سِيخُنِ بابت
معنيٰ
لوھَ جون سنهيون ڊگهيون لَٺِيون، تارِ، ڪَبابَ پچائڻ جي شِيخَون. ڪارب مان نڪتل مِٽيءَ کي وڍڻ جي تار. پِڪ، ٿُڪ. پڪل گوشت. ڪُڪڙَ جي کَڙَهَ.
Thin iron rods, iron raods for Bar BQ

بيتن ۽ وائين ۾
- پھرِين ڪاتِي پاءِ، پُڇِجِ پوءِ پِريَتڻُون، ڏُکُ پِريان جو ڏِيلَ ۾، واڄَٽَ جِيئَن وَڄاءِ، سِيخُنِ ماھُ پَچاءِ، جَي نالو ڳِيَڙءِ…[ سُر ڪلياڻ - سُوري، ڪاتي ۽ زھر ]
- ٽانڊين ڪانڊين ٻاٻُرين، پَچان مَرُ پيئِي، جيرا جِگرَ بُڪِيُون، سِيخُنِ ۾ ٽيئي، ويڄَنِئان ويئِي، ٿِي وَھِيڻِي سَڄَڻين.[ سُر يمن ڪلياڻ - باھ ۽ ساڙو ]
- ڪِئائُون قَلبَ کي، طَرَحَ تَنُورا، جيرا جِگرَ بُڪِيُون، ڪَپي ڪِئائُون ڪورا، سِيخُنِ ۾ سُورا، تَرِيائون تَرتِيبَ سين.[ سُر يمن ڪلياڻ - باھ ۽ ساڙو ]