اَنگُ جي سنڌي معنيٰ
عدد. اکر. ڏنگي ليڪ. اَنگڙي. اگهہ، نرخ. نشاني، چِٽ. داغ، ڏنڀ. ڌَڪُ. عضوو. جسم، بدن. اوگهڙ. داءُ ملهہ وغيرہ جو. لڇڻ، افعال. اَزل جو لِکيو.
ذريعو:جامع سنڌي لغات
قسمت ڀاڳ تقدير
ذريعو:ڀٽائي پيڊيا - ڀٽائي پيڊيا
انگ: (سن. انْڪَ = نشان، ليڪ) بخت جو ليڪو، نصيب، يعني قسمت ھرھڪ انسان جي نرڙ تي سندس بخت ازل کان لکي ڇڏيو آھي. ايرانين جو پڻ اھڙو اعتقاد آھي، جنھن
ڪري قسمت کي ”سرنوشت“ ڪري چوندا آھن.
ذريعو:شاھ جو رسالو - ھوتچند مولچند گربخشاڻي
English Meaning
A number, piece, organ of body, fate, luck
اَنگُ جا بيتن ۾ حوالا
آگي ڪِئا اَڳھَيِن، نِسوروئي نُورُ،
لاخَوفُ عَلَيھم ولا ھُم يحزَنُونَ ، سَچَن ڪونِهي سُورُ،
مَولا ڪِئو مَعمُورُ، اَنگُ اَزَلَ ۾ اُنِ جو.
[ سُر ڪلياڻ، يڪتائي، 6 ]
لاخَوفُ عَلَيھم ولا ھُم يحزَنُونَ ، سَچَن ڪونِهي سُورُ،
مَولا ڪِئو مَعمُورُ، اَنگُ اَزَلَ ۾ اُنِ جو.
[ سُر ڪلياڻ، يڪتائي، 6 ]
ڪاتِي جا قَرِيبَ جِي، ھَڏُ چِيري چَمُ،
عاشِقَنِ پَنھِنجو اَنگُ، لِلهِ ڪارَڻِ وَڍِئو.
[ سُر ڪلياڻ، سُوري، ڪاتي ۽ زھر، 13 ]
عاشِقَنِ پَنھِنجو اَنگُ، لِلهِ ڪارَڻِ وَڍِئو.
[ سُر ڪلياڻ، سُوري، ڪاتي ۽ زھر، 13 ]
نَہ ڪانِيءَ نَہ ڪانھَنۡ، نَڪو ڏوھُ قَلَمَ جو،
اَنگُ اُتي ئِي لِکِئو، جِتِ نَہ رَسي ٻانھَن،
ڪَنھِن کي ڏِيان دانھَن، جِيئَن قَضا قَلَمُ وَھايو.
[ سُر سھڻي، تران، سڀت، ڏٺي ڏينھن، 20 ]
اَنگُ اُتي ئِي لِکِئو، جِتِ نَہ رَسي ٻانھَن،
ڪَنھِن کي ڏِيان دانھَن، جِيئَن قَضا قَلَمُ وَھايو.
[ سُر سھڻي، تران، سڀت، ڏٺي ڏينھن، 20 ]
ويٺِنِ ڪونَہ وَراڪو، سُتِيَنِ ڪونِهي سَڱُ،
ھوتُ ھَلَندِنِ کَٽِئو، اَنگهُنِ چاڙِھي اَنگُ،
باسي ڀَئِي ڀَنگُ، رِڙِھِي ڄامَ رَسِيُون.
[ سُر آبڙي، جِيئڻ، ور ۽ ھيڪاندي، 14 ]
ھوتُ ھَلَندِنِ کَٽِئو، اَنگهُنِ چاڙِھي اَنگُ،
باسي ڀَئِي ڀَنگُ، رِڙِھِي ڄامَ رَسِيُون.
[ سُر آبڙي، جِيئڻ، ور ۽ ھيڪاندي، 14 ]
اَصلِ اَنگُ سَندونِ، وَھِي جيڏاھِين وِئو،
ڪِھَڙو ڏوھُ ڏِبونِ، سو مُنھُن آيو ساٿِيين.
[ سُر معذوري، سُڻڻ، ٻُڌڻ ۽ مڃڻ، 20 ]
ڪِھَڙو ڏوھُ ڏِبونِ، سو مُنھُن آيو ساٿِيين.
[ سُر معذوري، سُڻڻ، ٻُڌڻ ۽ مڃڻ، 20 ]
جٖي سُئا نَہ ٻُڌا، سي ڪِيئَن پِرِين پَسجَنِ،
قَلَمُ جَنِي جي ھَٿَ ۾، سي جَي ڪَرمُ ڪَنِ،
اَنگُ مَٽائِي اڳِيُون، ماڳھِين ٻِئو لِکَنِ.
