آگم ڪيو اچن...

آزارَ

(اسم - noun)
ڇَند : 1+2+2 = 5
(aazaar'a - आज़ारा )

Frequency: 6

آزارَ جي سنڌي معنيٰ
  • تڪليف، اهنج، اوکائي، ڏُک. عذاب، مصيبت، ڏاکڙو. ايذاءُ، سور، دردُ. جنجال. بکيڙو. بيماري، روڳ. ڳاروڻي، جهوري، وِجهل وغيرہ ذريعو:ڀٽائي پيڊيا
    • English Meaning
  • Pains, troubles, strains
    • آزارَ جا بيتن ۾ حوالا
    تُون حَبِيبُ، تُون طَبِيبُ، تُون دَردَ جِي دَوا،
    جانِبَ مُنھِنجي جِيءَ ۾، آزارَ جا اَنواعَ،
    صاحِبَ ڏيِين شَفا، مِيان مَرِيضَنِ کي.
    [ سُر يمن ڪلياڻ، حبيب ۽ طبيب، 1 ]
    اُٿِيارِي اُٿِي وِئا، مَنجهان مُون آزارَ،
    حَبِيبَ ھَڻِي وِئا، پِيڙا جِي پَچارَ،
    طَبِيبَنِ تَنوارَ، ھَڏِ نَہ وَڻي ھاڻِ مُون.
    [ سُر ڪلياڻ، عشق ۽ معشوق، 1 ]
    ساھَڙَ ڌاران سُهڻِي، آھي ۾ آزارَ،
    ڏَمَ پاسي ۾ ڏُکندو، صِحَتَ وَٽِ سَنگهارَ،
    توڏِيءَ سَندي تَنَ جِي، دَوا ۾ دِيدارَ،
    جَي پَسي مُنھُن ميھارَ، تَہ سِگهِيائِي سَگهِي ٿِي.
    [ سُر سھڻي، جيئري، ساھڙ ڌاران، 5 ]
    مَعلُومُ حالُ حَبِيبَ، مُون کي دَردُ قَدِيِمي وو،
    دَردُ جَدِيدِي وو حُبَ حَبِيبِي وو،
    آلُودِي آزارَ کان، تو ريءَ ٿِيَسَ طَبِيبَ،
    شادِي ڏيِين صِحَتَ جِي، غَمِي لاھِ غَريِبَ،
    ڪاھِلِ آھِيان ڪُوَڙِي، رَسِي لاھِ رَقِيبَ،
    حاذِقُ آھِين ھِنَ جو، اَچين شالَ عَجِيبَ،
    اَگِهي ٿِي آھُون ڪَرِيان، نَعرو مَنجِهہ نَصِيبَ،
    دَوا آھِين دِلِ جِي، پُڇُ پُڇُ رَھيَسِ طَبِيبَ،
    اَلا عَبدِالْلَطِيفَ کي، ڪوڙي لاءِ قَرِيبَ.
    [ سُر آبڙي، وايون، 5 ]
    داتا سَندي دَرَ تي، وِڳَندُ ويٺو پَسُ،
    تَنھِن روڳِيءَ کي رَسُ، جو آلودو آزارَ سين.
    [ سُر بلاول، وڳند، 9 ]
    عاشِقُ توءِ آزارَ سين، جي مَٿي وَڃي ڳِيجَهہ،
    جي ويٺو مَنجِهہ ڪُرِيزَ، توءِ سِيچاڻِي شِڪارَ سين.
    [ سُر ڪيڏارو، داستان پھريون، 22 ]
    English Meaning
  • Pains, troubles, strains

    • ڪوش آخري ڀيرو 2025-09-01 جي 10:34 لڳي اپڊيٽ ٿيو.