ڌاڳو، ڏورُ، سُٽَ وغيرہ جي تَندُ. سينگار لاءِ سُٽَ جي تَند جو زيورُ. ڪَرائيءَ ۾ ٻَڌڻ جو سونَ يا چاندِيءَ جي تند جو زيَورُ. مال جو رَسو. گهوڙي يا اُٺ جو سُٽ مان ٺهيل ڪنھن سَنجهَہ جو هڪ قِسمُ. دُعا لاءِ سُٽَ جي وَٽايل تَندُ، سَڳو ڦِيڻو. رَسو، واجهُہ.

A twisted thread, twine.

• جَنِي جي جَھازَ کي، سَڳو سُلِطانِي، سِڙَه اَڇا ۽ اولِيُون، اُنِ جي کُوھي نَہ خامِي، بَندَرُ بَصِرو ڪيچُ قَلاتُ تَنِ…[ سُر سريراڳ - جيون ۽ جھاز ]
• سامِي چَئجي تَنھِن کي، جو ڪُھي سَڳوۡ ڀاءُ، طَلاقَ ڏيئِي جوءِ کي، سُمهين وَٽِ ماءُ، اِنَ پَرِ اُٿِي آءُ، تَہ…[ سُر رامڪلي - الله، آدم، جوڳي ۽ سنياسي ]
• سَڳو ڏِسِي سُهِڻو، مَڱِي آندو مُون، لَڳِي ڪَنِ ڪَونئُروءَ کي، تِپي ويٺين تُون، اَڳُ ڍَڪِيندو ھُون، ڪانڌَ ڪَچايُون ڪيتِرِيُون.[ سُر ليلا - ليلا ليلائيج ]
• مَرَڪي مُھاڻِي، جَهرَڪي جيڏِيُنِ وِچَ ۾، جِيئَن سَڳو مَنجِهہ سُرِندڙي، تِيئَن راڻِنِ ۾ راڻِي، سَمي سُڃاڻِي، ٻِيڙو ٻڌُسِ ٻانھَن ۾.[ سُر ڪاموڏ - مِڙيوئي معاف ]