[ سُر معذوري، سُڻڻ، ٻُڌڻ ۽ مڃڻ، 24 ]
قَلَمُ جَنِي جي ھَٿَ ۾، سي جَي ڪَرمُ ڪَنِ،
اَنگُ مَٽائِي اڳِيُون، ماڳھِين ٻِئو لِکَنِ.
[ سُر معذوري، سُڻڻ، ٻُڌڻ ۽ مڃڻ، 24 ]
جَڏھِن ڪُن فَيَڪُون ، نِيو آرِياڻِيءَ اَرواحُ،
اَنگُ اَڳھَيِن لِکئِو، مُنھِنجو مِيثاقا،
مَنْ طلَبَ شَیئاً وَ جَدَّ وَجَدَ ، اُتو عَلِيءَ شاھَ،
اَڃا ھِنَ حَدِيثَ جو، مُون کي آسِرو آھِ،
پُنهونءَ جي پَيغامَ تان، مُنھِنجو مَوتُ مُباحُ،
سَرَتِيُون دُعا ڪِجا، مَنَ ميڙائو مُون ٿِئي.
[ سُر ديسي، اوٺي اُٻھرا، 1 ]
اَنگُ اَڳھَيِن لِکئِو، مُنھِنجو مِيثاقا،
مَنْ طلَبَ شَیئاً وَ جَدَّ وَجَدَ ، اُتو عَلِيءَ شاھَ،
اَڃا ھِنَ حَدِيثَ جو، مُون کي آسِرو آھِ،
پُنهونءَ جي پَيغامَ تان، مُنھِنجو مَوتُ مُباحُ،
سَرَتِيُون دُعا ڪِجا، مَنَ ميڙائو مُون ٿِئي.
[ سُر ديسي، اوٺي اُٻھرا، 1 ]
نَڪو ڏوھُ ڏيرَنِ جو نَڪو پُنهون پَنگُ،
ايرادي اللهَ جي، اَڳُ وَھايو اَنگُ،
تيلاھِين ٻَڌِي تَنگُ، ڇُلي پيٺِيَسِ ڇَپَرين.
[ سُر ديسي، ڏيرن ناھي ڏوھ، 15 ]
ايرادي اللهَ جي، اَڳُ وَھايو اَنگُ،
تيلاھِين ٻَڌِي تَنگُ، ڇُلي پيٺِيَسِ ڇَپَرين.
[ سُر ديسي، ڏيرن ناھي ڏوھ، 15 ]
سوڍي ريءَ سَرَتِيُون، پِئو ڀِتِيُنِ ۾ ڀَنگُ،
اُٻاٽِجِي اَڄُ وِئو، راڻا تو ريءَ رَنگُ،
ھِنيَين سين ھاڃو ٿِئو، پِئو اوسِيڙي اَنگُ،
مُون تَوِھِين سين سَڱُ، پُڇايو پُڇان پَھِي.
[ سُر راڻو، ڏِيئا، تيل ۽ مھمان، 13 ]
اُٻاٽِجِي اَڄُ وِئو، راڻا تو ريءَ رَنگُ،
ھِنيَين سين ھاڃو ٿِئو، پِئو اوسِيڙي اَنگُ،
مُون تَوِھِين سين سَڱُ، پُڇايو پُڇان پَھِي.
[ سُر راڻو، ڏِيئا، تيل ۽ مھمان، 13 ]
جَي هُوندَ هِتي هُئِي مارُئِي، تَہ لَڌيَمِ ڪَرَ ڪيڻاسِ،
اَرادا سِئُمِ عُمَرَ کي، ويجهو ٿِي وَٽانسِ،
جَي نَہ ڇَڏِيائِين ڪِ جَهلِيائِين، پَنھِنجو اَنگُ آڇِيانس،
لاهي لوھَ لَطِيفُ چئَي، هِتان هُوندَ هَلانسِ،
موکي مارُوئَنِ سامُهُون، وَٺِي ٻانھَن وَڃانسِ،
رَهَبرُ ٿِي ريڙِهانسِ، سُونھاري ساڻيھَ ڏي.
[ سُر مارئي، جھ سي لوڙائو ٿئا، 8 ]
اَرادا سِئُمِ عُمَرَ کي، ويجهو ٿِي وَٽانسِ،
جَي نَہ ڇَڏِيائِين ڪِ جَهلِيائِين، پَنھِنجو اَنگُ آڇِيانس،
لاهي لوھَ لَطِيفُ چئَي، هِتان هُوندَ هَلانسِ،
موکي مارُوئَنِ سامُهُون، وَٺِي ٻانھَن وَڃانسِ،
رَهَبرُ ٿِي ريڙِهانسِ، سُونھاري ساڻيھَ ڏي.
[ سُر مارئي، جھ سي لوڙائو ٿئا، 8 ]
English Meaning
A number, piece, organ of body, fate, luck