سانڀارا ساھَڙَ جو، خُوابَ، خِيالَ، خَطِرا، ٽِنِهي ڏيجِ تَرَڪُ، ڪَري غَيرُ غَرَقُ، ويجهو ٿِيءُ وِصالَ کي.[ سُر سھڻي - ساھڙ، اڀو آڇي ۽ سانڀارا ]
• اِيئين رَھِيَسِ راھَ ۾، ھُونھين ھَٿَ ھَڻِي، وِئا خِيالَ کَڻِي، ماءُ مُنھِنجو جِندَڙو.[ سُر ڪوھياري - خودڪلامي ]
• ماءُ مُنھِنجو جِندَڙو، کَنيو خِيالَنِ، ڪُوڙَنِ ڪَذابَنِ، پوءِ رَھايَسِ پِرِينءَ ري.[ سُر ڪوھياري - خودڪلامي ]
• صُورَتَ سَندِيَنِ سالَ، پاڻَ مُصاحِبَ سُپِرِين، مَولا ڏِنَنِ مُنھَن ۾، نُورِي نيڻَ نِھالَ، سَندي خُوابَ خِيالَ، مُون مَنُ مَتِوالو ڪِئو.[ سُر بروو سنڌي - صُورت فانِي ۽ مڙه مقام ]