ڳڻتي، فڪر، خيال، تات، سنڀال، خبرداري، سڌ سماءُ، نظر، چنتا، اون، انديشو، اُڍڪو، پرگهور، پردانت. سُورُ، ڏُکُ. ڌيان، سانگو، ڏک، غم، تڪليف، وڇوڙو، جدائي.

Care, heed, concern, anxiety.

• وِئا اوھَرِي اوءِ، مُون کي ڇَڏي ماڳھِين، جُڳَنِ جا جُڳَ ٿِئا، تِئان نَہ موٽِئو ڪوءِ، گُوندَرُ مارِيندو، ويچارِي وِئَنِ جو.[ سُر سامونڊي - پڳھ ۽ سامونڊين سڱ ]
• ڪُٺِيَسِ ڪوھِيارِي، ڪِينَ جِيئان ٿِي جيڏِيُون، مادَرِ وِڌِيَسِ مَچَ ۾، ٻاروچي ٻاري، مُيُون جو ماري، سو مان گُوندَرُ گَڏِئو.[ سُر حسيني - لَڪ لَڪيُون ۽ ڪُٺل ]
• ڪَنِي ڪَنِي ماڻُهِين، گُوندَرُ وَڏِي وَٿُ، ٻَڌِي گوڏِ گَرَٿُ، ساٽو ڪِجي سُورَ جو.[ سُر حسيني - سؤُ سُک ۽ طالب، تات ]
• سُتِيَسِ تان ساٿَ وِئو، اُٿِيَسِ تان اُٺَ ناھِ، تَنِ ڪِبو ڪانهَن، جَنِ گَڏِيي گُوندَرُ نَہ لَھي.[ سُر حسيني - وڳ قطارون ۽ ڪاروُن ]
• جي گهُران سي نانھِ، اَڻَ گهُرِيا لوءِ گَهڻا، مَنھُن ڀَرِيو ماڻُهين، مُون مَنُ مُوافِقُ ناھِ، تَنِ ڪِبو ڪانهَنِ، جَنِ گَڏِيي…[ سُر حسيني - وڳ قطارون ۽ ڪاروُن ]
• جي مَنَ ماھِ سي ناھَ، جي ناھِ ڏِسَنِ گَهڻا، تَنِي ڪِبو ڪانهن، جِنِ گَڏي گُوندَرُ نَہ لَھي.[ سُر حسيني - وڳ قطارون ۽ ڪاروُن ]
• مُون کاھوڙِي لَکِئا، گهَرين نَہ گهارِينِ، واحِدَ لَڳِ وِلُهنِ ۾، رويو جَرُ ھارِينِ، گُوندَرُ گُذارِينِ، جُھ ڏوٿِي ڏُٿُ گَڏُ ٿِئا.[ سُر کاھوڙي - ڏوٿِي، ڏُٿ، ڏُونگر ]